Marathi Stars Nana Patekar and Rahul Deshpande in O Romeo Cinema: 'ओ रोमिओ' या बहुप्रतिक्षित चित्रपटाचा नुकताच ट्रेलर लाँच झाला. अभिनेता शाहिद कपूरचा रावडी लूक पाहून चाहत्यांचा थरकाप उडाला. या चित्रपटात मुख्य भूमिकेत शाहिद कपूरसह तृप्ती डिमरी झळकणार आहे. ही जोडी एकत्र पहिल्यांदाच बिग स्क्रीनवर दिसणार आहे. व्हॅलेंटाइन डेच्या आदल्या दिवशी हा चित्रपट सिनेमागृहात प्रदर्शित होणार आहे. या चित्रपटात शाहिद कपूर व्यतिरिक्त इतर कसलेले कलाकार प्रमुख भूमिकेत दिसणार आहे. 'ओ रोमिओ' या चित्रपटात दोन मराठी कलाकारही झळकणार आहे. या चित्रपटात एका मराठी गायकाचीही प्रमुख भूमिका असल्याची माहिती आहे.
ओ रोमिओ चित्रपटात मराठी कलाकारांची एन्ट्री
साजिद नाडियाडवाला या चित्रपटाचा धमाकेदार ट्रेलर नुकताच प्रदर्शित झाला. या 3 मिनिटांच्या ट्रेलरमध्ये प्रचंड रक्तपात पाहायला मिळत आहे. चित्रपटाच्या ट्रेलरमध्ये दोन मराठी कलाकारही झळकले आहेत. नाना पाटेकर या मराठी कलाकाराव्यतिरिक्त एक लोकप्रिय गायक देखील मुख्य भूमिकेत झळकला आहे. या चित्रपटात गायक राहुल देशपांडे देखील मुख्य भूमिक साकारणार आहेत. राहुल देशपांडे याने आतापर्यंत मी वसंतराव, कट्यार काळजात घुसली या चित्रपटातून त्याने अभिनयाची छाप सोडली. प्रेक्षकांनीही त्याच्या कलाकृतीचं कौतुक केलं.
राहुल देशपांडे झळकणार हिंदी चित्रपटात
दरम्यान, राहुल देशपांडे लवकरच हिंदी सिनेसृष्टीत पदार्पण करणार आहे. ओ रोमिओ या चित्रपटात त्याने पोलिसांची भूमिका साकारली असल्याचे ट्रेलरमधून दिसत आहे. मात्र, राहुल देशपांडे आणि नाना पाटेकर यांची भूमिका काय? हे लवकरच चित्रपट प्रदर्शित झाल्यावर उघड होईल. दरम्यान, प्रेक्षकवर्ग या चित्रपटाची आतुरतेने वाट पाहत आहेत.
विशाल - शाहिदची जोडी पुन्हा एकदा एकत्र
कमीने, हैदर आणि रंगुन या चित्रपटानंतर शाहिद कपूर आणि विशाल भारद्वाज यांची जोडी पुन्हा एकदा ओ रोमिओ या चित्रपटातून प्रेक्षकांच्या भेटीस येणार आहे. हा चित्रपट माफीया क्वीन्स ऑफ मुंबई या पुस्तकातील हुसैन उस्ताराच्या पात्रावर आधारीत आहे. या चित्रपटाची प्रेक्षक आतुरतेने वाट पाहत आहेत. हा चित्रपट 13 फेब्रुवारी रोजी सिनेमागृहात प्रदर्शित होणार आहे.
महत्त्वाच्या इतर बातम्या: