Aga Aga Sunbai Kay Mhantay Sasubai? Upcoming Marathi Movie: सासू-सुनेची खट्याळ जुगलबंदी! 'अगं अगं सूनबाई! काय म्हणताय सासूबाई?' शीर्षक गीत प्रदर्शित

Moham Review: प्रेयसीचा खुन करण्याच्या विचारानं झपाटला; 1 तास 51 मिनिटांच्या फिल्ममध्ये माथेफिरू प्रेमाचा थरार

नरेंद्र बंडबे — Sun, 26 Apr 2026 10:45:59 +0530

Moham Review: गेल्या काही वर्षांमध्ये टॉक्सिक मस्कुलॅनिटी दाखवणारे बरेच सिनेमे आले. अर्जुन रेड्डी (२०१७), एनिमल (२०२३) हे सर्वात जास्त चर्चिले गेले. यह मेरी बंदी है किंवा तू ही ज़रिया, तू ही मंजिल है, असं म्हणत तिला प्रेमात जकडायचं. हा सोयीस्कर पुरुषी प्रस्पेक्टिव्ह दिसतो. तिच्यावर याचा नक्की काय परिणाम होत असेल? या टॉक्सिक प्रेमाचा स्विकार - अस्विकार करताना ती नक्की कुठल्या मानसिक स्थितीतून जात असेल? याचं उत्तर हवं असेल तर फाजिल रजाकचा मोहम (२०२५) हा सिनेमा पाहायला हवा. नुकत्याच रशियात पार पडलेल्या ४८ व्या मॉस्को आंतरराष्ट्रीय फिल्म फेस्टिव्हल २०२६ मध्ये मोहम (२०२५) सर्वोत्कृष्ट सिनेमा ठरलाय. शिवाय अमृता कृष्णकुमारला सर्वोतम अभिनेत्रीचा पुरस्‍कार मिळाला. (Moham Review)

काय आहे कथानक?

एक मानसिक संतुलन बिघडलेली मुलगी आणि नाकारणाऱ्या प्रेयसीचा खुन करण्याच्या विचारानं झपाटलेला एक माथेफिरु तरुण. असे दोघे एकत्र येतात. त्याला प्रेयसीला गोळ्या घालून ठार मारायचंय. त्यासाठी पिस्तुल हवंय. त्याचे पैसे जमवण्यासाठी तो या वेडसर मुलीची मदत घेतो. या मुलीला म्हणजेच आमलाला स्कूटरबद्दल प्रचंड आकर्षण आहे. लहानपणी वडिलांच्या स्कूटीवर बसून तिनं सुंदर जग अनुभवलंय. शानू बेरोजगार आहे. त्याचं एका झोमॅटो डिलिव्हरी करणाऱ्या मुलीवर प्रेम आहे. शानू स्वकैंद्री आहे. आमलाच्या भूतकाळात घडलेल्या घटनांमुळं तिचं भान हरवलंय. पुढचं कथानक या दोघांच्या पिस्तुल मिळवण्याच्या प्रयत्नांचं आहे.

टॉक्सिक मस्कुलॅनिटीचा उतारा

आमलाचा भूतकाळ आणि शानूचा वर्तमान दोन्हीची परिणिती सारखीच आहे. इथं फाजिल रजाकच्या मोहमची पोजिशन महत्वाची आहे. या दोन्ही मिसफिट कॅरेक्टर्सना क्लोजर देण्याच्या प्रक्रियेत फाजिलनं टॉक्सिक मस्कुलॅनिटीचा उदोउदो करणाऱ्यांना आरसा दाखवलाय.

