मुंबई : कॉकरोच जनता पार्टीचं दिल्लीत एक महिन्यापासून (jantar mantar Protest) आंदोलन सुरू होतं. विद्यार्थ्यांनी तब्बल एक महिन्यापेक्षा जास्त दिवस आंदोलन करत केंद्रीय शिक्षणमंत्र्यांच्या राजीनाम्याची मागणी केली होती. विद्यार्थ्यांच्या या आंदोलनाला देशभरातून मोठा पाठिंबा (jantar mantar Protest)मिळाला. त्यानंतर अखेर धर्मेंद्र प्रधान यांनी २५ जुलै रोजी शिक्षणमंत्री पदाचा राजीनामा दिला. त्यामुळे कॉकरोच जनता पार्टीच्या (CJP) आंदोलनाला मोठं यश आल्याचं पाहायला मिळालं. दरम्यान, कॉकरोच जनता पार्टी (CJP) च्या आंदोलनांना विरोध करणाऱ्यांनी आरोप प्रत्यारोप करतानाच सीजेपीला सोरोसकडून फंडिंग मिळत असल्याचा दावा केला होता. आता या प्रकरणी मराठी अभिनेत्री आणि कायमच आपल्या वक्तव्यांमुळे चर्चेत असलेली केतकी चितळेने (Ketki Chitle) तिच्या सोशल मिडीयावर पोस्ट करून या संपूर्ण प्रकरणावर भाष्य केलं आहे. (jantar mantar Protest) त्याचबरोबर दिल्लीतील विद्यार्थी आंदोलनावर प्रतिक्रिया देताना अभिनेत्री केतकी चितळेने आंदोलकांवर आणि ग्रेटा थनबर्गवर जोरदार हल्लाबोल केला आहे. आंदोलनामागे परदेशी फंडिंग असल्याचा आरोप करत, या लोकांना विद्यार्थ्यांच्या भवितव्याची नाही तर केवळ सरकार अस्थिर करायचे असल्याचे तिने म्हटले आहे.
Ketaki Chitale : केतकी चितळेने सोशल मिडीया पोस्टमध्ये नेमकं काय म्हटलं?
केतकी चितळेने सोशल मिडीया पोस्टमध्ये म्हटलं की, "नमस्कार, माझे नाव केतकी चितळे आहे. आणि ज्या ज्या लोकांना असे वाटते की या कॉकरोच (झुरळांना) सोरोसकडून फंडिंग मिळत नाहीये, काँग्रेसकडून फंडिंग मिळत नाहीये, मी त्यांना स्पष्ट शब्दांत सांगू इच्छिते की, जेव्हा ग्रेटा थनबर्गसारखी मूर्ख मुलगी या आंदोलनात घुसते, प्रात्यक्षिके (Demonstrations) करते, जिने पॅलेस्टाईनला पाठिंबा दिला आहे, सपोर्ट केला आहे आणि... इजिप्तला जाण्याचा प्रयत्न केला होता... आणि... पण तिला इराणमध्ये ५ वर्षांच्या मुलाला मारले जात आहे, जे शासन (Regime) आपल्या खेळाडूंना (Athletes) मारत आहे, १८ वर्षांची मुले मरत आहेत, मारली जात आहेत, ते दिसत नाही...तेव्हा समजून जा की या कॉकरोचना कोण पाठिंबा (Backing) देत आहे. ग्रेटा थनबर्गच्या... जे पालक होते... त्यांनी तिला सपोर्ट केला हे सांगण्यासाठी की तुला शाळेत जायचे नाहीये. कारण 'ग्लोबल वॉर्मिंग'चा मुद्दा घेऊन ही मुलगी घुसली होती... पण आता ग्लोबल वॉर्मिंग सोडून ती राजकारणात (Politics) घुसतेय, जे तिच्या आकलनापलीकडचे (Beyond her understanding) आहे. ती स्पेक्ट्रमवर (Autism spectrum) आहे म्हणून तिला तिच्या आकलनापलीकडच्या गोष्टींवर बोलण्याचे कोणतेही कारण किंवा सवलत मिळत नाही! मला ही गोष्ट स्पष्टपणे सांगू द्या.
आणि जर तुम्हाला ही संपूर्ण परिस्थिती स्पष्टपणे दिसत नसेल, तर मी तुम्हाला सांगेन की कृपया आपले डोळे धुवून घ्या. या जेन-झींना (Gen Zs) विद्यार्थ्यांची काहीही पडलेली नाही, नीट (NEET) परीक्षेचे तर सोडूनच द्या! ज्यांना परीक्षा द्यायची होती, त्यांनी परीक्षा दिली, पुनर्परीक्षा (Re-exam) दिली, आता ते पुन्हा परीक्षा देऊ शकतात ना! २० दिवसांत तर कोणी विसरत नाही यार, काय अभ्यास केला होता आणि काय अभ्यास केला नव्हता. ज्यांना परीक्षा द्यायची होती त्यांनी ती दिली. त्यामुळे जर तुम्हाला फक्त या सरकारला अस्थिर (Destabilize) करायचे आहे, आणि हाच यांचा मुख्य मुद्दा आहे! पुढील कंटेंट मी अपलोड करेन, तोपर्यंत जय हिंद, वंदे मातरम, भारत माता की जय!"