Prajakta Mali On Love Marriage: मराठी मनोरंगजसृष्टीतली (Marathi Entertainment Industry) लाडकी आणि लोकप्रिय अभिनेत्री (Marathi Actress) म्हणजे, प्राजक्ता माळी. उत्कृष्ट अभिनेत्री, निवेदिका, नृत्यांगणा आणि यशस्वी उद्योजिका म्हणून नावारुपाला आली आहे. प्राजक्ता माळी अनेक तरुणांच्या गळ्यातील ताईत आहे. प्राजक्ताने मालिकांपासून आपल्या अभिनयाच्या कारकिर्दीची सुरूवात केली. नंतर तिनं सिनेमांमधून आपल्या अभिनयाचं नाणं खणखणीत वाजवलं. असं असलं तरीसुद्धा 36 वर्षांची प्राजक्ता माळी (Prajakta Mali) आजही सिंगल आहे. आपल्या अदांनी, सौंदर्यानं घायाळ करणाऱ्या प्राजक्ताला प्रेमाबाबत काय वाटतं? याबाबत तिनं स्वतः भाष्य केलं आहे. प्रेम ही केवळ क्षणिक भावना नसून, ती मागील जन्मातील कर्मांशी जोडलेली संकल्पना असल्याचं प्राजक्ता एका मुलाखतीत बोलताना म्हणाली.
प्राजक्ता माळी नेमकं काय म्हणाली?
मराठमोळी अभिनेत्री प्राजक्ता माळी बोलताना म्हणाली की, "हा विषय सगळ्यांनाच आवडतो, पण तो तितकाच अवघडही आहे. जे लगेच, उत्स्फूर्तपणे वाटतं, ते मला प्रेम वाटत नाही. ते आकर्षण असतं. प्रेम तेव्हाच होतं, जेव्हा दोन व्यक्तींमध्ये खोलवर कार्मिक कनेक्शन असतं..."
"असी फिलॉसॉफी आहे की की, मागील जन्मातील जो तुमचा शत्रू असतो, तोच या जन्मात तुमचा जोडीदार असतो. जर मागील जन्मातील शत्रूत्व सौम्य असेल, तर या जन्मातलं नातंही तसंच असतं. माझं जास्त वाचन असल्यामुळे प्रेमाची संकल्पनाच बदलून गेली आहे...", असं प्राजक्ता माळी म्हणाली.
प्राजक्ता माळीच्या वर्कफ्रंटबाबत बोलायचं झालं तर, प्राजक्ता माळीची 'जुळून येती रेशीमगाठी' ही मालिका प्रचंड गाजली. यानंतर 'नकटीच्या लग्नाला यायचं हां', 'फुलवंती', 'खो-खो', 'चंद्रमुखी', अशा अनेक चित्रपटांमध्ये तिने प्रमुख भूमिका साकारली. मालिका सिनेमांसह तिचा 'रानबाजार' ही वेबसिरीज देखील प्रंचड गाजली. या सिरीजमधील तिच्या भूमिकेचं खूप कौतुक झालं. तसेच ती 'महाराष्ट्राची हास्यजत्रा' या विनोदी शोचं देखील सूत्रसंचालन करते.
महत्त्वाच्या इतर बातम्या :