मुंबई : 'बाहुबली' चित्रपटानंतर सर्वांच्या मनात एकच प्रश्न होता, 'कटप्पा ने बाहूबली को क्यों मारा?' या प्रश्नाचं उत्तर 'बाहुबली 2'मध्ये सर्वच चाहत्यांना मिळालं होतं. पण त्यानंतर एकाच प्रश्नाचं उत्तर शोधण्यासाठी सर्वांची धडपड सुरु आहे, ते म्हणजे, 'मिर्झापूर 2'मध्ये काय पाहायला मिळणार आहे. कालीन भैय्या यांचं वर्चस्व असणाऱ्या मिर्झापुरचं चित्र 'मिर्झापूर 2'मध्ये कसं असणार? हे पाहण्यासाठी चाहते गेले अनेक दिवस वाट पाहत आहेत. पण आता चाहत्यांची प्रतिक्षा संपणार आहे. आज सर्वात लोकप्रिय मिर्झापूर सीरीजचा पुढचा पार्ट 'मिर्झापूर 2'चा ट्रेलर रिलीज होणार आहे. 'मिर्झापूर 2' मध्ये गुड्डू पंडित, कालीन भैय्या आणि मुन्ना भैय्या यांच्यावर भारी पडणार का? हे पाहणं औत्सुक्याचं ठरणार आहे. अॅमेझॉन प्राइम व्हिडीओवर दुपारी एक वाजता 'मिर्झापूर 2'चा ट्रेलर रिलीज करण्यात येणार आहे.


वेब सीरीज मिर्झापूरचा सीझन 2 मध्ये अभिनेता पंकज त्रिपाठी कालीन भैय्या, अली फजल गुड्डू, दिव्येंदु शर्मा मुन्ना भैय्या या भूमिकेत दिसणार आहे. याव्यितिरक्त श्वेता त्रिपाठी गोलूची भूमिका साकारणार आहे. उत्तर भारतातील मिर्झापूर या भागात होणारे गुन्हे आणि गुन्हेजगतातील भयानक सत्य या सीरिजच्या पहिल्या भागात दाखविण्यात आले होते.





उत्तम पटकथा, संवाद आणि विषयाच्या उत्तम मांडणीमुळे प्रेक्षकांनी पहिल्या सिरीजला उत्तम प्रतिसाद दिला आणि त्याच विषयाला पुढे नेणारे 'मिर्झापूर'चे दुसरे पर्व अधिक रोमांचक आणि उत्तम बनले आहे. यात पंकज त्रिपाठी, अली फझल, दिव्येंदु, श्वेता त्रिपाठी शर्मा, रसिका दुगल, हर्षिता शेखर गौर, अमित सियाल, अंजुम शर्मा , शिबा चड्डा, मनू ऋषी चड्डा आणि राजेश तेलंग यांसारख्या कलाकारांसोबतचा हा अॅक्शन पॅक प्रेक्षकांना आता ड्रग्स, ऍक्शन आणि जगण्यासाठीचा थरारक लढा याचा अनुभव देणार आहे. 'मिर्झापुर'च्या दुसऱ्या सिरीजमध्ये विजय वर्मा, प्रियांशु पेंयुली आणि ईशा तलवार दिसणार आहेत.





मिर्झापूरमध्ये कालीन भैय्याच्या भूमिकेत दिसलेले पंकज त्रिपाठी यांनी सोमवारी आपल्या इन्स्टाग्राम पोस्टमध्ये म्हटलं होतं की, 'नोट कर लें कल 1 बजे ट्रेलर का प्रबंध कर रहे हैं.'


दरम्यान, मिर्झापूर सीझन 2 केव्हा येणार? हा प्रश्न गेले अनेक दिवस चाहत्यांच्या मनात घर करून होता. परंतु, काही दिवसांपूर्वी 23 ऑक्टोबर रोजी अॅमेझॉन प्राइमवर मिर्झापूर या वेब सीरिजचा दुसरा सीझन प्रेक्षकांच्या भेटीला येणार असल्याचं जाहीर करण्यात आलं होतं. मिर्झापूर उत्तर प्रेदशातील मिर्झापूरवर आधारित आहे. वेब सीरिजमधील प्रत्येक एपिसोड रोमांचक होता. मिर्झापूरच्या पहिल्या सीझनमध्ये अली फजल, पंकज त्रिपाठी, देव्यंदू शर्मा आणि विक्रांत मेसी या स्टार कास्टच्या अभिनयासोबत डायलॉग्सनी लोकांना अक्षरशः वेड लावलं होतं.


महत्त्वाच्या बातम्या : 


Mirzapur 2 | प्रतिक्षा संपली, 'मिर्झापूर 2' या दिवशी होणार रिलीज!