स्त्री आणि पुरुष प्रेम भावनेनं एकत्र येतात. या संबंधात एकमेकांना पुरक राहणं अपेक्षित असतं. पण पुरुषसत्ताक समाजात स्त्री-पुरुष संबंधात 'ती' हक्क गाजवण्याचं साधन ठरते. याने नातेसंबंधांचा समतोल बिघडतो आणि होत्याचं नव्हतं होतं. विस्कटतं. हक्क गाजवणारा पुरुष तिचं नुकसान करतो. एखादी सामना करते . वेगळी होते. पण तेही त्याला पटत नाही. ती संपली तरच आपलं प्रेम संपेल अश्या मानसिकतेत तो येतो. मोहम याच सर्व बाजूंना अगदी सोप्प करुन दाखवतो. माथेफिरु प्रेम हे कधीच पॅशननेट नसतं. ते घाताकडे जाणारं असतं. सिनेमातून येणारं हे ग्लोरीफाईंग टॉक्सिक प्रेम घातक आहे. या टॉक्सिक मस्कुलॅनिटीचा उतारा फाजिल रझाकचा मोहम देतो.

Film Review: लव्ह स्टोरी 'Ginny Weds Sunny 2' आहे तरी कसा? बोरिंग सिनेमा पाहताय, मग आधी Review वाचा

अमित भाटीया — Fri, 24 Apr 2026 19:08:18 +0530

Ginny Weds Sunny 2 Movie Review and Rating: आजच्या घडीला सिनेमा खूप पुढे गेला आहे. ओटीटीवर जगभरातील (Entertainment) शो पाहायला मिळत आहे. आदित्य धर दिग्दर्शित 'धुरंधर' या चित्रपटाने सिनेसृष्टीला एका नवीन उंचीवर नेऊन ठेवलं आहे. दरम्यान, काही चित्रपट हे आऊटडेटेड वाटतात. असे चित्रपट पाहून असं वाटतं की आपण टाईम मशीनने मागे गेलो आहे. प्रत्येक चित्रपट आता 'धुरंधर' होऊ शकत नाही. अलिकडेच Ginny Weds Sunny 2 हा चित्रपट रिलीज झाला. हा सिनेमा नेमका आहे तरी कसा? जाणून घेऊयात.

कथा: 24 एप्रिल रोजी रिलीज झालेला रोमँटिक कॉमेडी सिनेमा प्रेक्षकांच्या मनात उतरण्यास यशस्वी ठरला. सनी आणि गिन्नी दोघांचेही बॅकग्राऊंड वेगवेगळे असतात. दोघांचेही लग्न होत नाही. त्यांच्या आयुष्यात असं काही घडतं, ज्यामुळे त्यांचं लग्न होत नाही. त्यांच्या आयुष्यावरही याचा थेट परिणाम होतो. दोघेही एकमेकांना भेटतात. काही खोट्या खऱ्या गोष्टींनंतर त्यांचं लग्न होतं. परंतु, खोटं हे किती काळ टिकणार. त्यानंतर नेमकं काय होतं, हेच या चित्रपटातून दाखवण्यात आलं आहे.

Ginny Weds Sunny 2 हा चित्रपट आहे तरी कसा? (Ginny Weds Sunny 2 movie review)

हा सिनेमा खूप जुन्या प्रकाराचा वाटतो. कथेत काही नाविन्य नाही. सादरीकरण पण जुने आहे. चित्रपटातील विनोदही कंटाळवाणे वाटते. कुठेही हसू येत नाही. असा एकही प्रसंग नाही की, तुम्हाला या चित्रपटाचा आनंद घेता येईल. कलाकारांनी उत्तम काम केलं आहे. परंतु, स्क्रिप्टमध्ये इतका दम नसेल तर, तुम्ही करणार तरी काय? चित्रपटाचा म्युझिक ठीकठाक आहे.

हा चित्रपट प्रेक्षकांचा फार मनोरंजन करु शकत नाही, ना या चित्रपटातून प्रेक्षकांना कोणता संदेश मिळतो. Ginny Weds Sunny 2 या चित्रपटाची अद्याप कोणतीही विशेष चर्चा झालेली नाही. चित्रपटाचा ट्रेलर किंवा गाणी व्हायरल झालेली नाही. दरम्यान, चित्रपट पाहिल्यानंतर कोणतीही चर्चा होईल, अशी आशा नाही.

