Kiccha Sudeep : दाक्षिणात्य चित्रपटसृष्टीतील प्रसिद्ध अभिनेता किच्चा सुदीपनं (Kiccha Sudeep) कन्नड, तमिळ आणि हिंदी भाषांमधील चित्रपटांमध्ये काम केलं आहे. किच्चा सुदीप हा त्याच्या अभिनयानं नेहमीच प्रेक्षकांची मनं जिंकतो. लोक त्याला कन्नड चित्रपटसृष्टीत ‘अभिनेता चक्रवर्ती’ असं म्हणतात. सध्या किच्चा सुदीप हा त्याच्या विक्रांत रोणा (Vikrant Rona) या त्याच्या आगामी चित्रपटांमुळे चर्चेत आहे. जाणून घेऊयात त्याच्याबद्दल...
किच्चा सुदीपचा जन्म 2 सप्टेंबर 1973 रोजी सिमोगामध्ये झाला. सुदीपनं इंजीनियरिंग केली. तो चांगला क्रिकेट खेळतो. सुदीपनं रोशन तनेजाकडून अभिनयाचं प्रशिक्षण घेतलं. सुदीपनं कन्नड चित्रपटसृष्टीतमधून अभिनयात पदार्पण केलं. त्यानंतर त्यानं तमिळ, तेलगू आणि हिंदी या चित्रपटांमध्ये देखील काम केलं. सुदीपचे वडील हे चित्रपट निर्माता आहे.
सुदीपनं 1997 मध्ये ‘थायवा’ या चित्रपटामधून करिअरला सुरूवात केली. पण त्याला राजामौली यांच्या ईगा या चित्रपटामधून मिळाली. या चित्रपटाच्या हिंदी व्हर्जनचं नाव मक्खी असं होतं. 2008 मध्ये रिलीज झालेल्या ‘फूंक’ चित्रपटामधून सुदीपनं बॉलिवूडमध्ये पदार्पण केलं. रन, फूंक 2, रक्तचरित्र आणि सलमान खानच्या दबंग 3 या हिंदी चित्रपटांमध्ये काम केलं. स्पर्शा, हुच्चा, वीरा मदाकरी, रन, हेब्बुली, द विलेन, पैलवान या कन्नड चित्रपटांमध्ये सुदीपनं केलं. सुदीपला हुचा, नंदिनी आणि स्वाती मुथू या चित्रपटांसाठी सलग तीन वर्षे कन्नड फिल्मफेअर सर्वोत्कृष्ट अभिनेत्याचा पुरस्कार मिळाला आहे.
सुदीपचे नाव सुदीप संजीव आहे. 2001 मध्ये प्रदर्शित झालेल्या 'हुच्छा' चित्रपटात त्यांनी 'किच्चा' ही भूमिका साकारली होती, ही भूमिका लोकांना इतकी आवडली होती की सुदीपनं आपल्या नावामागे 'किच्चा' लावायला सुरुवात केली.
सुदीपचा बंगळुरु येथे आलिशान बंगला आहे. या बंगलाची किंमत 20 कोटींची आहे. तसेच कर्नाटक येथे सुदीपचं एक फार्म हाऊस आहे. सुदीपकडे लग्झरी गाड्यांचे कलेक्शन देखील आहे. त्याच्याकडे लॅम्बॉर्गिनी एवेंटाडोर ही गाडी आहे. या गाडीची किंमत तीन कोटी आहे. तसेच त्याच्याकडे 75 लाख रुपये किंमत असणारी जीप कंपा देखील आहे. एक कोटीची BMW M3,90 लाखांची Hummer H3 या गाड्या देखील सुदीपकडे आहेत. सुदीप हा 125 कोटींचा मालक आहे.
हेही वाचा: