OTT Upcoming Webseries: OTT वर येतेय खतरनाक क्राईम थ्रिलर वेबसिरीज; 1 मिनिट 14 सेकंदांचा टीझर पाहूनच हादरले प्रेक्षक; ‘सैयारा’ फेम अभिनेत्रीचा अभिनय अंगावर काटा आणतोय
विशेष म्हणजे, या सीरिजचं शूटिंग तिने ‘सैयारा’च्या आधीच पूर्ण केलं होतं. या गंभीर प्रकरणाच्या तपासाची जबाबदारी फातिमा सना शेखने साकारलेल्या पोलीस निरीक्षकावर आहे.
OTT Upcoming Webseries: ओटीटीवर सध्या वेगवेगळ्या धाटणीच्या वेबसीरिजची (Webseries) पर्वणीच प्रेक्षकांना मिळत आहे. आता अशीच एक दमदार क्राईम थ्रिलर सिरीज (Crime Thriller Web series) प्रेक्षकांच्या भेटीला येण्यासाठी सज्ज झाली आहे. या आगामी वेबसिरीजचा 1 मिनिट 14 सेकंदांचा टीझर (Teaser) रिलीज झाला असून, तो पाहिल्यानंतरच प्रेक्षकांमध्ये उत्सुकता निर्माण झाली आहे. दमदार विषय, केसचा तपास आणि तगडी स्टारकास्ट यामुळे ही वेबसिरीज चर्चेत आली आहे.
1 मिनिट 14 सेकंदांच्या टीझरने वाढवली उत्सुकता
या वेबसिरीजच्या टीझरमध्ये सुरुवातीपासूनच एक गूढ आणि अस्वस्थ करणाऱ्या गोष्टी समोर येतात.काही घटना, संशयास्पद व्यक्तिरेखा आणि त्यांच्यामागचं रहस्य याची झलक टीझरमध्ये देण्यात आली आहे.या वेबसिरीजची कथा एका धक्कादायक आणि संवेदनशील विषयाभोवती फिरताना दिसते. विशेषतः 17 वर्षांच्या मुलीच्या आयुष्यात घडणाऱ्या घटनांमुळे कथेला वेगळं वळण मिळतं. टीझरमध्ये दिसणाऱ्या काही प्रसंगांमधून या मुलीच्या आयुष्यातील संघर्ष, गूढ घटना आणि त्यामागचं सत्य याची झलक दाखवलीय.
विशेष म्हणजे, ‘सैयारा’मधून लोकप्रिय झालेली अभिनेत्री अनित पड्डा या वेबसिरीजमध्ये हादरवून टाकतेय. तिचा या क्राईम थ्रिलरमधील अवतार प्रेक्षकांचं लक्ष वेधून घेत आहे. रोमँटिक भूमिकेनंतर आता ती एका गंभीर आणि आव्हानात्मक व्यक्तिरेखेत दिसणार असल्याने तिच्या चाहत्यांसाठी ही वेबसिरीज विशेष ठरणार आहे.अनित पड्डासह टीझरमध्ये राम कपूर, मोहम्मद जीशान अय्यूब, अर्जुन माथुर आणि जोया हुसेन यांचीही झलक पाहायला मिळते. त्यामुळे ‘हुंकार’ची स्टारकास्टही लक्षवेधी ठरली आहे. दमदार कलाकारांची स्टारकास्ट असल्याने ही वेबसिरीज ओटीटीवरील आगामी चर्चेतील प्रोजेक्टपैकी एक ठरू शकते.
कधी होणार रिलीज?
दरम्यान, वेबसिरीजच्या टीझरला सोशल मीडियावर चांगला प्रतिसाद मिळत असून, प्रेक्षक आता या सीरिजच्या रिलीजची वाट पाहत आहेत. तिची अधिकृत रिलीज डेटही जाहीर करण्यात आलीय. 'हुंकार द रोअर' ही सिरीज २५ सप्टेंबर २०२६ रोजी जिओ हॉटस्टारवर रिलीज होणार आहे.
महत्त्वाच्या बातम्या