Ginny Weds Sunny 2 चित्रपटातील कलाकारांचा अभिनय कसा होता? (Avinash Tiwary performance in Ginny Weds Sunny 2)

अविनाश तिवारीने हा एक कमाल अॅक्टर आहे. त्यानं आतापर्यंत लैला मजून, ओ रोमिया सारख्या चित्रपटात उत्तम कामगिरी केली. ओ रोमिया चित्रपटात त्यानं अॅक्टिंगमध्ये शाहिद कपूरलाही पछाडलं होतं. दरम्यान, या सिनेमात त्याच्यासारख्या अभिनेत्याची जादू चालली नाही. हा चित्रपट पाहण्याचा एकमेक कारण म्हणजे, मेधा शंकर.

मेधा शंकर ही अभिनेत्री सुरेख आहे, तसेच अभिनयातही तिला तोड नाही. हा चित्रपट कदाचित इतका चांगला नसेल, पण मेधाला याचा नक्कीच फायदा होईल. या चित्रपटातील इतर कलाकारांनी उत्तम काम केलं आहे.

लेखन आणि दिग्दर्शन (Bollywood romantic comedy Ginny Weds Sunny 2 review)

Ginny Weds Sunny 2 या चित्रपटाचे लेखन आणि दिग्दर्शन प्रशांत झा यांनी केलं आहे. त्यांची चित्रपट डायरेक्ट करण्याची जुनी पद्धत आहे. हा सिनेमा इतका मनोरंजक वाटत नाही. एकूणच हा सिनेमा पाहण्यासारखा नाही.

रेटिंग - 1.5 स्टार्स

महत्त्वाच्या इतर बातम्या:

'तारक मेहता का उल्टा चश्मा'मध्ये मोठा ट्विस्ट; बापूजींचा मृत्यू झाला? जेठालालचं रडू थांबेना

Bhoot Bangla: अक्षय, परेश अन् राजपाल, त्रिमुर्तींचा खास 'भूत बंगला'; प्रियदर्शनची तीच जुनी स्टाईल, हॉरर- कॉमेडीचा ओव्हरडोस

अमित भाटीया — Fri, 17 Apr 2026 13:13:08 +0530

Bhoot Bangla Movie Review: अक्षय कुमारचा (Akshay Kumar) चित्रपट म्हणजे त्याच्या चाहत्यांसाठी जणू पर्वणीच. जर तुम्ही अक्षय कुमार आणि प्रियदर्शन (Priydarshan) यांच्या सिनेमाचे कट्टर फॅन्स असाल तर, हा चित्रपट खास तुमच्यासाठी. अक्षय कुमारच्या जुन्या चित्रपटातील शैली आणि अंदाज प्रेक्षकांना आवडते. तीच शैली आपण पाहू इच्छित असाल तर, तुम्हाला अक्षयचा आगामी चित्रपट नक्कीच आवडेल. 'धुरंधर'नंतर (Dhurandhar)फॅमिलीसोबत पाहता येईल, अशा एका हलक्या फुलक्या चित्रपटाची (Movie Review) गरज होती. 'धुरंधर' चित्रपट लहान मुलांसोबत (Entertainment) पाहता आले नाही. यामुळे काही प्रेक्षक प्रचंड नाराज झाले होते. यामुळे अनेकांना दुसरा चित्रपट पाहण्यासाठी दुसऱ्या सिनेमागृहात जावे लागले होते. दरम्यान, अक्षय कुमारच्या चित्रपटामुळे सिनेमागृहात जाऊन फॅमिलीसोबत सिनेमा पाहण्याची चिंता मिटली. 'भूत बंगला' हा सिनेमा आपल्याला नक्की आवडेल.

'भूत बंगला' या चित्रपटाची स्टोरी काय? (Bhoot Bangla movie review and rating)

या चित्रपटाची स्टोरी अर्जून आचार्य (अक्षय कुमार) भोवती फिरते. आपल्या बहिणीचं लग्न लावून देण्यासाठी अर्जून आपल्या वडिलोपार्जित महालात लंडनहून भारतात परततो. परंतु, तिथे वधू सूर नावाच्या एका राक्षसाची दहशत पाहायला मिळते. जो वधूंचे अपहरण करतो. हे लग्न नेमके पुढे कसे होते? वधूंना अपहरण का केले जाते? याचे उत्तर आपल्याला सिनेमा पाहिल्यानंतर मिळेल. यासाठी आपल्याला हा सिनेमा सिनेमागृहात जाऊन पाहावा लागेल.

