Rajinikanths Jailer 2 OTT: सुपरस्टार रजनीकांत (Rajnikanth) यांच्या चाहत्यांसाठी एक आनंदाची बातमी. सिनेमागृहात धमाका केल्यानंतर आता रजनीकांत यांचा 'जेलर 2' (Jailer 2) हा    सिनेमा ओटीटी प्लॅटफॉर्मवर प्रदर्शित होण्यास सज्ज झाला आहे. सिनेमाची डिजिटल रिलीज डेट जाहीर करण्यात आली आहे. ज्या प्रेक्षकांना    हा चित्रपट सिनेमागृहात जाऊन पाहता आला नाही, त्यांना हा सिनेमा ओटीटी प्लॅटफॉर्मवर (OTT Platform) पाहता येईल. हा सिनेमा प्रेक्षक ओटीटी रिलीजची आतुरतेने वाट पाहत होते.  आपण आता हा सिनेमा घरबसल्या पाहू शकता. 

Continues below advertisement

रजनीकांत यांचा 'जेलर 2' प्राइम व्हिडीओ या ओटीटी प्लॅटफॉर्मवर रिलीज होणार (Rajinikanths Jailer 2 OTT Release Date Confirmed)

मीडिया रिपोर्ट्सनुसार, रजनीकांत यांचा 'जेलर 2'  हा सिनेमा 12 नोव्हेंबर रोजी ओटीटी प्लॅटफॉर्मवर रिलीज होणार आहे. प्राइम व्हिडीओ या ओटीटी प्लॅटफॉर्मवर 'जेलर 2' हा सिनेमा स्ट्रीम होणार आहे.  प्राइम व्हिडीओने आपल्या अधिकृत सोशल मीडिया अकाऊंटवर याची माहिती  शेअर केली आहे.  5 नोव्हेंबर रोजी या ओटीटी प्लॅटफॉर्मने या सिनेमाची वर्ल्डवाइड स्ट्रीमिंग प्रीमिअरची घोषणा केली. प्राइम व्हिडीओने सोशल मीडियावर ही माहिती शेअर करताना लिहिले की,  'टायगर मुथुवेल पांडियन परत आले आहेत. जेलर 2 हा सिनेमा प्राइम व्हिडीओवर 12 नोव्हेंबर रोजी स्ट्रीम होणार आहे'.

प्राइम व्हिडीओने सिनेमाबद्दल केलेल्या घोषणेमुळे चाहत्यांची उत्सुकता शिगेला पोहोचली आहे. विशेष म्हणजे, रजनीकांत यांची पुन्हा एकदा दमदार आणि अॅक्शन शैली पाहायला मिळणार आहे.  मीडिया रिपोर्ट्सनुसार,  'जेलर 2' या सिनेमाने चित्रपटगृहांमध्ये चांगली कामगिरी केली आहे. या सिनेमाने रिलीजच्या पहिल्या दिवसापासून बॉक्स ऑफिसवर चांगली कामगिरी केली.  या चित्रपटाने प्रदर्शनाच्या 21 व्या दिवशीही आपली दमदार कामगिरी कायम ठेवली होती. दरम्यान, 'जेलर 2'ने  बॉक्स ऑफिसवर दमदार कामगिरी केल्यानंतर आता ओटीटी प्लॅटफॉर्मवर रिलीज होण्यास सज्ज झाला आहे. 

Continues below advertisement

'जेलर 2' या सिनेमाची एकूण नेट कमाई 466.05 कोटी रुपये इतकी आहे. तर, ग्रॉस कलेक्शन 545.10 कोटी रुपये इतके आहे.  तर,  परदेशात या सिनेमाने 276 कोटी रुपयांचे ग्रॉस कलेक्शन केले आहे. यामुळे जगभरातील या सिनेमाची एकूण कमाई 821.10 कोटी इतकी झाली आहे.  नेल्सन दिलीपकुमार दिग्दर्शित 'जेलर 2' या सिनेमाची निर्मीती सन पिक्चर्स बॅनरखाली कलानिधी मारन यांनी केली आहे.  रजनीकांत पुन्हा एकदा निवृत्त जेलर टायगर मुथुवेल पांडियन यांची भूमिका साकारत आहे.  या सिनेमात अभिनेता मोहनलाल आणि विजय सेतुपती यांसारखे दिग्गज कलाकारही पाहायला मिळत आहे.

महत्त्वाच्या इतर बातम्या:

Kareena Kapoor khan on Saif ali khan Attack: 'मी वेड्यासारखी ऑटो थांबवण्यासाठी रस्त्यावर पळत होते'; सैफ अली खानवरील हल्ल्याच्या रात्री काय घडलं? अभिनेत्रीने दिली A to Z माहिती