Chinmay Mandlekar Recive Fraud Call: सध्याचं युग डिजिटल युग आहे, असं म्हटलं जातं. वेगवान, जलद सारं काही एका क्लिकवर... पण, ही डिजिटल क्रांती जेवढी सोपी आणि सोयीस्कर वाटते. तेवढीच ती धोकादायक आहे. याची अनेक उदाहरणं आपण ऐकली आहे. सोशल मीडिया फ्रॉड, फेक कॉल, डिजिटल अरेस्ट यांसारख्या अनेक धक्कादायक गोष्टी आपण ऐकल्यात. फक्त सर्वसामान्यच नाहीतर अनेक सेलिब्रिटीही या डिजिटल फसवणुकीच्या विळख्यात अडकले आहेत. याबाबत सरकारनंही मोहीम हाती घेतली आहे. सरकारकडून यासंदर्भात जनजागृती करणाऱ्या अनेक जाहिरातीही प्रसिद्ध करण्यात आल्यात. असं असलं तरीसुद्धा अनेकजण या फ्रॉडच्या विळख्यात अडकतात, पण काहीजण अत्यंत जागृक असतात. अशा फ्रॉड कॉल्स करुन पैसे हडपण्याच्या प्रयत्नात असलेल्या स्कॅमर्सना असे जागरुक नागरिक धडा शिकवतात. असाच काहीसा प्रकार मराठी अभिनेता, दिग्दर्शक, लेखक चिन्मय मांडलेकर (Chinmay Mandlekar) याच्यासोबत घडलाय. अभिनेत्यानं यासंदर्भात पोस्ट करुन आपल्यासोबत घडलेला प्रकार सांगितला आहे. तसेच, सर्वांना जागरुक राहण्याचं आवाहनही केलंय. 

अभिनेता चिन्मय मांडलेकरनं सोशल मीडियावर पोस्ट करुन सांगितलं की, एक दिवस त्याला गॅस कनेक्शन बिल भरलं नसल्याचा मेसेज आला. त्यानं पोस्टमध्ये फोनची व्हॉइस रेकॉर्डींगही ऐकवलीय. त्यात फोन करणारी व्यक्ती म्हणतेय की, जानेवारी महिन्याचं 1068 रुपये बिल भरलेलं नाही. तुमचं बिल अपडेट दिसत नाही. व्हॉटस् अॅपला पाठवलेली फाइल डाऊनलोड करा. जर वेळेत पैसे भरले नाही तर पुढच्या 30 मिनिटांत आमची माणसं येऊन तुमचं कनेक्शन कट करतील, असं सांगितलं. पण, जागरुक असल्यामुळे हा फोन म्हणजे, स्कॅमचा प्रकार असल्याचं चिन्मय मांडलेकरच्या पत्नीच्या लक्षात आलं. त्यामुळे तिनं फोन न ठेवता त्याच्याशी बोलायला सुरुवात केली. 

चिन्मयच्या पत्नीनं स्कॅमरशी बोलताना सांगितलं की, तुम्ही म्हणताय तसा मला कोणताच मेसेज आलेला नाही. याशिवाय कनेक्शन कट करायला जी माणसं येणार आहेत, त्यांनी पहिलं मला भेटलं पाहिजे, असंही ठामपणे सांगितलं. चिन्मयच्या पत्नीनं घेतलेल्या ठाम भूमिकेमुळे स्कॅमर गोंधळला आणि घाबरला. त्यामुळे चिन्मयच्या पत्नीच्या खरं खोटं तात्काळ लक्षात आलं. चिन्मयनं त्याच्या चाहत्यांच्या सतर्कतेसाठी पोस्ट केली असून सर्वांना जागरुक राहण्याचं आवाहनही केलं आहे. चिन्मय मांडलेकरनं पोस्टमध्ये कॉल रेकॉर्डिंगसह व्हॉट्सअॅपवर आलेल्या मेसेजचा स्क्रिनशॉर्टही शेअर केला आहे. 

महत्त्वाच्या इतर बातम्या : 

Smita Shewale On Her Divorce: 'मला वाटायचं माझं आयुष्य आता इथे संपलं...'; मराठी अभिनेत्रीनं स्वतःच्या घटस्फोटाबाबत 'ते' सारं सांगितलं