Pravin Tarde On Trollers: मराठमोळे दिग्दर्शक प्रवीण तरडे यांनी लिहिलेला आणि दिग्दर्शित केलेला 'देऊळ बंद 2' ( Deool Band 2) चित्रपट सध्या बॉक्स ऑफिसवर ( Box Office Collection) धुमाकूळ घालतोय. या चित्रपटाला महाराष्ट्र भरातील प्रेक्षकांकडून भरभरून प्रतिसाद मिळताना दिसतोय. 'देऊळ बंद 2: आता परीक्षा देवाची' या चित्रपटाने प्रदर्शनाच्या तिसऱ्या आठवड्यात सर्वाधिक कमाई करणाऱ्या मराठी चित्रपटांमध्ये Top 5 मध्ये स्थान मिळवलं आहे. मात्र, काहींनी या चित्रपटाला ट्रोलही केलं आहे. अभिनेते, दिग्दर्शक प्रवीण तरडे ( Pravin Tarde) यांनी अलीकडेच दिलेल्या मुलाखतीत, चित्रपटाला ट्रोल करणाऱ्यांची बोलती बंद केली आहे.
दिग्दर्शक प्रवीण तरडे म्हटलं की एक रांगडा राकट माणूस डोळ्यासमोर येतो. आपल्या चित्रपटाच्या कथानकामुळे, ठसकेबाज, रोखठोक बोलल्यामुळे कायम चर्चेत असतात. अलीकडेच प्रदर्शित झालेल्या देऊळ बंद 2 सिनेमात बायकोला प्रमुख रोल दिल्याने त्याच्यावर टीका झाली. शिवाय अनेकांनी श्रद्धेच्या नावावर सुरू असलेला भंपकपणा दाखवत असल्याची टीकाही त्यांच्यावर केली. मात्र, या सगळ्यावर प्रवीण तरडे यांनी थेट उत्तर दिलं आहे.
प्रवीण तरडेचं ट्रॉलर्सला सडेतोड उत्तर
देऊळ बंद चित्रपटाला प्रेक्षकांचा भरभरून प्रतिसाद मिळाल्यानंतर तब्बल 11 वर्षांनी प्रवीण तरडे यांनी या चित्रपटाचा दुसरा भाग प्रेक्षकांसमोर आणला. मोहन जोशी, स्नेहल तरडे यांच्या प्रमुख भूमिका असणाऱ्या या चित्रपटाला मुंबई, पुण्यामध्ये जबरदस्त प्रतिसाद मिळाला. महाराष्ट्रभरात बहुतांश ठिकाणी प्रेक्षकांची पसंती या चित्रपटाला मिळाली. अनेकांनी या चित्रपटाला ट्रोलही केले. यावर अलीकडेच दिलेला मुलाखतीत प्रवीण तरडे म्हणाले ' जे देव मानत नाहीत त्यांना हा सिनेमा जास्त झोंबला. माझ्या देवाचा उदो उदो मीच करणार. त्यामुळे मी तो केला. त्याचा कोणाला त्रास झाला याबद्दल मला काही देणंघेणं नाही. उलट मी जास्त आनंदी झालो. म्हणजे 'तीर निशाने पे लगा है.' शेतकऱ्यांचा आत्महत्या थांबण्यासाठी माझा देव मैदानात उतरलाय. शेतकरी बनवून तो बांधा बांधावर फिरला. ग्रामीण भागात थेरडा म्हणण्याची पद्धत आहे.पण देवाने तेही हसत हसत स्वीकारलं. कुठल्याही चमत्काराशिवाय शेतकऱ्यांच्या आत्महत्या थांबवली . मी माझ्या धर्माचं -देवाचं पालन केलं नाही तर फॉरेनवरून कोणी येणार आहे का? त्यामुळे हे ट्रॉलिंग मी मजेने घेतो' असं प्रमाण तरडे म्हणाले. मुंबई तकला दिलेल्या मुलाखतीत ते बोलत होते.
'देऊळ बंद 2' चित्रपटाची आतापर्यंतची कमाई
देऊळ बंद 2 चित्रपटाने चित्रपटाचा पहिला दिवशी दोन कोटी 45 लाखांची कमाई केली. मात्र नंतरच्या वीकेंडचा या चित्रपटाला चांगलाच फायदा झाला. आतापर्यंत या चित्रपटाचं वर्ल्डवाइड कलेक्शन 66.56 कोटी रुपये झाले आहे. एकूण 29 हजार शोध मधून या चित्रपटाने 56. 60 कोटी रुपयांची नेट कमाई केली आहे. वीकेंडसह विकडेजलाही हा चित्रपट आवर्जून पाहायला लोक जात आहेत. प्रदर्शनाच्या तिसऱ्या शनिवारी या चित्रपटाने 3.7 कोटी रुपयांची कमाई केली.