'भूत बंगला' हा सिनेमा नेमका आहे कसा? (Akshay Kumar Comedy Film)

'भूत बंगला' हा ठीकठाक फिल्म आहे. विशेष चांगला नाही आणि विशेष वाईटही नाही. अक्षय कुमार आणि प्रियदर्शनने आपली शैली कायम जपली आहे. हा चित्रपट तुम्हाला नक्कीच 'भुल भुलैया' आणि 'जानी दुश्मन' या चित्रपटांची आठवण करुन देईल. चित्रपटाच्या स्टोरीमध्ये काही नवीन नाही. फर्स्ट हाल्फमध्ये मनोरंजन आहे. इंटरव्हल चांगल्या ठिकाणी संपतो. सेकेंड हाल्फमध्ये हॉरर आहे, यामुळे चित्रपटाची रंगत वाढते. या चित्रपटाचा क्लायमॅक्स भयंकर आहे.

हा चित्रपट बऱ्याचदा खूप मनोरंजक वाटते, तर कधी कंटाळवाणा वाटतो. या चित्रपटातील बऱ्याच सीन्समध्ये लॉजिक लागत नाही, त्यामुळे हा चित्रपट पाहण्यासाठी आपल्याला जास्त डोकं लावावं लागत नाही. सेकंड हाल्फ पाहत असताना, चित्रपट अजून लहान करण्यात आला असता, असं वाटतं. चित्रपटातील व्हिएफएक्स अजून चांगले झाले असते. म्युझिक इतके खास नाही. 'राम जी भले करेंगे' हे गाणं जबरदस्त आहे. ज्यांना जुन्या शैलीतील कॉमेडी चित्रपट आवडतात, त्यांना हा सिनेमा नक्कीच आवडेल. परंतु, आताच्या जनरेशनला हा चित्रपट इतका आवडू शकत नाही. फॅमिलीसोबत आपण हा सिनेमा पाहू शकतो.

'भूत बंगला चित्रपटात किती कलाकार?' (Priyadarshan Akshay Kumar comedy movie)

अक्षय कुमारने या चित्रपटात उत्तम काम केलं आहे. अक्षयच्या चाहत्यांची बऱ्याच काळापासून मागणी असलेली भूमिका त्याने साकारली आहे. राजपाल यादव अप्रतिम आहे, त्याची कॉमिक टायमिंग चांगली आहे. परेश रावल यानं उत्तम काम केलं आहे. अक्षय, राजपाल आणि परेश रावल ही त्रिमूर्ती या चित्रपटाचे प्राण आहे. असरानी साहेबांना शेवटी पडद्यावर पाहणं आनंददायी वाटतं. तब्बू प्रत्येक फ्रेममध्ये अप्रतिम दिसत आहे. तर, वामिका गब्बी चित्रपटात कमी आणि प्रोमोशनवेळी जास्त दिसली. जिस्शू सेन गुप्ता आणि मिथिला पार्कर यांनी उत्तमरित्या आपली भूमिका साकारली आहे.

'भूत बंगला' या चित्रपटाचे दिग्दर्शन प्रियदर्शन यांनी केले असून, आकाश कौशिक यांनी या चित्रपटाची स्टोरी लिहिली आहे. या चित्रपटात खास नाविन्य नाही. प्रियदर्शन यांनी जुन्या शैलीमध्ये चित्रपटाचे दिग्दर्शन केले आहे. परंतु, ही स्टाईल आताच्या जनरेशनला आवडेलच असं नाही. जर, तुम्ही अक्षय कुमारचे फॅन असाल तर, तुम्हाला हा सिनेमा नक्कीच आवडेल.

रेटिंग - 3.5.

