Bigg Boss: 'मला इन्स्टाग्रामवर बऱ्याच गे लोकांचे मेसेज येतात...'; 'बिग बॉस मराठी 6'च्या स्पर्धकाचा मोठा खुलासा

Omkar Raut on His Bigg Boss Marathi Entry Story: ओमकार राऊतकडून सुरुवातीला बिग बॉसची ऑफर इग्नोर झाली होती.

Bigg Boss Marathi Omkar Raut Gay Messages: बिग बॉस मराठीचा (Bigg Boss Marathi) सहावा सिझन आता अंतिम टप्प्यावर पोहोचला आहे. आता या स्पर्धेत शेवटचे 7 स्पर्धक उरले आहेत. यंदाच्या सिझनचा विजेता नक्की कोण होणार? असे अनेक प्रश्न सध्या नेटकऱ्यांकडून उपस्थित केले जात आहे. यंदाच्या ट्रॉफीचा खरा मानकरी कोण ठरेल? या प्रश्नाची प्रेक्षक आतुरतेने वाट पाहत आहेत. या सिझनमध्ये बऱ्याच तगड्या कलाकारांनी एन्ट्री केली होती. पण कमी मतांमुळे ते घरातून बेघर झाले. या सिझनमध्ये ओमकार राऊतनेही (Omkar Raut) बिग बॉसच्या घरात एन्ट्री केली होती. त्याच्या शरीरयष्टीमुळे तो बिग बॉसच्या (Bigg Boss Winner) घरात अधिक काळ टिकेल, असा काहींचा अंदाज होता. परंतु, ओमकार हा काही दिवसांतच बिग बॉसच्या घरातून बेघर झाला.  दरम्यान, एका मुलाखतीत त्यानं बिग बॉसच्या घरात एन्ट्री करण्यापूर्वीचा किस्सा शेअर केला.  बिग बॉसच्या टीमकडून आलेले मेसेज ओमकारकडून इग्नोर झाले होते, त्यामागचं ओमकारने कारणही सांगितलं. ओमकार बिग बॉसच्या घरात कसा आला? याबाबत त्यानं मुलाखतीत खुलासा केला.

बिग बॉस मराठीच्या  सहाव्या सिझनचा मोठा खुलासा (Omkar Raut On Gay Message)

ओमकार म्हणाला, 'असे बरेच कलाकार आहेत, ज्यांना बिग बॉसच्या घरात जायचं आहे. पण काही कारणास्तव त्यांना चान्स मिळत नाही.  खरंतर बिग बॉसच्या घरी जायला नशीब लागतं.  माझं नशीब चांगलं होतं. बिग बॉसची ऑफर येण्यामागे एक इंटरेस्टिंग स्टोरी आहे.  मला बिग बॉसकडून ऑफर आली तेव्हा टीमकडून खूप मेसेज वगैरे आले होते. पण ते मेसेज माझ्याकडून इग्नोर झाले होते. खरंतर मला  इन्स्टाग्रामवर बरेच गे लोकांचे मेसेज येतात. पोरांचेच जास्त मेसेज येतात.  मी या गोष्टीला वैतागलो होतो. यानंतर मी DMs बघणं बंद केलं'.

'बिग बॉसच्या टीमकडून पाठवण्यात आलेले बरेच मेसेज इग्नोर झाले होते' (Omkar Raut On Bigg Boss)

 

'यामुळे DMsमधील बरेच महत्त्वाचे मेसेज माझ्याकडून इग्नोर झाले होते.  यानंतर बिग बॉसच्या टीमने माझ्या मित्राशी संपर्क साधला. मी मेसेज पाहिले. रात्री आमची चर्चा झाली.  नंतर मी टीमला भेटलो.  मला बिग बॉसच्या घरात जाण्याचा चान्स मिळतोय, हीच माझ्यासाठी खूप मोठी गोष्ट होती.   यामुळे मी कोणतेही कंडिशन्स घातले नाही.  कारण खूप कमी लोकांना बिग बॉसच्या घरात जाण्याचा चान्स मिळतो. मी खरंच स्वत:ला लकी म्हणेन,  कारण मला बिग बॉसच्या घरात जाण्याची संधी मिळाली', असं ओंकार म्हणाला.

ओकांर राऊतला खरी ओळख बिग बॉस मराठीच्या सहाव्या सिझनमुळे मिळाली.  त्याच्या शरीरयष्टीमुळे तो बिग  बॉसचे टास्क  उत्तमरित्या पूर्ण करेल, तसेच हा स्पर्धक म्हणून बिग बॉसच्या घरात अधिक काळ टिकेल, असा काहींचा अंदाज होता. परंतु, कमी मतांमुळे त्याला लवकरच बिग बॉसच्या घरातून निरोप घ्यावा लागला. 

महत्त्वाच्या इतर बातम्या: