Kylie Page Death : नेटफ्लिक्स अभिनेत्री आणि अडल्ट स्टार काइली पेज (Kylie Page Death) हिचं वयाच्या 28 व्या वर्षी निधन झालंय. लॉस एंजेलिसमधील हॉलीवूड येथील तिच्या अपार्टमेंटमध्ये 25 जून 2025 रोजी ती मृत अवस्थेत आढळून आली. पोलीस तपासात काइलीच्या मृतदेहाजवळ फेंटानिल आणि इतर अमली पदार्थ सापडले. पोलिसांच्या मते, तिचा (Kylie Page Death) मृत्यू ड्रग्सच्या ओव्हरडोसमुळे झाला असून यात कोणतीही गैरप्रकाराची शंका नाही. मृत्यूचे अधिकृत कारण लवकरच लॉस एंजेलिस मेडिकल एक्झॅमिनरद्वारे स्पष्ट केले जाईल.
काइलीचा जन्म 13 फेब्रुवारी 1997 रोजी टुल्सा, ओक्लाहोमा येथे काइली पायलंट या नावाने झाला होता. 2016 मध्ये तिने अडल्ट स्टार म्हणून करिअर सुरू केले. आपल्या कारकिर्दीत तिने ब्रॅझर्स, नॉटी अमेरिका, ज्युल्स जॉर्डन आणि विक्सेन मीडिया ग्रुप यांसारख्या मोठ्या स्टुडिओंसोबत 200 पेक्षा जास्त चित्रपटांमध्ये काम केले.
नेटफ्लिक्सवरील Hot Girls Wanted: Turned On मध्ये तिने 2017 साली डॉक्युमेंटरी मालिकेतही भाग घेतला होता. या शोमध्ये तिने 'बॉनी किन्झ' हे स्टेज नेम वापरले होते. या मालिकेत तिने नशा करण्याच्या तिच्या सवयीबाबत खुलेपणाने भाष्य केले होते.
काइलीच्या निधनावर तिच्या चाहत्यांकडून, मित्र आणि सहकाऱ्यांकडूनही दुःख व्यक्त करण्यात येतंय. ब्रॅझर्स या स्टुडिओने तिला “हसतमुख आणि प्रेमळ स्वभावाची” व्यक्ती म्हटले आहे, जी प्रत्येकाच्या आयुष्यात आनंद घेऊन आली. तिची मैत्रीण आणि सहकलाकार लिया गॉटी हिने काइलीबद्दल “प्रकाशासारखी आणि आनंदी” असल्याचे सांगितले, जी नेहमी हसत, खेळत आणि जीवन जगायला प्रेम करत असे. काइलीचे पार्थिव ओक्लाहोमा येथे नेण्यासाठी आणि अंत्यविधीच्या खर्चासाठी GoFundMe मोहिम सुरू करण्यात आली आहे. तिचे कुटुंबीय आणि चाहते सोशल मीडियावर तिच्या आठवणी शेअर करत आहेत आणि शोक व्यक्त करत आहेत.
Brazzers ने कायलीच्या निधनाबद्दल शोक व्यक्त करत लिहिले आहे –"Brazzers टीम काइली पेजच्या निधनाच्या बातमीने खूप दु:खी झाली आहे. काइली तिच्या हसण्याने, तिच्या प्रेमळ स्वभावाने आणि ती जिथे जाई तिथे आनंद घेऊन येण्यामुळे कायम लक्षात राहील. या कठीण काळात आम्ही काइलीच्या कुटुंबीयांना, मित्रांना आणि चाहत्यांना आमची मनःपूर्वक संवेदना व्यक्त करतो."
इतर महत्त्वाच्या बातम्या