Pooja Raybaghi Second Marriage: मराठी इंडस्ट्रीतील प्रसिद्ध अभिनेत्री पूजा रायबागी (Pooja Raybaghi) आपल्या पर्सनल लाइफमुळे (Personal Life) चर्चेत आहे. अभिनेत्री (Actress) लवकरच दुसऱ्यांदा लग्नबंधनात अडकणार आहे. मराठी इंडस्ट्रीत सध्या लगीनघाई सुरूये. बरेच कलाकार लग्न बंधनात अडकत असल्याचं दिसत आहे. ' जय जय स्वामी समर्थ ' या मालिकेतून घराघरात पोहचलेली अभिनेत्री पूजा रायबागी पुन्हा एकदा आपल्या नव्या आयुष्याला सुरुवात करणार आहे. अभिनेत्रीने आपल्या अधिकृत इंस्टाग्राम अकाउंटवर पोस्ट शेअर केली आहे. या पोस्टमधून अभिनेत्रीने नव्या आयुष्याला सुरुवात करणार असल्याचं सांगितलं.
प्रसिद्ध अभिनेत्री पूजा रायबागी दुसऱ्यांदा बोहल्यावर चढणार (Marathi Actress Pooja Raybaghi to Get Married)
' जय जय स्वामी समर्थ ' या मालिकेत अभिनेत्री पूजा रायबागी हिने कालिंदी ही भूमिका साकारली होती. या भूमिकेमुळे अभिनेत्री घराघरात पोहचली. तिने इंस्टाग्रामवर व्हिडीओ शेअर करून याची माहिती आपल्या चाहत्यांसोबत शेअर केली. रजत खन्ना असं तिच्या होणाऱ्या पतीचे नाव आहे. अभिनेत्रीने आपल्या होणाऱ्या दुसऱ्या पतीसोबत फोटो शेअर केला आहे. तसेच भावनिक कॅप्शनही शेअर केला आहे. सध्या तिची पोस्ट सोशल मीडियामध्ये व्हायरल होत असून, तिच्या पोस्टवर शुभेच्छांचा वर्षाव होत आहे.
' काही चमत्कार एकाच क्षणात होत नाहीत. जेव्हा दोन जीव अनपेक्षित वेळी भेटतात, तेव्हा चमत्कार घडतो ', असं अभिनेत्रीने आपल्या पोस्टमध्ये म्हटलं आहे. अभिनेत्रीने आपल्या अधिकृत इंस्टाग्राम अकाउंटवर आणखी एक पोस्ट शेअर केली आहे. या पोस्टमध्ये दोघेही वरिष्ठांचे आशीर्वाद घेत असल्याचं दिसत आहे. अभिनेत्री पूजा रायबागी हिची पोस्ट सध्या सोशल मीडियात व्हायरल होत असून, तिच्या पोस्टवर शुभेच्छांचा वर्षाव होत आहे.
पूजा रायबागी ही आपल्या आयुष्याच्या नव्या पर्वाला सुरुवात करत आहे. तिच्या मित्र मैत्रिणींनी मिळून पूजाचं केळवण केलं. याचेही फोटो अभिनेत्रीने शेअर केले आहेत.
महत्त्वाच्या इतर बातम्या: