Kaun Banega Crorepati 18 Amitabh Bachchan: अमिताभ बच्चन (Amitabh Bachchan) होस्ट करत असलेल्या प्रसिद्ध 'कौन बनेगा करोडपती' (Kaun Banega Crorepati 18) या टेलिव्हिजन शोचा (Television Show) सुरू झालाय. या सीझनमध्ये 'बिग बी' (Big B) यांनी त्यांचे पहिले स्पर्धक बबलू कुमार पंडित यांचं दिमाखात स्वागत केलं. पण, झालं उलटंच, कंटेस्टेंटला हॉटसीटवर (KBC Hotseat) बसायला घेऊन जाणारे अमिताभ बच्चन (Actor Amitabh Bachchan) यांना 'कौन बनेगा करोडपती'च्या (Kaun Banega Crorepati) 18 व्या सीझनमध्ये मात्र, स्पर्धकानं हॉटसीटवर बसवलं. सध्या या कंटेस्टंटचा व्हिडीओ सोशल मीडियावर प्रचंड व्हायरल होतोय.
25 लाख रुपयांच्या प्रश्नाचं अचूक उत्तर दिल्यानंतर 50 लाख रुपयांच्या प्रश्नावर बबलू कुमार पंडित बाद झाले असले, तरी अमिताभ बच्चन यांच्याशी झालेला त्यांचा संवाद मात्र चर्चेचा विषय ठरलाय.
'कौन बनेगा करोडपती' (KBC) या लोकप्रिय टीव्ही कार्यक्रमाच्या 18 व्या सीझनचे पहिले स्पर्धक म्हणून बबलू कुमार पंडित 'हॉट सीट'वर बसले. मूळचे बिहारमधील भागलपूरचे असलेले आणि सध्या दिल्लीतील कामगार मंत्रालयात 'सीनियर असिस्टंट' म्हणून कार्यरत असलेल्या बबलू यांनी या कार्यक्रमात सर्वांचं लक्ष वेधून घेतलं. याचं कारण म्हणजे, त्यांनी अमिताभ बच्चन यांच्यासमोरच अभिषेक बच्चन यांचं केलेलं कौतुक.
अभिषेक बच्चनबद्दल काय म्हणाले बबलू कुमार पंडित? (KBC Contestant On Abhishek Bachchan)
दरम्यान, बबलू कुमार पंडित यांनी बिग बींचे पुत्र अभिषेक बच्चन यांचं असं काही कौतुक केलं की, खुद्द अमिताभही अवाक् झाले. अमिताभ बच्चन यांच्याबद्दल प्रेम आणि आदर व्यक्त करतानाच बबलू यांनी अभिषेकचंही भरभरून कौतुक केलं. त्यांनी अमिताभ यांना सांगितलं की, जर अभिषेक अभिनेता नसता, तर तो एक उत्तम बिझनेसमन बनू शकला असता... इतकंच नाही तर, बबलू यांनी अभिषेकच्या अभिनयाचंही खूप कौतुक केलं. 'द बिग बुल' आणि 'आय वॉन्ट टू टॉक' सिनेमांमधील अभिषेकच्या उत्कृष्ट अभिनयानं आपण किती प्रभावित झालो आहोत, हे त्यानं व्यक्त केलं. त्यानं गमतीनं असंही म्हटलं की, सिनेमांमध्ये अभिषेकनं जी कामगिरी केलीय, ती कदाचित अमिताभ बच्चन यांनाही मागे टाकणारी ठरू शकेल.
हे ऐकून 'बिग बी' यांनाही आश्चर्यही वाटलं आणि आनंदही झाला. बबलू कुमारनं 13 प्रश्नांची अचूक उत्तरं देऊन 50 लाख रुपयांच्या प्रश्नापर्यंत मजल मारली होती. मात्र, त्याच्याकडे कोणतीही 'लाइफलाइन' शिल्लक नसल्यामुळे आणि 14 व्या प्रश्नाचं उत्तर चुकीचं दिल्यामुळे त्याला ती बक्षीस रक्कम जिंकता आली नाही.
अभिषेक बच्चनचं कौतुक करताना बबलू कुमारनं ज्या सिनेमांचा उल्लेख केला, त्यापैकी 'आय वॉन्ट टू टॉक' सिनेमासाठी अभिषेकला 'फिल्मफेअर सर्वोत्कृष्ट अभिनेता' पुरस्कार मिळाला. या सिनेमाचं दिग्दर्शन शूजित सरकार यांनी केलं होतं आणि समीक्षकांकडून या सिनेमाला मोठी पसंती मिळालेली.
'कौन बनेगा करोडपती 18' (KBC 18) चा शुभारंभ 10 ऑगस्ट रोजी झाला. हा कार्यक्रम रात्री 9 वाजता 'सोनी लिव्ह' (SonyLIV) आणि 'सोनी एंटरटेनमेंट टेलिव्हिजन'वर पाहता येईल. या सीझनची संकल्पना 'सोचना पडेगा' अशी आहे.
महत्त्वाच्या इतर बातम्या :