सोनू सूदला मदतीवरून फटकारलं, आता राजपाल यादवचा यू -टर्न; हसत आला, मिठी मारली अन्...Video व्हायरल
काही दिवसांपूर्वीच राजपाल यादव यांनी सोनू सूदच्या मदतीबाबत वक्तव्य केले होते. त्यामुळे हा व्हिडिओ समोर आल्यानंतर सोशल मीडियावर अनेकजण राजपाल यादवच्या ‘बदललेल्या अॅटिट्यूड’बद्दल चर्चा करत आहेत.
Rajpal Yadav Sonu Sood: काही दिवसांपूर्वी अभिनेता राजपाल यादव आणि सोनू सूद यांच्यातील वाद गेल्या काही दिवसांपासून चांगलाच गाजत आहे. काही दिवसांपूर्वी राजपाल यादव यांचे नाव 9 कोटी रुपयांच्या कर्जप्रकरणात चर्चेत आले होते. या प्रकरणात त्यांना तुरुंगातही जावे लागले होते. त्यावेळी सोनू सूदसह अनेक कलाकार त्यांच्या मदतीसाठी पुढे आले होते. सोनू सूद यांनी राजपाल यादव यांना चित्रपटाची ऑफर दिल्याचीही चर्चा झाली होती. नंतर राजपाल आणि सोनू सूद यांच्या मदतीवरून काही मतभेद झाल्याचं दिसलं. पण, बॉलिवूड अभिनेता राजपाल यादव आणि सोनू सूद यांचा एक व्हिडिओ सध्या सोशल मीडियावर जोरदार व्हायरल होत आहे. (Viral Video)
व्हिडिओमध्ये दोघेही एकत्र चालताना दिसतायत आणि नंतर अचानक एकमेकांना मिठी मारताना पाहायला मिळतात. त्यानंतर दोघेही पापाराझींसाठी हसत पोज देताना दिसतात. काही दिवसांपूर्वीच राजपाल यादव यांनी सोनू सूदच्या मदतीबाबत वक्तव्य केले होते. त्यामुळे हा व्हिडिओ समोर आल्यानंतर सोशल मीडियावर अनेकजण राजपाल यादवच्या ‘बदललेल्या अॅटिट्यूड’बद्दल चर्चा करत आहेत.
सोनू सूद राजपालमधील वाद
राजपाल यादव आणि सोनू सूद यांच्यात गेल्या काही दिवसांपूर्वी मदतीवरून वाद झाला होता. तुरुंगातून सुटल्यानंतर राजपाल यादव यांनी या सगळ्या चर्चांवर प्रतिक्रिया देताना स्पष्ट केले होते की त्यांनी कुणाकडेही मदत मागितलेली नाही. तसेच सोशल मीडियावर अनेक अफवा पसरवल्या जात असल्याचेही त्यांनी सांगितले होते. “मला कुणाकडूनही चित्रपट मागण्याची गरज नाही,” असेही ते म्हणाले होते.
दरम्यान, सोनू सूद यांनी या वक्तव्यावर शांतपणे प्रतिक्रिया दिली होती. त्यांनी सांगितले की एखाद्या कलाकाराला मदतीची गरज असेल तर ते नेहमी पुढे येतील. त्यांचा उद्देश फक्त मदत करण्याचा असल्याचेही त्यांनी स्पष्ट केले होते.अलीकडेच दोघांचा एकत्र व्हिडिओ समोर आल्याने पुन्हा एकदा या विषयावर चर्चा सुरू झाली आहे. व्हिडिओमध्ये दोघेही अतिशय कूल अंदाजात एकमेकांशी संवाद साधताना आणि हसत-हसत मिठी मारताना दिसत आहेत.
View this post on Instagram
कामाबद्दल बोलायचे झाले तर राजपाल यादव लवकरच भूत बंगला या चित्रपटात अक्षय कुमार सोबत दिसणार आहेत. तसेच Welcome to the Jungle या मल्टिस्टारर चित्रपटातही ते झळकणार आहेत. याशिवाय ‘हैवान’ या चित्रपटातही ते दिसणार असून या चित्रपटात अक्षय कुमार, सैफ अली खान आणिअजय देवगण मुख्य भूमिकेत असणार आहेत. तसेच त्यांच्या दोन वेब सीरिज आणि आणखी दोन चित्रपटही लवकरच प्रेक्षकांच्या भेटीला येणार असल्याचे सांगितले जात आहे.
महत्त्वाच्या बातम्या
