Manvat Murders Web Series : महाराष्ट्र हादरवणाऱ्या घटनेवर आधारित 'मानवत मर्डर्स' वेब सीरीज लवकरच प्रेक्षकांच्या भेटीला येणार आहे. 'मानवत मर्डर्स' या क्राइम थ्रिलर वेब सीरीजचा दमदार टीझर समोर आला आहे. सोनी लिव्‍ह रोमांचक क्राइम थ्रिलर सीरीज 'मानवत मर्डर्स' घेऊन येत आहे. मानवत मर्डर्स वेब सीरिज 70 च्या दशकातील भयानक हत्याकांडावर आधारित आहे. महेश कोठारे आणि आदिनाथ कोठारे यांच्या स्‍टोरीटेलर्स नूक प्रोडक्शन हाऊस आणि गिरीश जोशी यांची निर्मिती असलेल्या सीरीजचे दिग्‍दर्शक आशिष बेंडे आहेत.
महाराष्ट्र हादरवणाऱ्या घटनेवर आधारित वेब सीरीज
भारताचे शेरलॉक होम्‍स म्‍हणून ओळखले जाणारे सीआयडीमधील प्रतिष्ठित डिटेक्टिव्‍ह ऑफिसर रमाकांत एस. कुलकर्णी यांची आत्‍मचरित्रात्‍मक कलाकृती 'फूटप्रिंट्स ऑन द सँड ऑफ क्राइम'वर आधारित 'मानवत मर्डर्स' या सीरीजमध्‍ये आशुतोष गोवारीकर, मकरंद अनासपुरे, सोनाली कुलकर्णी आणि सई ताम्‍हणकर असे प्रतिभावान कलाकार प्रमुख भूमिकेत पाहायला मिळणार आहेत. या वेब सीरिजमध्ये 'मानवत मर्डर्स' महाराष्ट्रातील सर्वात भयानक ऐतिहासिक घटनेचा उलगडा होणार आहे, ज्या घटनेनं 70 च्या दशकात देशाला हादरून टाकलं होतं.
क्राइम थ्रिलर 'मानवत मर्डर्स'चा रोमांचक टीझर आऊट
आशिष बेंडे यांचे दिग्‍दर्शन असलेल्या 'मानवत मर्डर्स' आगामी सीरीजमध्‍ये या भयानक हत्याकांडाचा उलगडा होणार आहे. रमाकांत एस. कुलकर्णी यांच्या नेतृत्‍वांतर्गत तपास पथक या खटल्‍याची तपासणी करताना पाहायला मिळणार आहे. आशुतोष गोवारिकर रमाकांत कुलकर्णी यांच्या भूमिकेत या गुंतागूंतीच्‍या केसचा उलगडा करताना दिसतील. 1970च्या दशकातील ग्रामीण महाराष्ट्रातील गूढ हत्‍यांची मालिका सोडवण्‍याच्‍या आव्‍हानांचा त्यांच्या पुढे असणार आहे. यादरम्‍यान रमाकांत कुलकर्णी ही गुंतागुंतीची केस सोडवू शकतील का आणि वेळ निघून जाण्यापूर्वी पीडितांना न्‍याय मिळवून देतील का? हे जाणून घेण्यासाठी तुम्हाला वेब सीरिज पाहावी लागणार आहे.
पाहा 'मानवत मर्डर्स'चा रोमांचक टीझर
'मानवत मर्डर्स' रिलीज डेट
'मानवत मर्डर्स' वेब सीरिजमध्ये अभिनेत्री सोनाली कुलकर्णी, अभिनेता मकरंद अनासपुरे मुख्य भूमिकेत दिसणार आहे. 'मानवत मर्डर्स' ची मिस्ट्री सोडवण्याची जबाबदारी सीआयडी ऑफिसर रमाकांत कुलकर्णी यांच्या खांद्यावर असेल. रमाकांत कुलकर्णीची भूमिका आशुतोष गोवारिकर यांनी निभावली आहे. 4 ऑक्टोबरला 'मानवत मर्डर्स' ही वेब सीरीज ओटीटी प्लॅटफॉर्म सोनी लिव्हवर रिलीज होईल.
महत्त्वाच्या इतर बातम्या :
Bigg Boss Marathi : बिग बॉसला आलाय 'मदमस्त' निक्कीचा पुळका? थेट जान्हवीलाच आदेश देत म्हणाले...