Raja Shivaji: सध्या 'राजा शिवाजी' या चित्रपटाची मनोरंजन विश्वात एकच चर्चा आहे. या चित्रपटाचा ट्रेलर नुकताच प्रदर्शित करण्यात आला. रितेश देशमुखच्या अभिनयाचे सगळीकडे कौतुक होत असताना सोशल मीडियावर ऐतिहासिक संदर्भात चूक झाल्याचे सांगत भाजप कार्यकर्त्याने थेट अभिनेता रितेश देशमुखला ट्वीट करत सवाल केला. (Riteish Deshmukh)
अफजलखानाचा कोथळा बाहेर काढताना एका दृश्यात ही कथित चूक झाल्याचं त्यांनी सांगताच रितेश देशमुखने भाजप कार्यकर्त्याला प्रत्युत्तर दिलंय. याची सध्या सोशल मीडियावर चांगली चर्चा आहे. चित्रपटाच्या ट्रेलरमध्ये छत्रपती शिवाजी महाराज हल्ल्यापूर्वी अफजलखानाला उघडपणे वाघनखं दाखवताना दिसत असल्याचं या भाजप कार्यकर्त्यांनं म्हटलंय. महाराष्ट्राचा इतिहास छत्रपती शिवाजी महाराजांचा वारसा आणि अभिमान याच्यात छेडछाड केली का? असा सवालही त्यांनी विचारलाय. यानंतर रितेशने त्यांना प्रत्युत्तर दिलंय.
नेमकं प्रकरण काय ?
सध्या 'राजा शिवाजी' या चित्रपटाची सर्व स्तरांमध्ये चर्चा सुरू आहे. या सिनेमाचा ट्रेलर पाहून अनेक जण रितेश सह सर्व कलाकारांचे कौतुक करताना दिसत आहेत. त्यातच भाजप कार्यकर्त्याने केलेल्या एका ट्विटची चर्चा आहे. सुरेश नखुआ यांनी केलेल्या ट्विटमध्ये ' राजा शिवाजी चित्रपटाच्या ट्रेलरमध्ये अफजलखानाचा कोथळा बाहेर काढणाऱ्या शिवरायांच्या हातातील वाघनख्यांवरून रितेश देशमुखला काही सवाल केले आहेत.
त्यांनी म्हटलं ' रितेश देशमुखच्या या चित्रपटाचा ट्रेलर मध्ये छत्रपती शिवाजी महाराज हल्ल्यापूर्वी अफजलखानाला उघडपणे वाघनख दाखवताना दिसत आहेत. अफजलखानाच्या हल्ल्यानंतरच छत्रपती शिवाजी महाराजांनी वाघनख्यांचा वापर केला होता ही ऐतिहासिक वस्तू स्थिती आहे.. रितेश देशमुख का छत्रपती शिवाजी महाराज आणि महाराष्ट्राचा इतिहास वारसा आणि अभिमान यांची छेडछाड आणि अपमान करतायेत ? ? असा सवाल त्यांनी केला. छत्रपती शिवाजी महाराजांनी अफजल खानाला वाघ नखा दाखवली होती का ? अफजलने महाराजांवर हल्ला केल्यानंतर वागणं बाहेर आली. महाराष्ट्राच्या वैभवशाली इतिहासाची अशी छेडछाड का ? असा सवाल उपस्थित केल्यानंतर रितेश देशमुखनेही त्यांच्या या सवालांवर प्रत्युत्तर केलंय.
रितेश म्हणाला " आदरणीय सर, कृपया एक मे रोजी हा चित्रपट नक्की बघा. तुमच्या प्रश्नाचे उत्तर चित्रपटात आहे. मला आशा आहे की आपण आपल्या मित्रांसह आणि कुटुंबासह चित्रपटाचा आनंद घ्याल .जय शिवराय " असं तो म्हणाला. यानंतर सोशल मीडियावर अनेक जण रितेशच कौतुक करताना दिसतायेत.