Prarthana Behere: मराठी अभिनेत्री प्रार्थना बेहेरेवर दुःखाचा डोंगर कोसळला आहे. एका रस्ते अपघातात त्यांच्या वडिलांचा निधन झालंय. प्रार्थनाने ही दु:खद बातमी आपल्या सोशल मीडियावर शेअर केली. त्यांच्या वडिलांचे वय 75 वर्षे होते.प्रार्थनाच्या पोस्टवर चाहत्यांबरोबरच मराठी सिनेसृष्टीतील अनेक कलाकारांनीही सांत्वन व्यक्त केले आणि अभिनेत्रीला धीर दिला. वडिलांच्या अचानक जाण्याने प्रार्थनाला मोठं धक्का बसलाय. तिने वडिलांविषयी एक भावूक पोस्ट केलीय. (Prarthana Behere Father Passed Away)
प्रार्थना बेहरेने वडिलांविषयी केली भावनिक पोस्ट
“मर के भी किसी को याद आएंगेकिसी के आंसुओं में मुस्कुराएंगेकहेगा फूल हर कली से बार बारजीना इसी का नाम है “माझे बाबा .... ❤️
१४ ऑक्टोबर रोजी त्यांचे निधन दुर्दैवाने एका road अपघातात झाले”
बाबा ....... तुमच्या जाण्यानंतर आयुष्य जणू थांबल्यासारखं वाटतंय ,तुमचं हास्य अजूनही आमच्या कानात गुंजतं, तुमचा आत्मविश्वास आमच्या मनाला बळ देतो, आणि तुमचं जीवन पाहून आम्हाला शिकायला मिळालं की आनंद म्हणजे परिस्थिती नव्हे, तर दृष्टिकोन असतो.
तुमचा प्रामाणिकपणा, सेवाभाव आणि लोकांप्रती असलेलं निस्सीम प्रेम आम्हाला माणुसकीचं खरं मूल्य शिकवून गेलं.तुम्ही आम्हाला शिकवलंत की इतरांना मदत करणे हेच खरं समाधान आहे.
ती पुढे म्हणाली,''आज तुम्ही आमच्यासोबत नसला तरी तुमचा आवाज आणि गाणी आम्हाला सतत बळ देतात.तुमची अचानक झालेली exit, मनाला भयंकर लागली आहे. काल परवा पर्यंत सगळ अलबेल होतं. तुमच्या अकाली जाण्याने आम्ही सगळेच खुप दुखावलो आहोत. प्रत्येक क्षणी तुमची आठवण येतच रहाणार आहे. पण या सगळ्या घटनेला वेगळ्या दृष्टीने पाहीलं तर, तुम्ही अधिक प्रत्येकाच्या जवळ रहाणार आहात. कारण तुम्ही स्मरणात रहाणार. प्रत्येक वेळी प्रत्येक क्षणी, आम्ही आमच्या मनाला वाटेल तेव्हा, तुमच्याशी संवाद साधू शकतोय.''
डोळ्यातलं पाणी कधीच तुम्हाला दिसू नये याची काळजी घेईन..
तुम्हाला आजपर्यंत अभिमान वाटेल अशीच कामगिरी मी करत आली आहे. आता अधिक जोमाने कामाला सुरुवात करणार आहे. तुम्ही जिथे कुठे असाल, तुम्हाला माझ्या अप्रतिम कामाने श्रध्दांजली अर्पण करत रहाणं, हे माझं कर्तव्य आहे. डोळ्यातलं पाणी कधीच तुम्हाला दिसू नये याची काळजी घेईन. कारण मलाही तुम्हाला धूसर पहायचं नाही. तुमचं ओठावरचं हसू, मनात घर करून राहीलं आहे. तेच टिकवण्याची जबाबदारी मी घेणार आहे.काळजी करू नका... मी खुप strong आहे. कारण माझ्या पाठीशी नाही तर, तुम्ही सोबत आहात याची खात्री आहे.I LOVE YOU BABA , MISS YOU FOREVER...तुमची Tumpa❤️'' अशी पोस्ट तिने केलीय. काही महिन्यांपूर्वीच प्रार्थना बेहेरेच्या वडिलांचा 75 वा वाढदिवस झाला होता. दरम्यान, प्रार्थना बेहेरेची ही पोस्ट पाहून चाहत्यांना धक्का बसला आहे.