Charak Fair of Faith Review: चरक ‘कांतारा’ची डुप्लिकेट नव्हे तर पायरेटेड कॉपी? पूर्ण चित्रपट पाहणंही ठरेल कठीण

अमित भाटीया — Fri, 6 Mar 2026 16:51:40 +0530

Charak: Fair of Faith Review: या चित्रपटाचा ट्रेलर पाहिल्यावर ‘कांतारा’सारखी एखादी प्रभावी कथा पाहायला मिळेल असं वाटतं. मात्र प्रत्यक्षात चित्रपट पाहताना तो ‘कांतारा’ची डुप्लिकेट नव्हे तर जणू पायरेटेड कॉपीच वाटतो. चित्रपट ना नीट चित्रपट म्हणून उभा राहतो, ना डॉक्युमेंट्री म्हणून, आणि ना थरारक मर्डर मिस्ट्री म्हणून. चित्रपट पाहताना नेमकं दिग्दर्शक काय दाखवू इच्छित होते याबद्दलच संभ्रम निर्माण होतो. चरक उत्सव, नरबळी, अंधश्रद्धा की मर्डर मिस्ट्री नेमकं काय मांडायचं होतं याबाबतच चित्रपट गोंधळलेला वाटतो. (Bollywood Movie Review)

कथानक काय?

या चित्रपटाची कथा ‘चरक उत्सवा’भोवती फिरते असा दावा केला जातो. हा उत्सव सुमारे हजार वर्षांपासून बंगाल, बिहार आणि आसामसह काही भागांत साजरा केला जातो. या उत्सवाशी संबंधित काही ठिकाणी अंधश्रद्धा आणि बलिदानाच्या गोष्टींचाही उल्लेख केला जातो. चित्रपटात या पार्श्वभूमीवर दोन मुलं अचानक गायब होतात. त्यानंतर संपूर्ण कथा त्या मुलांचं काय झालं हे शोधण्यातच पुढे सरकते. मात्र ज्यावर चित्रपटाची मुख्य कल्पना आधारित असल्याचं सांगितलं जातं, त्या चरक उत्सवाबद्दल फारसं काही सांगितलं जात नाही.

कसा आहे चित्रपट?

एकूणच हा चित्रपट खूपच कमकुवत वाटतो. पूर्ण चित्रपट बसून पाहणंही अनेक प्रेक्षकांसाठी कठीण ठरू शकतं. चित्रपटाचा टोन ठरलेला वाटत नाही. तो ना पूर्णपणे चित्रपटासारखा वाटतो, ना माहितीपट, ना मर्डर मिस्ट्री. अनेक ठिकाणी चित्रपट इतका संथ आणि कंटाळवाणा वाटतो की प्रेक्षकांना थिएटर सोडून जावंसं वाटू शकतं. ‘कांतारा’प्रमाणे एखाद्या परंपरेची प्रभावी कथा पाहायला मिळेल अशी अपेक्षा निर्माण होते, मात्र ती पूर्ण होत नाही. शेवटी दिलेला ट्विस्टही फारसा प्रभाव पाडत नाही.

अभिनय कसा?

अंजली पाटील यांनी ठीकठाक काम केलं आहे. साहिदुर रहमान यांचाही अभिनय साधारण आहे. सुब्रत दत्ता, शशी भूषण आणि नवनीश नील यांनीही आपापली भूमिका व्यवस्थित पार पाडली आहे. मात्र कुणाचाही अभिनय विशेष ठसा उमटवणारा वाटत नाही.

लेखन आणि दिग्दर्शन

संजय हलदर आणि फारुक मलिक यांनी चित्रपटाचं लेखन केलं आहे, तर शिलादित्य मौलिक यांनी दिग्दर्शन केलं आहे. मात्र लेखन आणि दिग्दर्शन दोन्ही ठिकाणी दम जाणवत नाही. ‘द केरळ स्टोरी’शी संबंधित दिग्दर्शक सुदीप्तो सेन यांनी या चित्रपटाची निर्मिती केली आहे, त्यामुळे चित्रपटाबद्दल काही प्रमाणात चर्चा झाली. पण प्रत्यक्षात चित्रपट निराश करतो.

चित्रपट पाहावा की नाही?

एकंदरीत हा चित्रपट प्रेक्षकांना फारसा प्रभावित करत नाही. त्यामुळे हा चित्रपट पाहणं टाळलेलंच बरं.

