Raja Shivaji Box Office Collection worldwide: छत्रपती शिवरायांच्या यशावर आधारित 'राजा शिवाजी' चित्रपटाने बॉक्स ऑफिसवर (Box Office) धुरळा उडवलाय. 'ओपनिंग डे' लाच 13.51 कोटींचं कलेक्शन करत प्रेक्षकांची पसंती मिळवली. आठवड्याभरात कलेक्शनमध्ये काहीशी घट दिसत असली तरी प्रदर्शनाच्या तिसऱ्या शनिवारी पुन्हा एकदा मुसंडी मारत चित्रपटाने 3.19 कोटी रुपयांची कमाई केली. (Raja Shivaji) प्रदर्शनाच्या 16व्या दिवशीची ही कमाई आहे. दोन आठवड्यात या चित्रपटाने देशभरात 88.85 कोटी रुपयांचं नेट कलेक्शन नोंदवण्यात आलं आहे. 100 कोटींपर्यंत हा चित्रपट पोहोचेल का? याकडे प्रेक्षकांचे लक्ष लागून आहे.
जिओ स्टुडिओज आणि मुंबई फिल्म कंपनी निर्मित रितेश देशमुख दिग्दर्शित आणि अभिनित राजा शिवाजी या चित्रपटाने बॉक्स ऑफिसवर आपली पकड कायम ठेवली आहे. दुसऱ्या आठवड्याचा शेवट 84.70 कोटींच्या निव्वळ कमाईने केल्यानंतर शनिवारी वीकेंड चा फायदा या चित्रपटाला झाल्याचा दिसतंय . 2.70 कोटी रुपयांचा नेट कलेक्शन व 24.9 % प्रेक्षक संख्यसह देशभरातील 2172 शोमध्ये काल हा चित्रपट पाहिला गेला.
राजा शिवाजीची आतापर्यंतची वाटचाल
मराठी सिनेसृष्टीतील आत्तापर्यंतचा सर्वात विक्रमी कमाईचा पहिला आठवडा गाजवल्यानंतर छत्रपती शिवरायांच्या जीवनावर आधारित या ऐतिहासिक गाथेने देशभरातील प्रेक्षकांच्या मनावर राज्य केलं. दुसरा आठवड्यातही आपली घोडदौड कायम ठेवत 24.30 कोटी रुपयांची कमाई या चित्रपटाने केली. प्रदर्शनाच्या तिसऱ्या आठवड्यात प्रवास काहीसा खडतर वाटत असला तरी वीकेंडचा फायदा या चित्रपटाला होताना दिसतोय. तिसऱ्या शुक्रवारी म्हणजेच 15 व्या दिवशी राजा शिवाजी चित्रपटाने 1.71 कोटी ग्रॉस व 1.45 कोटी नेट कमाई केली. तर शनिवारी 2.70 कोटींची नेट कमाई या चित्रपटाने केली.
पहिला आठवडा: ₹7.70 कोटीदुसरा वीकेंड: ₹17.40 कोटी11वा दिवस (सोमवार): ₹2.65 कोटी12वा दिवस (मंगळवार): ₹2.75 कोटी13वा दिवस (बुधवार): ₹2.10 कोटी14वा दिवस (गुरुवार): ₹2.10 कोटी15वा दिवस (शुक्रवार):₹ 1.45 कोटी 16 वा दिवस (शनिवार):₹ 2.70 कोटी
एकूण कमाई: 88.85 कोटी
तिसऱ्या आठवड्यात कमाईचा आकडा कमी दिसत असला तरी राजा शिवाजी पुन्हा एकदा बॉक्स ऑफिस गाजवण्यासाठी तयार झाला आहे. 100 कोटींचा क्लब गाठण्यासाठी या चित्रपटाची वाट काहीशी खडतर आहे. चित्रपटाला 100 कोटींसाठी 14 कोटी रुपयांची नोंद होणं आवश्यक आहे.
दिग्गज कलाकारांची फौज
सुप्रसिद्ध संगीतकार जोडी अजय-अतुल यांचे दमदार संगीत आणि आंतरराष्ट्रीय ख्यातीचे छायाचित्रकार संतोष सिवन यांचे अप्रतिम छायांकन या चित्रपटाला वेगळीच उंची प्रदान करत आहे. प्रत्येक फ्रेममध्ये भव्यता आणि ऐतिहासिक वास्तवतेची झलक जाणवते. या चित्रपटात संजय दत्त, अभिषेक, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते, जिनिलिया देशमुख आणि स्वतः रितेश यांसारख्या दिग्गज कलाकारांचा समावेश आहे, ज्यामुळे या चित्रपटाचा आवाका अधिकच भव्य झाला आहे.