Prajakta Mali On Shah Rukh Khan : 'पटलं तर घ्या' या कार्यक्रमात प्राजक्ता माळी (Prajakta Mali) सहभागी झाली असून तिने तिच्या आयुष्यातील विविध गोष्टींबद्दल भाष्य केलं आहे. दरम्यान तिने 'स्वदेस' या सिनेमाच्या शूटिंगदरम्यानचा एक किस्सा चाहत्यांसोबत शेअर केला आहे. प्राजक्ता बॉलिवूडचा बादशाह अर्थात शाहरुख खानला (Shah Rukh Khan) 17 वेळा धडकली आहे.
प्राजक्ता शाहरुखला 17 वेळा का धडकली?
शाहरुखला धडकल्याबद्दल प्राजक्ता म्हणाली की, "स्वदेस' या सिनेमाच्या शूटिंगदरम्यान मी आठवीत होते. या सिनेमातील नायिका लायब्ररीमध्ये पैसे विसरते आणि ते देण्यासाठी शाहरुख तिच्या मागे जातो असा सीन होता. तेव्हा तो लायब्ररीतून बाहेर पडताना त्याला दोन मुली धडकतात. त्यापैकी एक मी होते."
प्राजक्ता पुढे म्हणाली की, "स्वदेस' या सिनेमाच्या शूटिंगदरम्यान मी 13 वर्षांची होते. त्यामुळे शाहरुख समोर आल्यावर मी आपोआप बाजूला व्हायचे. त्यामुळे तो सहज नायिकेपर्यंत पोहोचायचा. 17 टेक झाल्यानंतर शेवटी शाहरुख मला म्हणाला, तुला फक्त उभं राहायचं आहे. बाकी काही करु नको. त्यानंतर 18 व्या टेकमध्ये मी काही केलं नाही आणि शाहरुख मला धडकला".
प्राजक्ताने याआधी सोशल मीडियावर शाहरुखला धडकतानाचा व्हिडीओ शेअर केला होता. त्यावेळी ती म्हणाली होती की, "मी शाहरुखला एक नाही तर सतरा वेळा धडकली आहे. एका सीनसाठी मी 17 वेळा रिटेक घेतला आहे. शाहरुख समोर आला की मी बाजूला व्हायचे. त्यानंतर शाहरुखने मला बोलावलं आणि समजावलं. शाहरुखने त्यावेळी माझ्यासारख्या नवोदित कलाकाराला समजून घेतलं होतं.
'या' मराठी अभिनेत्रीची प्राजक्ता माळी आहे लेडी क्रश
प्राजक्ता माळी ही एक उत्कृष्ट अभिनेत्री, निवेदिका, नृत्यांगना आहे. याबरोबरीनेच ती एक कवयित्री आणि उद्योजिका म्हणूनही नावारुपास येत आहे. असंख्य मुलांची ती ड्रीमगर्ल आहे. त्याच जोडीने अनेक मुलींनाही ती आवडते. परंतु आता एक अशी गोष्ट समोर आली आहे, ती म्हणजे मराठी सिनेसृष्टीत आपल्या अभिनयाचा एक वेगळा ठसा उमटवणाऱ्या अभिनेत्रीची प्राजक्ता लेडी क्रश आहे. प्राजक्ता ही अभिनेत्री ऋतुजा बागवेची (Rutuja Bagwe) लेडी क्रश आहे आणि ही गोष्ट तिने प्राजक्तासमोर मान्य केली आहे.
संबंधित बातम्या