रेटिंग: 1/5

Subedar Review:सत्तरीच्या उंबरठ्यावर अनिल कपूरचा Action अवतार! आदित्य रावलचा धडकी भरवणारा व्हिलन, ‘सुबेदार’ कसा आहे?

अमित भाटीया — Thu, 5 Mar 2026 15:30:35 +0530

Subedar review: एक 69 वर्षांचा हिरो… होय. हिरो. 69 वर्षांचा हिरो पडद्यावर काय करू शकतो, हे ही फिल्म पाहिल्यावर कळतं. 69 वर्षांचा अभिनेता पडद्यावर किती दमदार काम करू शकतो, याचं उदाहरण या चित्रपटातून पाहायला मिळतं. कधी कधी तो कमकुवत कथेलाही आपल्या अभिनयाने उंचीवर नेऊ शकतो. इतकंच नाही, तर त्याच्यापेक्षा निम्म्या वयाचे हिरोही जे करू शकत नाहीत, ते तो सहज करून दाखवतो. अनिल कपूर यांनी या चित्रपटात नेमकं तेच करून दाखवलं आहे. प्राइम व्हिडिओवर (Amazon Prime) आलेली ही फिल्म पाहण्याचं सर्वात मोठं कारण म्हणजे अनिल कपूर ज्यांनी जणू ‘हिरो’ या संकल्पनेलाच पुन्हा नवं आयुष्य दिलं आहे. (Subedaar Movie Review)

Subedaar Film: कहाणी

ही कथा आहे निवृत्त फौजी अर्जुन मौर्याची. तो एका माफियाकडे काम मागण्यासाठी जातो. त्याची पत्नी आता हयात नाही आणि त्याच्या तरुण मुलीसोबत त्याचं फारसं जमतही नाही. पण या माफिया आणि या सुबेदार यांच्यात पुढे असं काही घडतं की दोघांमध्ये जबरदस्त टक्कर पाहायला मिळते. ही टक्कर नेमकी कशी होते, हे तुम्हाला प्राइम व्हिडिओवर पाहायला मिळेल.

फिल्म कशी आहे?

खरंतर ही फिल्म ठीकठाकच आहे. फिल्मची कथा काही फार खास नाही. ट्रेलर पाहिल्यावरच कथानकाची दिशा साधारण कळते. तरीही ही फिल्म पाहण्याचं मोठं कारण म्हणजे यातले दमदार कलाकार.अनिल कपूर यांनी यात जबरदस्त काम केलं आहे. त्यांचा अॅक्शन, इमोशन आणि राग- तिन्ही गोष्टी पडद्यावर प्रभावी वाटतात. योग्य संधी मिळाली तर 69 वर्षांचा हिरोही पडद्यावर धुमाकूळ घालू शकतो, हे त्यांनी पुन्हा सिद्ध केलं आहे. त्यांनी हे पात्र ज्या ताकदीने साकारलं आहे, ते खरंच कौतुकास्पद आहे.

या चित्रपटात हिरोची हिरोगिरी अधिक उठून दिसते ती विलनमुळे - आणि तो विलन म्हणजे आदित्य रावल. कारण हिरो तेव्हाच चमकतो, जेव्हा समोरचा विलनही तितकाच दमदार असतो. आदित्य रावलने आतापर्यंतचा आपला सर्वोत्तम परफॉर्मन्स दिला आहे. पडद्यावर तो खूप धोकादायक आणि भयानक वाटतो. त्याची उपस्थितीच वेगळा दहशतीचा माहोल तयार करते. अनिल कपूरसारख्या अनुभवी अभिनेत्याला तो जोरदार टक्कर देताना दिसतो.

फैसल मलिक यांनीही छान काम केलं आहे. ‘सॉफ्टी’ नावाचं त्यांचं पात्र त्यांच्या आधीच्या भूमिकांपेक्षा खूप वेगळं आहे. तो असा माफिया आहे जो शांत असतो, पण शेवटी जेव्हा तो ओरडतो तेव्हा अक्षरशः कहर करतो. सौरभ शुक्ला यांनी पुन्हा एकदा चांगलं काम केलं आहे. मोना सिंग यांची भूमिका दमदार आहे. राधिका मदानच्या पात्रातून तरुण मुलींना काही गोष्टी शिकण्यासारख्या आहेत. कॉलेजमध्ये मुलं त्रास देतात तेव्हा ती ज्या पद्धतीने त्यांना सामोरी जाते, ते पाहायला चांगलं वाटतं आणि राधिकाने ही भूमिका ठामपणे साकारली आहे. खुशबू सुंदर छोट्याशा भूमिकेतही लक्षात राहते.

