Rajpal Yadav Wife Radha Yadav Reaction: राजपाल यादवनं तिहारमध्ये सरेंडर केल्यानंतर पत्नीची पहिली प्रतिक्रिया, म्हणाली, 'बॉलिवूड...'
Rajpal Yadav Wife Radha Yadav Reaction: राजपाल यादवची पत्नी राधा यादव हिनं बॉलिवूड इंडस्ट्रीच्या पाठिंब्याबद्दल कृतज्ञता व्यक्त केली आहे. अनेक लोक पतीच्या पाठीशी उभं राहून मदतीसाठी पुढे आल्याचं तिनं सांगितलं.
Rajpal Yadav Wife Radha Yadav Reaction: बॉलिवूड (Bollywood News) अभिनेता राजपाल यादव (Rajpal Yadav) सध्या चेक बाउन्स प्रकरणात (Check Bounce Case) अडचणीत सापडला आहे. अभिनेत्यानं दिल्ली उच्च न्यायालयाच्या (Delhi High Court) आदेशानंतर तिहार तुरुंगात (Tihar Jail) सरेंडर केलं. त्यावेळी अभिनेत्यानं दिलेल्या प्रतिक्रियेनं सारेच भारावले. सोनू सूदनं सर्वात आधी अडचणीत सापडलेल्या राजपाल यादवसाठी मदतीचा हात पुढे केला. त्यानंतर इंडस्ट्रीतले अनेकजण राजपाल यादवच्या मदतीसाठी पुढे सरसावले. अशातच आता या सर्व प्रकरणावर राजपाल यादवच्या पत्नीनं आपली पहिली प्रतिक्रिया दिली आहे.
राजपाल यादवची पत्नी राधा यादव हिनं बॉलिवूड इंडस्ट्रीच्या पाठिंब्याबद्दल कृतज्ञता व्यक्त केली आहे. अनेक लोक पतीच्या पाठीशी उभं राहून मदतीसाठी पुढे आल्याचं तिनं सांगितलं. राधा यादवनं बुधवारी पीटीआयला माहिती देताना सांगितलं की, "सर्वांनी त्यांना पाठिंबा दिलाय. इंडस्ट्रीनं खूप पाठिंबा दिलाय. मदतीसाठी पुढे येणाऱ्या सर्वांचे खूप खूप आभार..." चेक बाऊन्स प्रकरणातील थकबाकी न भरल्यानं तिहार तुरुंगात राजपाल यादवनं आत्मसमर्पण केलं, तेव्हा राधा यादवचं हे वक्तव्य समोर आलं आहे.
प्रकरण नेमकं काय?
राजपाल यादवचं चेक बाउन्स प्रकरण 2010 पासूनच सुरू झालेलं. त्यावेळी अभिनेता राजपाल यादवनं आपला सिनेमा 'अता पता लापता'साठी मुरली प्रोजेक्ट्स प्रायव्हेट लिमिटेडमधून 5 कोटींचं कर्ज घेतलं होतं. फिल्म बॉक्स ऑफिसवर फ्लॉप झाली, ज्यामुळे राजपाल यादवला मोठ्या आर्थिक नुकसानाचा सामना करावा लागला आणि कर्ज फेडण्यासाठी अत्यंत कठीण परिस्थितीचा सामना करावा लागलेला.
राजपाल यादवला कोर्टाचे सरेंडर करण्याचे निर्देश
या काळात, राजपाल यादवनं त्याचं कर्ज फेडण्यात यश मिळवलं, ज्यामध्ये 2025 मध्ये भरलेले 7.5 दशलक्ष रुपये समाविष्ट होते. तथापि, वारंवार विलंब आणि मुदत चुकवल्यामुळे न्यायालयानं त्याच्या हेतूंवर प्रश्नचिन्ह उपस्थित केलं, कारण त्यांनी प्रकरण सोडवण्यात 'गांभीर्याचा अभाव' असल्याचं सांगितलं. 4 फेब्रुवारी 2026 रोजी न्यायमूर्ती स्वरण कांता शर्मा यांनी पैशाची व्यवस्था करण्यासाठी एका आठवड्याची मुदतवाढ देण्याची अभिनेत्याची अंतिम विनंती फेटाळून लावली. प्रसिद्धीची पर्वा न करता वारंवार उदारता दाखवता येणार नाही, असं न्यायालयानं स्पष्ट केलं आणि राजपाल यादवला विलंब न करता आत्मसमर्पण करण्याचे निर्देश दिले.
महत्त्वाच्या इतर बातम्या :
महत्त्वाच्या बातम्या
