Kantara Chapter 1 : अखेर मुहूर्त ठरला! 'कांतारा चॅप्टर 1' रिलीज डेटची घोषणा, 'या' दिवशी जगभरात प्रदर्शित होणार सीक्वेल
Kantara Chapter 1 Release Date : कांतारा चित्रपटाच्या दुसऱ्या भागाची रिलीज डेट ठरली आहे. कांतारा चॅप्टर 1 चित्रपट कधी प्रदर्शित होणार जाणून घ्या.
Kantara Sequel Release Date Announced : अभिनेता-दिग्दर्शक रिषभ शेट्टीच्या कांतारा चित्रपटाने प्रेक्षकांना एक अद्भुत जग दाखवलं. कांतारा चित्रपटाचा अनुभव प्रेक्षकांसाठी अविश्वसनीय ठरला. या चित्रपटाने प्रेक्षकांच्या मनात वेगळं स्थान निर्माण केलं आहे. अगदी कमी बजेटमध्ये बनलेल्या चित्रपटाची कथा, दिग्दर्शन आणि कलाकारांचा अभिनय यांचं प्रेक्षकांनी तोंड भरुन कौतुक केलं. 2022 साली आलेल्या कांतारा चित्रपटाच्या सीक्लेलची प्रेक्षक आतुरतेने वाट पाहत आहेत. कांतारा चित्रपटाच्या दुसऱ्या भागाची घोषणा झाल्यापासूनच प्रेक्षक याकडे डोळे लावून आहेत. आता कांताराचा सीक्लेल म्हणजे कांता चॅप्टर 1 चित्रपटाची रिलीज डेट समोर आली आहे.
कांतारा चॅप्टर 1 ची रिलीज डेट ठरली
अभिनेता-दिग्दर्शक रिषभ शेट्टीने कांतारा चॅप्टर 1 चित्रपटाच्या रिलीज डेटची घोषणा केली आहे. रिषभ शेट्टीने कांतारा चॅप्टर 1 चित्रपटाचं पोस्टर शेअर करत चित्रपट प्रदर्शित होण्याची तारीख जाहीर केली आहे. रिषभ शेट्टीने सोशल मीडियावर रिलीज डेटची घोषणा केली आहे. कांतारा चित्रपट ब्लॉकबस्टर हिट ठरल्यानंतर आता कांतारा चॅप्टर 1 बॉक्स ऑफिसवर नवे रेकॉर्ड रचण्यासाठी सज्ज आहे.
'या' दिवशी जगभरात प्रदर्शित होणार सीक्वेल
'कांतारा' चित्रपटामध्ये कर्नाटकातील प्रसिद्ध 'भूत कोला' उत्सवाची कथा दाखवण्यात आली होती, तर आता 'कांतारा : अध्याय 1' मध्ये कदंब कालावधीचा शोध घेतला जाईल. कदंब काळ हा भारतीय इतिहासाचा सुवर्णकाळ मानला जातो, जो त्याच्या आकर्षक समृद्धी आणि ऐतिहासिक सौंदर्यासाठी प्रसिद्ध आहे. आता चित्रपटाच्या दुसऱ्या भागामध्ये कदंब काळातील कथा पाहायला मिळणार आहे. 'कांतारा : चॅप्टर 1' 2 ऑक्टोबर 2025 रोजी जगभरात प्रदर्शित होणार आहे.
View this post on Instagram
कांतारा चित्रपट 2022 मध्ये रिलीज झालेला हिट चित्रपट ठरला. या चित्रपटाने बॉक्स ऑफिसवर तगडी कमाई केली. या चित्रपटाचं लेखन, दिग्दर्शन रिषभ शेट्टीने केलं, तर यामध्ये मुख्य भूमिकेतील त्याच्या अभिनयाने प्रेक्षकांची मनं जिंकली. कांतारा चित्रपटासाठी रिषभ शेट्टी सर्वोत्कृष्ट अभिनेत्याच्या राष्ट्रीय पुरस्कार मिळाला. अवघ्या 16 कोटींच्या बजेटमध्ये बनलेल्या या चित्रपटाने भारतात 125 कोटींचा व्यवसाय केला, तर जगभरात 300 कोटींहून अधिक कमाई केली.
View this post on Instagram
महत्त्वाच्या इतर बातम्या :
10 कोटींची कॉपीराइट केस ठोकलेल्या धनुषवर भडकली नयनतारा, अभिनेत्रीने सोशल मीडियावर ओपन लेटरमध्ये सगळं सत्य सांगून टाकलं
महत्त्वाच्या बातम्या
