Vishnu Manchus Viral Video from dubai: पश्चिम आशियात सध्या तणावाचे वातावरण निर्माण झाले आहे. शनिवारी (28 फेब्रुवारी) रोजी अमेरिका आणि इस्त्रायलने इराणची राजधानी तेहरानसह अनेक शहरांवर हल्ला केला. या हल्ल्यानंतर इराणने मध्य पूर्वेतील प्रमुख अमेरिकन लष्करी तळांवर क्षेपणास्त्रे डागून प्रत्युत्तर दिले. अमेरिका, इस्त्रायल आणि इराणमध्ये सुरु असलेल्या युद्धजन्य परिस्थितीमुळे संपूर्ण मध्य पूर्वेत भीतीचं आणि दहशतीचं वातावरण निर्माण झाले आहे. दुबईमधील काही ठिकाणी हल्ले होत आहेत. जिथे आकाशात क्षेपणास्त्र स्पष्टपणे दिसत आहेत. या हल्ल्याचे अनेक व्हिडिओ सोशल मीडियात व्हायरल होत आहे. प्रसिद्ध दक्षिण भारतीय अभिनेता आणि निर्माता विष्णू मांचू याने दुबईतील भयानक दृष्याचा व्हिडिओ सोशल मीडियात शेअर केला आहे. सध्या हा व्हिडिओ सोशल मीडियात व्हायरल होत आहे.
दुबईमधील परिस्थिती कशी? अभिनेत्यानं व्हिडिओतून माहिती दिली
अभिनेता विष्णू मांचू सध्या त्याच्या कुटुंबासह दुबईमध्ये आहे. त्यानं दुबईचा एक भयानक व्हिडिओ सोशल मीडियात शेअर केला आहे. व्हिडिओतून दुबईमधील भयानक स्थिती स्पष्टपणे दिसत आहे. क्षेपणास्त्र हल्ले आकाशात स्पष्टपणे दिसत आहे. त्याने व्हिडिओतून स्पष्ट केलं की, '28 फेब्रुवारी रोजी रात्री आकाशात क्षेपणास्त्रे स्पष्ट दिसत होती. स्फोटांचे आवाज घराला हादरवून टाकत होते. स्फोटांच्या आवाजाने माझी धाकटी मुलगी घाबरत होती. मुलीला आणि कुटुंबाला अशा घाबरलेल्या स्थितीत पाहणं खूप कठीण होतं', असं अभिनेत्यानं व्हिडिओतून स्पष्ट केलं.
अभिनेता विष्णू मांचू याने त्याच्या एक्स हँडलवर या भयानक दृश्याचा व्हिडिओ सोशल मीडियात शेअर केला आहे. त्यानं व्हिडिओ शेअर करत कॅप्शनमध्ये लिहिलं की, 'मी दुबईमध्ये माझ्या कुटुंबाला भेटायला आलो आहे. मला आकाशात काही क्षेपणास्रे दिसत आहेत. स्फोटांच्या मोठ्या आवाजाने आमचे घर हादरले. माझी लहान मुलगी आयरा प्रचंड घाबरली. शांतीसाठी आम्ही प्रार्थना करत आहोत. कोणत्या लहान मुलावर हे दिवस बघण्याची वेळ येऊ नये. नागरिकांची सुरक्षा सुनिश्चित केल्याबद्दल यूएई दलांचे आभार. असे क्षण आपल्याला कायम आठवण करुन देतात, की आपले जीवन किती लहान आहे. शक्ति आणि शांतीसाठी आम्ही प्रार्थना करत आहोत, हर हर महादेव...', असं कॅप्शन देत त्यानं व्हिडिओ शेअर केला आहे.
अभिनेत्याचा हा व्हिडिओ सोशल मीडियात व्हायरल होत आहे. चाहत्यांनी हा व्हिडिओ पाहून सुरक्षिततेबाबत चिंता व्यक्त केली आहे. चाहते त्याला कमेंट सेक्शनमधून सुरक्षित राहण्याचा आणि स्वत:ची काळजी घेण्याचा सल्ला देत आहेत. दरम्यान, अभिनेत्री सोनल चौहान देखील दुबईमध्ये अडकली आहे. तिनं एक्सवर पोस्ट करत पंतप्रधान नरेंद्र मोदी यांच्याकडे मदत मागितली आहे.