जमलं हो जमलं! प्रसिद्ध मराठी अभिनेत्री अडकली लग्नाच्या बेडीत, 'या' अभिनेत्यासोबत बांधली साताजन्माची गाठ; PHOTO व्हायरल
Etasha Sanzgiri and Nishad Bhoir wedding photos viral: एतशा संझगिरी आणि निषाद भोइर विवाहबंधनात अडकले. दोघांच्या लग्नातील फोटो सोशल मीडियात व्हायरल.
Etasha Sanzgiri and Nishad Bhoir wedding News: सध्या लग्नाचा सिझन सुरु आहे. सर्वत्र सनई चौघड्यांचे सूर घुमू लागले आहेत. अनेक सेलिब्रिटींनी आपला जीवनसाथी निवडला आहे. लवकरच रश्मिका मंदाना आणि विजय देवरकोंडा हे देखील लग्नबंधनात अडकणार आहेत. दरम्यान, मराठी टीव्ही इंडस्ट्रीतही लग्नाचा सिझन सुरु आहे. नुकताच अभिनेत्री रेवती लेलेचा विवाहसोहळा पार पडला आहे. तिच्या लग्नातील फोटोही सोशल मीडियात व्हायरल झाले आहेत. अशातच मराठी टीव्ही इंडस्ट्रीतून आणखी एक आनंदाची बातमी समोर येत आहे. एतशा संझगिरी या अभिनेत्रीचा अगदी थाटामाटात विवाह सोहळा संपन्न झाला आहे. तिच्या लग्नाचे फोटो सोशल मीडियात व्हायरल होत आहे.
राजा राणीची गं जोडी, छोटी मालकीण, अशा मराठी मालिकांमध्ये महत्त्वाची भूमिका साकारणारी अभिनेत्री म्हणजे एतशा संझगिरी. हिनं अल्पवधीच आपल्या अभिनयाच्या जोरावर प्रेक्षकांच्या मनावर अधिराज्य गाजवलं. तिनं कालच मराठी अभिनेता निषाद भोईलसोबत लग्नगाठ बांधली. त्यांच्या लग्नाचे फोटो सध्या सोशल मीडियात व्हायरल होत आहे. त्याआधी अभिनेत्रीचे मेहेंदी कार्यक्रमाचे व्हिडिओ सोशल मीडियात व्हायरल झाले होते.
View this post on Instagram
या खास प्रसंगी एतशाने गडद जांभळ्या रंगाची नक्षिकाम असलेली सुंदर साडी नेसली होती. त्यावर तिनं सोन्याचे दागिने आणि हिरव्या बांगड्या परिधान केल्या होत्या. तर, निषाद भोईर याने क्रिम कलरची शेरवानी परिधान केली होती. तर, त्याच्या गळ्यात गडद काळ्या रंगाचे उपकरणं होतं. दोघेही खूप सुंदर दिसत होते. सध्या निषाद आणि एतशाचे लग्नातील फोटो आणि व्हिडिओ सोशल मीडियात व्हायरल होत आहे. या पोस्टवर कलाकारांसह चाहत्यांनी त्यांच्यावर शुभेच्छांचा वर्षाव केला आहे.
अभिनेत्री एतशा आणि अभिनेता निषाद हे एकमेकांना आधीपासून ओळखत होते. दोघेही एकमेकांना डेट करत होते. दख्खनचा राजा जोतिबा या मालिकेत दोघांची भेट झाली. डेटिंगच्या वेळी दोघांनीही लग्नाच्या बेडीत अडकण्याचा निर्णय घेतला.
महत्त्वाच्या इतर बातम्या:
महत्त्वाच्या बातम्या
