Nayanthara, Vignesh Shivan : दाक्षिणात्य सिनेसृष्टीतील प्रसिद्ध अभिनेत्री नयनतारा (Nayanthara)आणि दिग्दर्शक विघ्नेश शिवन (Vignesh Shivan) यांनी 9 जून 2022 रोजी लग्नगाठ बांधून आपल्या आयुष्याच्या नव्या इनिंगला सुरुवात केली. नयनतारा आणि विग्नेश यांचा विवाह सोहळा चैन्नई येथे पार पडला. रजनीकांत, शाहरुख खान, मणिरत्नम, दिग्दर्शक बोनी कपूर, सूर्या, ए आर रहमान, एटली, कार्थी, वसंत रवी यांसारख्या सेलिब्रिटींनी नयनतारा आणि विघ्नेश यांच्या लग्न सोहळ्याला हजेरी लावली. आता नयनतारा आणि विघ्नेश यांचा शाही विवाह सोहळा नेटफ्लिक्सवर (Netflix) पाहता येणार आहे.
नेटफ्लिक्सनं एक पोस्ट शेअर करुन नयनतारा आणि विघ्नेश शिवन यांच्या लग्नाच्या डॉक्यूमेंट्रीची माहिती दिली. अजून यांच्या विवाह सोहळ्याच्या डॉक्यूमेंट्रीचं नाव घोषित करण्यात आलेलं नाही. या डॉक्यूमेंट्रीचं दिग्दर्शन वासुदेव मेनन करणार आहेत. तर राउडी पिक्‍चर्स हे या डॉक्यूमेंट्रीची निर्मिती करणार नाहीयेत. नयनतारा आणि विघ्नेशची लव्ह स्टोरी या डॉक्यूमेंट्रीमध्ये दाखवण्यात येणार आहे.
नेटफ्लिक्सनं रद्द केली होती डील?
नयनतारा आणि विघ्नेश यांचा वेडिंग अल्बम हा नेटफ्लिक्सवर स्ट्रीम केला जाणार होता. पण नयनतारा आणि विघ्नेशनं वन मंख एनिवर्सरी निमित्त त्यांच्या लग्नामधील काही खास फोटो सोशल मीडियावर शेअर केले. हे फोटो शेअर केल्यामुळे नयनतारा आणि विघ्नेश यांना 25 कोटींचं नुकसान होणार आहे, असं म्हटलं जात होतं. पण आता नेटफ्लिक्सनं पोस्ट शेअर करुन नयनतारा आणि विघ्नेश यांच्या वेडिंग डॉक्यूमेंट्रीची माहिती दिली आहे.
गेल्या वर्षी नयतारा आणि विग्नेश यांचा गेल्या वर्षी साखरपुडा झाला. नयनतारानं 25 मार्च 2021 रोजी सोशल मीडियावर पोस्ट शेअर करुन तिच्या साखरपुड्याची बातमी चाहत्यांना दिली.नानुम राउडी धन या चित्रपटासाठी नयनतारा आणि विग्नेश यांनी एकत्र काम केलं होतं. नयनतारा आणि विघ्नेश शिवन यांचा नुकताच प्रदर्शित झालेला 'काथुवाकुला रेंदू कादल' हा चित्रपट बॉक्स ऑफिसवर धुमाकूळ घालत आहे. चित्रपटाचे दिग्दर्शन विघ्नेशने केले होते. तर नयनतारा, विजय सेतुपती आणि समंथा रुथ प्रबू या कलाकारांनी या चित्रपटामध्ये प्रमुख भूमिका साकारली.
हेही वाचा: