Nikhil Chavan Work with Gautami Patil: रातोरात फेम मिळवणाऱ्या गौतमी पाटीलला (Gautami Patil) विशेष ओळखीची गरज नाही. मराठी गाण्यांवरील ठसकेबाज अदांनी तिने अनेकांना घायाळ केलं. अभिनेत्री लवकरच मराठी सिनेमात (Marathi Movie) झळकणार असल्याची माहिती आहे. अलिकडेच 'देवघर ऑन रेंट' या सिनेमाच्या टीझरची प्रचंड चर्चा झाली. या सिनेमात मराठी अभिनेता निखिल चव्हाण झळकणार असल्याची माहिती आहे. निखिल चव्हाणसोबत (Nikhil Chavan) गौतमी पाटीलही झळकणार आहे. टीझरमध्ये जरी गौतमी पाटीलची झलक दिसली नसली तरी, 'देवघर ऑन रेंट' (Devghar on Rent) या सिनेमात गौतमी झळकणार असल्याची माहिती आहे. अलिकडेच या सिनेमाच्या निमित्ताने निखिल चव्हाणने मुलाखत दिली होती. या मुलाखतीत त्याने गौतमी पाटीलसोबत काम करतानाचा अनुभव सांगितला. तसेच तिचं आणि तिच्या कामाचंही कौतुक केलं.
गौतमी पाटीलसोबत काम करण्याचा अनुभव कसा होता? निखिल चव्हाण नेमकं काय म्हणाला? (Nikhil Chavan Work with Gautami Patil on Devghar on Rent)
निखिल चव्हाणला टेलिव्हिजनमुळे मिळाली. 'लागीर झालं जी' या मालिकेत त्यानं काम केलं होतं. या मालिकेतून त्याला खरी ओळख मिळाली. आता तो लवकरच 'देवघर ऑन रेंट' या सिनेमात झळकणार आहे. अलिकडेच त्याने राजमंचला मुलाखत दिली होती. या मुलाखतीत त्याने गौतमी पाटीलसोबत काम करतानाचा अनुभव सांगितला. मुलाखतकाराने, 'गौतमी पाटील डान्स करणारी मुलगी आहे. तुला कशी वाटली? तिच्यासोबत काम करतानाचा अनुभव कसा होता?', असा प्रश्न निखिलला विचारला. निखिल म्हणाला की,'तिचं मला कौतुक वाटलं कारण ती, आपल्या कामाला कला म्हणून पाहतेय. ती उपासना म्हणून करतेय. थिल्लरगिरी तिने कधी केली नाही. बोलण्यातून, वावरातून आपल्या काय पद्धतीची मुलगी आहे कळतं', असं निखिल चव्हाण म्हणाला.
'गौतमी पाटील खूप कष्टाळू आहे. दुपारी 2च्या आसपास आमच्या साँगचं शूट होतं. तिचं त्याच दिवशी संध्याकाळी इव्हेंट देखील होता. शूट करुन ती इव्हेंटला गेली. इव्हेंटवरुन ती पुन्हा शूटसाठी आली. रात्री आली, पहाटे 4- 5:30 पर्यंत आम्ही शूट करत होतो. तिने कधीही शूट करताना तक्रार केली नाही. तिने तिचं करिअर उभं केलं. मान्य आहे तिने काही गोष्टी चुकीच्या केल्या. महाराष्ट्राचा बिहार झाला नाही पाहिजे. महाराष्ट्रातील गोष्टी वेगळ्या आहेत. तुम्ही डान्सचे कार्यक्रम ठेवत असाल तर, नक्कीच ठेवा. जे कलाकृती सादर करत असतील, त्यांना आधीच सांगा, या पद्धतीचे प्रकार इथे चालणार नाहीत'.
'तुम्ही डान्सला कला म्हणून सादर करा. जर तिला सांगितलं तर ती नाही करणार', असं निखिल चव्हाण मुलाखतीत म्हणाला. सध्या त्याची निखिलाची मुलाखत सोशल मीडियात व्हायरल होत आहे.
महत्त्वाच्या इतर बातम्या: