KGF 2 : सध्या 'केजीएफ चॅप्टर 2' (KGF Chapter 2) हा चित्रपट बॉक्स ऑफिसवर धुमाकूळ घालत आहे. जगभरातील बॉक्स ऑफिसवर या चित्रपटानं 1000 कोटींपेक्षा जास्त रूपयांची कमाई केली. या चित्रपटामध्ये प्रमुख भूमिका साकारणारा अभिनेता  यशला (yash) या चित्रपटामुळे विशेष लोकप्रियता मिळत आहे. या चित्रपटामधील यशचा अभिनय पाहून त्याची तीन वर्षाची मुलगी आर्या देखील त्याची चाहती झाली आहे. आर्याचा नुकताच एक खास व्हिडीओ सोशल मीडियावर व्हायरल झाला आहे. या व्हिडीओमध्ये ती केजीएफमधील सलाम रॉकी भाई हे गाणं गाताना दिसत आहे. 
 
यशनं शेअर केलेल्या व्हिडीओमध्ये आर्या सलाम रॉकी भाई ऐवजी रॉकी बॉय म्हणते. नेटकऱ्यांनी आर्याच्या या गाण्याला पसंती दिली आहे. यशनं अभिनेत्री राधिका पंडितसोबत लग्नगाठ बांधली. यश आणि राधिकाला आर्या आणि यथर्व नावाची दोन मुलं आहेत. केजीएफ-2 च्या यशानंतर यश त्याच्या कुटुंबासोबत सुट्टी एन्जोय करत आहे. 






14 एप्रिलला केजीएफ-2 हा चित्रपट प्रेक्षकांच्या भेटीला आला.  यश व्यतिरिक्त या चित्रपटात संजय दत्त , रवीना टंडन आणि श्रीनिधी शेट्टी या कलाकारांनी देखील प्रमुख भूमिका साकारली आहे. केजीएफ चॅप्टर 2 हा चित्रपट 2018 मध्ये प्रदर्शित झालेल्या केजीएफ या चित्रपटाचा दुसरा भाग आहे. केजीएफ-2 या चित्रपटाचं दिग्दर्शन प्रशांत नील यांनी केलं आहे. 


हेही वाचा :