Priyanka Chopra : अभिनेत्री प्रियांका चोप्रा (Priyanka Chopra) सध्या तिच्या पतीसोबत लॉस एंजेलिसमध्ये राहत आहे. निक जोनस आणि प्रियांकाचे (Priyanka Chopra) अनेक फोटो देखील व्हायरल होत असतात. दरम्यान निक आणि प्रियांकाच्या ड्रीम हाऊसबाबत एक मोठी बातमी समोर आली आहे. प्रियांकाने तब्बल 166 कोटी मोजून घेतलेला बंगला खरेदी केला होता. मात्र, या बंगल्यात वॉटर लिकेजचा प्रॉब्लेम कमी होत नव्हता. त्यामुळे घरातील अनेक अडचणींना प्रियांका (Priyanka Chopra) आणि निकला सामोरे जावे लागत होते. प्रियांकाने अखेर हे घर खाली करण्याचा निर्णय घेतलाय. एवढेच नाही तर प्रियांकाने प्रॉपर्टी डिलरविरोधात केस दाखल केली होती.
निक जोनस आणि प्रियांकाने सोडले घर
मीडिया रिपोर्ट्नुसार, प्रियांका चोप्रा आणि निक जोनस दोघांनी मिळून 2019 त्यांचे ड्रीम हाऊस खरेदी केले होते. मात्र, या घरात वॉटर लिकेजचा प्रॉम्ब्लेम सुरु झाला. वॉटर डॅमेजच्या समस्येमुळे चोप्रा आणि जोनस कुटुंबियांना अडचणींचा सामना करावा लागत होता. पाण्याच्या गळतीमुळे घरातील अनेक भागात भिंतीला चिरा पडत होत्या. ही समस्या काही केल्या कमी होत नव्हती. प्रियांकाच्या आलिशान घरात सात बेडरुम, नऊ बाथरुम, वातावरण नियंत्रित ठेवण्यासाठी वाइन सेलर, शेफ किचन, होम थिएटर, बॉलिंग एली, स्पा आणि शॉवर या सर्वांचा समावेश होता. प्रियांका आणि निक या दाम्पत्याने 2023 मध्ये घर विकणाऱ्या डिलर विरोधात तक्रार देखील दाखल केली होती.
प्रियांका-निक घरातील वॉटर लिकेजमुळे हैराण
घरातील अनेक ठिकाणी वॉटर लिकेजचा प्रॉब्लेम सुरु झाला. त्यामुळे प्रियांका हैराण झाली होती. प्रियांकाने प्रॉपर्टी डिलरकडे याबाबत नुकसान भरपाईची मागणी देखील केली होती. घर रिपेअर करण्यासाठी पैसे मिळाले पाहिजेत, अशी मागणी करण्यात आली होती. याशिवाय जे नुकसान तेही भरुन द्यावे, असेही प्रियांका आणि निकने म्हटले होते. दुरुस्तीचा खर्च 13 ते 20 कोटींच्या दरम्यान होता. तत्पूर्वी, प्रियांका आणि निक मुलगी मालती मेरीसमवेत दुसऱ्या घरात शिफ्ट झाले आहेत. घर दुरुस्त होत नाही, तोपर्यंत ते तिथे राहणार आहेत.
निक-प्रियांका भारतात
काही दिवसांपूर्वीच निक जोनस आणि प्रियांका चोप्रा भारतात आले होते. मुंबईत गाण्याच्या एका फेस्टीवलमध्ये निक सहभागी झाला होता. Lollapalooza India असे या फेस्टिवलचे नाव होते. भारतीय चाहत्यांना दोघांचेही मनापासून स्वागत केले. शिवाय जीजू जीजू म्हणत घोषणाबाजीही करण्यात येत होती. सध्या प्रियांका तिच्या हॉलिवूड प्रोजेक्टमध्ये व्यस्त आहे.
इतर महत्वाच्या बातम्या