लेखन आणि दिग्दर्शन

सुरेश त्रिवेणी आणि प्रज्ज्वल चंद्रशेखर यांचं लेखन कमकुवत वाटतं. फिल्ममध्ये अजून थोडा मसाला असायला हवा होता. काही प्रश्न अनुत्तरित राहतात आणि त्यांची उत्तरं मिळणं गरजेचं होतं. दिग्दर्शन ठीक आहे. मध्य प्रदेशचा फील चांगल्या प्रकारे तयार करण्यात आला आहे. फिल्मला रॉ ठेवण्यात आलं आहे. व्हीएफएक्सचा वापर केलेला नाही आणि रिअल लोकेशन्सवर शूटिंग करण्यात आलं आहे.एकंदरीत,अनिल कपूर आणि इतर कलाकारांच्या दमदार अभिनयासाठी ही फिल्म नक्कीच पाहता येईल.

रेटिंग - ३ स्टार्स

O Romeo : दुसऱ्या रविवारी कमाईत मोठी झेप; ‘ओ रोमियो’ने पार केला 55 कोटींचा टप्पा

abp majha web team — Mon, 23 Feb 2026 12:19:56 +0530

O Romeo : दुसऱ्या रविवारी कमाईत मोठी झेप; ‘ओ रोमियो’ने पार केला 55 कोटींचा टप्पा

Mardaani 3 : 'बॉर्डर 2' चे आव्हान, तरीही राणीचा ‘मर्दानी 3’ सुस्साट, 11 दिवसांत कमावले इतके कोटी?

abp majha web team — Tue, 10 Feb 2026 15:29:15 +0530

Mardaani 3 : 'बॉर्डर 2' चे आव्हान, तरीही राणीचा ‘मर्दानी 3’ सुस्साट, 11 दिवसांत कमावले इतके कोटी?

Patralekha Short Film Review: पत्रलेखा: भूपेन हजारिकांच्या कवितेतली अधुरी प्रेमकथा!

नरेंद्र बंडबे — Fri, 2 Jan 2026 11:13:39 +0530

Patralekha Short Film Review: यंदाचं वर्ष हे भारतरत्न भूपेन हजारिका यांची शंभरावी जयंती आहे. गीतकार, संगीतकार, फिल्ममेकर, राजकारणी आणि सर्वात महत्त्वाचं इप्टाशी जोडलेला हा महान प्रोग्रेसिव्ह रायटर होता. अस्सल लोकसंगिताचा बाज, पहाडी आवाज आणि दिलखुलास हास्य. हजारिका यांनी उत्तर पुर्वेच्या लोकांना जागतिक ओळख दिली. नाटक… सिनेमा… लोककला... या तीनही प्रांतात रमणारा हा मोठा होता. पत्रकारितेत असताना एकदा दोनदा त्यांना भेटण्याचा योग आला. माणूस जेव्हढा तेव्हढा तो साधा सामान्य होत जातो. ही अनुभूती त्यांना भेटल्यावर आली.

यंदाच्या इंटरनॅशनल फिल्म फेस्टिव्हल ऑफ इंडिया, गोवा इथं भूपेन हजारिका यांच्या गीतावर आधारित एक शॉर्टफिल्म पत्रलेखा (2025) पाहण्यात आली. पत्रलेखा ही अधुरी प्रेमकहानी आहे. परिस्थितीमुळं एकमेकांवर जीवापाड प्रेम करणारे दोघे वेगवेगळे होतात. तो शहरात गेलाय, ती गावातच आहे. दोघांनी एकमेकांच्या जबाबदाऱ्या आहेत. त्या टाळू शकत नाहीत. पण त्यामुळं एकमेकांपासून कायमचं आलेलं वेगळंपण, नात्यातलं रितं होणं आणि तरीही प्रेम पत्राच्या माध्यमातून कायम राहणं हे पत्रलेखाची गोष्ट आहे. आसामच्या प्रसिध्द लेखिका नम्रता दत्ता यांनी या उत्कंठ शॉर्टफिल्मचं दिग्दर्शन केलंय.

