Nagraj Manjule On Gulshan Grover: लहानपणी सिनेमात पाहिलेला बॅड मॅन; नागराज मंजुळेंनी 'गुलशन ग्रोव्हर'ला कास्ट करताच सांगितली आठवण

Nagraj Manjule Shares Fan Moment with Gulshan Grover: दिग्दर्शक नागराज मंजुळेंनी लहानपणीची आठवण शेअर केली.

Nagraj Manjule Matka King

Source : canva

Nagraj Manjule Matka King: नागराज मंजुळे (Nagraj Manjule) दिग्दर्शित आणि विजय वर्मा अभिनीत 'मटका किंग' (Matka King) ही बहुचर्चित वेबसिरीज लवकरच प्रेक्षकांच्या भेटीस येणार आहे. या वेब सिरीजमध्ये दिग्गज कलाकारांची मांदियाळी पाहायला मिळत आहे.  या धमाकेदार वेब सिरीजचा ट्रेलर रिलीज झाला आहे. सोशल मीडियावर या ट्रेलरची प्रचंड चर्चा रंगली आहे. 1960 सालची मुंबई यात दाखवण्यात आली आहे. पैसा, सत्ता आणि गुन्ह्यांचा खेळ या विषयावर आधारीत ही वेब सिरीज आहे.  या वेब सिरीजमध्ये विजय वर्मा ब्रृज भाटीची भूमिका साकारत आहे.  ही व्यक्ती जुगारातून भरपूर पैसा कमावते.  क्राइम ड्रामा 'मटका किंग' या वेब सिरीजचा प्रोमोशन कार्यक्रम नुकताच पार पडला. यावेळी दिग्दर्शक नागराज मंजुळे, अभिनेता विजय वर्मा आणि गुलशन ग्रोवरही उपस्थित होते. या  कार्यक्रमात नागराज मंजुळे यांनी एक लहानपणीची आठवण शेअर केली. 'बॅड मॅन गुलशन ग्रोव्हर यांना लहानपणी सिनेमात पाहिलं होतं', असं नागराज मंजुळे म्हणाले. यावेळी नागराज मंजुळेंनी लहानपणीची आठवण शेअर केली. 

'मी लहानपणीपासून  गुलशन ग्रोव्हर यांना बघत आलो आहे'- नागराज मंजुळे (Nagraj Manjule on Gulshan Grover)

गुलशन ग्रोव्हरबाबत नागराज मंजुळे म्हणाले, 'मी लहानपणीपासून  गुलशन ग्रोव्हर यांना बघत आलो आहे. या वेब सिरीजबाबत जेव्हा अनाऊंसमेंट झाली, तेव्हा या वेब सिरीजचं कास्टिंग झालं नव्हतं.  मी आणि अश्विनीजी कास्टिंगविषयी चर्चा करत होतो. तेव्हा गुलशन ग्रोव्हर पार्टीमध्ये होते. ते माझ्यासमोरुन निघून  गेले होते. मला त्यांना भेटायचं होतं. अश्विनी या गुलशन ग्रोव्हर यांना ओळखत होत्या,  म्हणून मी त्यांना विचारलं की, गुलशन ग्रोव्हर यांना आपण या वेब सिरीजमध्ये घेऊ शकतो का?  त्यांना आपण विचारू शकतो का?  तेव्हा अश्विनीजी हो म्हणाल्या. मी त्यांना अनेक सिनेमांमध्ये पाहिलं आहे, खूप चांगलं वाटलं', असं नागराज मंजुळे म्हणाले.

'मटका किंग' लवकरच प्रेक्षकांच्या भेटीला (Nagraj Manjule Matka King Web Series)

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Batamiwala (@marathi_batamiwala)

नागराज मंजुळे दिग्दर्शित 'मटका किंग' ही वेब सिरीज अॅमेझॉन प्राइम व्हिडीओवर रिलीज होणार आहे. या वेब सिरीजचा धमाकेदार ट्रेलर रिलीज झाला असून,  2 मिनिट 25 सेकंदाच्या या ट्रेलरला प्रेक्षकांकडून भरपूर प्रतिसाद मिळतो आहे. विजय वर्मा अभिनीत ही वेब सिरीज 17 एप्रिल 2026 रोजी प्रेक्षकांच्या भेटीस येणार आहे. या सिरीजमध्ये, सिद्धार्थ जाधव,  सई ताम्हणकर,  गिरीश कुलकर्णी, किशोर कदम, कृतिका कामरा,  गुलशन ग्रोव्हर या दिग्गज कलाकारांच्या महत्त्वाच्या भूमिका आहेत.  

मटका किंग या वेब सिरीजमधून 1960 साली मुंबईतील  जुगार आणि सट्टेबाजीला मटका हे नाव कसे दिले जाते, हे दाखवण्यात आलं आहे.  'मटका किंग' या वेब सिरिजचं दिग्दर्शन नागराज मंजुळे यांनी केले असून, सिद्धार्थ रॉय कपूर फिल्म्स, आटपाट आणि एसएमआर एंटरटेनमेंटच्या बॅनरखाली अभय कोरणे  यांनी या वेब सिरीजची निर्मिती केली आहे. 

महत्त्वाच्या इतर बातम्या: