Netflix Movie Trending: नेटफ्लिक्सवर 2 तास 18 मिनिटांच्या या लव्ह स्टोरीची जोरदार चर्चा; माधुरीच्या 'माँ बहन'लाही देतेय टक्कर
या चित्रपटाला प्रेक्षकांसोबतच समीक्षकांचीही पसंती मिळत आहे. IMDb वर या चित्रपटाला 10 पैकी 7.6 इतकं दमदार रेटिंग मिळालं आहे.
OTT Movie: OTT वर दर आठवड्याला नवनवीन चित्रपट, सिरिज प्रदर्शित होत असतात. गेल्या काही दिवसांपासून माधूरी दीक्षितची माँ बेहेन चित्रपटाची नेटफ्लिक्सवर एकच चर्चा होती. पण नेटफ्लिक्सवर सध्या एका लव्ह स्टोरी ड्रामाने एकच धुमाकूळ घातलाय. या चित्रपटाची जोरदार चर्चा सुरू आहे. हा चित्रपट लोकप्रियतेच्या बाबतीत माधुरी दीक्षितच्या नुकत्याच प्रदर्शित झालेल्या 'माँ बहन' या चित्रपटालाही कडवी टक्कर देताना दिसत आहे.
नेटफ्लिक्सवर दर आठवड्याला काही ना काही नवीन येत असतं. अलीकडेच नेटफ्लिक्सवर अनेक नवीन चित्रपट प्रदर्शित झाले असून त्यात दक्षिण चित्रपटसृष्टीतील '29' या लव्ह स्टोरी ड्रामा चित्रपटाचाही समावेश आहे.
नेटफ्लिक्सवर '29'ची क्रेझ
माधुरी दीक्षित अभिनित डार्क कॉमेडी थ्रिलर 'माँ बहन' सध्या नेटफ्लिक्सच्या ट्रेंडिंग यादीत टॉपवर आहे. मात्र, तिच्या पाठोपाठ '29' हा तमिळ चित्रपट दुसऱ्या क्रमांकावर ट्रेंड करत असून प्रेक्षकांकडून त्याला उत्तम प्रतिसाद मिळत आहे.
काय आहे चित्रपटाची कथा?
2 तास 18 मिनिटांच्या या चित्रपटाची कथा 29 वर्षांच्या एका तरुणाभोवती फिरते. वाढत्या वयासोबत स्वतःची ओळख निर्माण करण्याचा आणि करिअरमध्ये स्थिर होण्यासाठी त्याच्यावर दबाव असतो. अशातच त्याच्या आयुष्यात एका तरुणीची एंट्री होते. ती आपल्या करिअरमध्ये आधीच स्थिर असते. स्वतःच्या ध्येयांवर लक्ष केंद्रित करून असते.
दोघांची मैत्री हळूहळू प्रेमात बदलते आणि त्यांच्यात खास नातं निर्माण होतं. मात्र, कथेत अचानक एक मोठं वळण येतं आणि त्यांच्या नात्यात दुरावा निर्माण होतो. त्यानंतर कथा भावनिक वळण घेते. पुढे काय होतं हे जाणून घेण्यासाठी प्रेक्षकांना '29' हा चित्रपट नेटफ्लिक्सवर पाहावा लागेल.
IMDb वरही दमदार रेटिंग
'29' या चित्रपटाला प्रेक्षकांसोबतच समीक्षकांचीही पसंती मिळत आहे. IMDb वर या चित्रपटाला 10 पैकी 7.6 इतकं दमदार रेटिंग मिळालं आहे. त्यामुळे लोकप्रियता आणि रेटिंग या दोन्ही बाबतीत हा चित्रपट सध्या चर्चेत आहे. या चित्रपटात अभिनेता विधू आणि अभिनेत्री प्रीती असरानी यांनी प्रमुख भूमिका साकारल्या आहेत. तर माधुरी दीक्षित अभिनित 'माँ बहन'शी त्याची तुलना होत असल्याने या चित्रपटाची अधिक चर्चा रंगली आहे.
महत्त्वाच्या बातम्या
