OTT Mystery Thriller Series Dhootha IMDb 8 Rating: सत्य, काळजाला पिळ घालणारी भिती आणि अंगावर शहारे आणणारा थ्रील, यावर आधारित असलेली ही क्राइम थ्रिलर सीरिज (Crime Thriller Series) प्राईम व्हिडीओवर (Prime Video) प्रदर्शित होताच प्रेक्षकांच्या अंगावर काटा येतो. ही थ्रिलर सीरिज भूतकाळाचं कथन करत नाही, तर काही वर्तमानपत्रांच्या तुकड्यांमधून भविष्यात घडणाऱ्या घटनांचं वर्णन करते.
8 एपिसोड्सची सुपरनॅचुरल मिस्ट्री-क्राईम थ्रिलर (Mystery Thriller Series Dhootha 8 Episods)
आम्ही ज्या सीरिजबाबत सांगतोय, ती तुम्हाला अगदी सुरुवातीपासूनच हादरवते. ॲमेझॉन प्राईम व्हिडीओच्या या सुपरनॅचुरल मिस्ट्री-क्राईम थ्रिलर वेब सीरिजला IMDb वर 7.7 रेटिंग मिळालंय आणि OTT वर याचे आठ एपिसोड्स आहेत, ज्यामुळे प्रत्येक एपिसोड पाहणं आवश्यक ठरतं.
नागा चैतन्य अक्किनेनी मुख्य भूमिकेत (Naga Chaitanya Akkineni Starer Dhootha)
आठ एपिसोड्सच्या सस्पेन्स-थ्रिलर सीरिजचं नाव 'धूथा' आहे. '13बी' आणि '24' सारख्या ब्लॉकबस्टर सिनेमांचे प्रसिद्ध दिग्दर्शक विक्रम के. कुमार यांनी या सीरिजचं दिग्दर्शन केलं आहे. या सीरिजमध्ये तेलुगू अभिनेता नागा चैतन्य अक्किनेनी यानं मुख्य भूमिका साकारली आहे.
'धूथा' ची कथा नेमकी काय? (Story Of Dhootha)
ॲमेझॉन प्राईमवर प्रदर्शित झालेली 'धूथा' ही नवी सीरिज, एका मोठ्या वृत्तपत्राचा मुख्य संपादक म्हणून काम सुरू करणाऱ्या सागर वर्मा (नागा चैतन्य अक्किनेनी) या पत्रकाराची कथा सांगते. सागर स्वतःला 'धूथा' समजतो, म्हणजेच लोकांपर्यंत सत्य पोहोचवणारा दूत. पण वास्तव हे होतं की, तो स्वतः एक भ्रष्ट पत्रकार होता, जो आपला विजय निश्चित करण्यासाठी कोणत्याही थराला जायला तयार होता. इतकंच नाही तर, सागरनं आपल्या वरिष्ठांना चार्ल्सविरुद्ध भडकवून मुख्य संपादकाचं पदही मिळवलं होतं.
खरं तर, त्या भूमिकेसाठी चार्ल्स हाच योग्य उमेदवार होता. मात्र, सागरनं सर्वांना सांगितलं की, चार्ल्स या कामासाठी अयोग्य आहे, कारण तो मानसिकदृष्ट्या अस्थिर आहे. सागरकडे सर्व काही होतं, संपत्ती, सत्ता आणि प्रसिद्धी, पण एका वर्तमानपत्रातील कात्रणानं त्याच्या कुत्र्याच्या मृत्यूची भविष्यवाणी केल्यावर त्याच्या आलिशान आयुष्यात खळबळ उडाली. सुरुवातीला सागरनं याकडे केवळ एक विनोद म्हणून पाहिलं, पण ती भविष्यवाणी लवकरच खरी ठरली आणि त्यातूनच रहस्य, भीती आणि गुन्हेगारीनं भरलेली एक उत्कंठावर्धक कथा सुरू झाली.
IMDb वर 8 रेटिंग (Dhootha Series 8 Episods)
2003 मधील 'धूथा' या मालिकेला IMDb वर 8/10 असं सर्वोत्तम रेटिंग मिळालं आहे. मानवाची कर्म, पत्रकारितेचं वास्तव आणि भूतकाळात दडलेली गडद गुपितं यांचं सुंदर चित्रण करणारी ही सीरिज प्रेक्षकांना खऱ्या अर्थानं खिळवून ठेवते.
पावसाच्या वातावरणात केलेलं शुटिंग सीन्समध्ये खरेपणा आणतं
पार्वती थिरुवोथु, प्रिया भवानी शंकर, प्राची देसाई आणि पशुपती यांसारख्या उत्कृष्ट कलाकारांच्या अभिनयामुळे ही सीरिज अधिकच प्रभावी झाली आहे. सतत पडणाऱ्या पावसात केलेलं शुटिंग आणि त्यासोबतचं अप्रतिम पार्श्वसंगीत यामुळे ही सीरिज भारतीय ओटीटी (OTT) प्लॅटफॉर्मवरील सर्वोत्तम सस्पेन्स-थ्रिलर सीरिजपैकी एक ठरली आहे.
महत्त्वाच्या इतर बातम्या :