पत्रलेखातून भूपेन हजारिका यांनी विस्थापनाची संकल्पना मांडलेय. हे विस्थापन फक्त माणसांचं नाही तर त्यांच्या नात्यांचं ही आहे. त्यांच्या परस्पर संबंधाचंही आहे. खरंतर पैसे कमवण्यासाठी आपलं गाव आणि आपली माणसं सोडण्याची प्रक्रिया फार क्लेशदायक आहे. गावगाड्यात माणसं टिकून असतात. तिथे एकमेकांची भावनिक साथ असते. शहरात आल्यावर सर्व लढाई अस्तित्वाची. तिथं जगण्याची मारामारी. रोजचा नवा स्ट्रगल अश्या स्थितीत गावाकडे मागे सोडून आलेल्या प्रेयसीची आठवण येणं सहाजिक आहे. मग पत्र लिहणं आलं. या पत्रातून तो उत्कंठ व्यक्त होतो. आपली मजबूरी आणि प्रेमाचं बखान करतो. तिची आर्जव करतो. समानस्थिती तिची ही आहे. दोघंही विरह वेदनेत आहेत. दोघांना एकमेकांचा सहवास हवाय पण तो शक्य नाही. पत्रातून व्यक्त होणं हेच त्यांच्या हातात आहे.

गाण्यातली विरहाची ही प्रक्रिया प्रचंड उत्कंठ आहे. या भावना दृश्यांच्या माध्यमातून मांडणं फार कठिण आहे. हे सर्व दाखवायचं आहे ते ही फक्त 10 ते 12 मिनिटांत. पण स्वत: लेखिका असलेल्या या दिग्दर्शकेने ते प्रभावीपणे दाखवलं आहे.

शहरात गर्दी असली तरी माणसं एकटी असतात, माणसांमध्ये राहून येणारा हा एकटेपणा भयंकर असतो. अश्यावेळी आपल्या प्रिय व्यक्तिच्या आठवणीशिवाय काहीच उरत नाही. तो पत्रातून तिला आपल्या रोजच्या जगण्याचा संघर्ष सांगतो. तिच्यासोबत घालवलेला प्रत्येक क्षण कसा आकाश एव्हढा होता असं लिहितो. हे पत्र त्याच्या भावनांचा निचरा करतं. विरहातून प्रेम संपत नाही तर ते जास्त गहिरं होतं. आठवणी गडद होतात आणि त्या जास्त अस्वस्थ करतात. ही सर्व अस्वस्थता या शॉर्टफिल्ममधून आलीय.

Akshay Kumar : 18-20 कलाकारांची फौज अन् अनलिमिटेड कॉमेडी; अक्षय कुमारचा आगामी चित्रपट कोणता? सिनेमाचा टीझर रिलीज

abp majha web team — Fri, 26 Dec 2025 12:43:43 +0530

Akshay Kumar : 18-20 कलाकारांची फौज अन् अनलिमिटेड कॉमेडी; अक्षय कुमारचा आगामी चित्रपट कोणता? सिनेमाचा टीझर रिलीज

Aga Aga Sunbai Kay Mhantay Sasubai? Upcoming Marathi Movie: सासू-सुनेची खट्याळ जुगलबंदी! 'अगं अगं सूनबाई! काय म्हणताय सासूबाई?' शीर्षक गीत प्रदर्शित

abp majha web team — Wed, 24 Dec 2025 11:01:51 +0530

Aga Aga Sunbai Kay Mhantay Sasubai? Upcoming Marathi Movie: सासू-सुनेची खट्याळ जुगलबंदी! 'अगं अगं सूनबाई! काय म्हणताय सासूबाई?' शीर्षक गीत प्रदर्शित