Kangana Ranaut Back on Twitter: बॉलिवूडची पंगा क्वीन कंगना रनौत (kangana Ranaut) ट्वीटरवर पुन्हा परतली आहे. कंगना रनौत हिनं ट्वीट करत ट्विटरवर परतल्याचं सांगितलं आहे. ट्विटरच्या नियमांचे उल्लंघन केल्याने कंगना रनौतचं ट्विटर खातं बॅन करण्यात आले होते. आता तब्बल 20 महिन्यानंतर ती पुन्हा ट्वीटरवर परत आली आहे.
Hello everyone, it’s nice to be back here असं ट्वीट करत अभिनेत्री कंगना रनौत हिनं आपलं ट्वीटरवर परत आल्याचं सांगितलं. कंगनाच्या या ट्वीटवर अनेकांनी लाईक्स अन् कमेंट्सचा वर्षाव केला. अनेकांनी कंगनाला शुभेच्छा दिल्या आहेत. तर काही नेटकऱ्यांनी मिम्स शेअर करत ट्रोल करण्याचा प्रयत्न केला आहे. ट्वीटरच्या नियमांचं उल्लंघन केल्यामुळे 2021 मध्ये तिचं ट्विटर खातं बंद करण्यात आले होते. इलॉन मस्कने ट्विटरचा ताबा (Elon Musk Twitter Takeover) घेतल्यापासून कंगना ट्विटरवर पुन्हा येऊ शकते अशा चर्चांना वेग आला होता. आता कंगनालाचं ट्वीटर खातं सुरु झालं आहे. कंगनाच्या चाहत्यांमध्ये आनंदाचं वातावरण आहे.
ट्वीटरवर परतल्यानंतर कंगनाचं पहिलं ट्वीट काय?
बॉलिवूडची पंगा क्वीन कंगना रनौतचा 'इमरजेंसी' हा सिनेमा लवकरच प्रेक्षकांच्या भेटीला येणार आहे. या सिनेमात कंगना इंदिरा गांधी यांच्या भूमिकेत दिसणार आहे. तसेच या सिनेमाची निर्मिती आणि दिग्दर्शनाची धुरादेखील कंगना सांभाळत आहे. 1975 मधील भारताच्या आणीबाणीवर भाष्य करणारा हा सिनेमा आहे. या चित्रपटाबद्दलही कंगनानं ट्वीट केले आहे. 20 ऑक्टोबर 2023 मध्ये हा चित्रपट प्रदर्शित होणार असल्याचं ट्वीट करत कंगानं सांगितले आहे.
पाहा कंगना काय म्हणाली आहे...
कोटींची मालकीन आहे कंगना -
मीडिया रिपोर्ट्सनुसार, कंगना ब्रँड एंडोर्समेंटमधून सर्वाधिक कमाई करते. ती एका ब्रँडची जाहिरात करण्यासाठी 3-3.5 कोटी रुपये आकारते. आता ती अभिनेत्रीसोबतच एक फिल्म प्रोड्यूसरही बनली आहे. रिपोर्टनुसार ती एका वर्षात सुमारे 15 कोटी रुपये कमवते. कंगना रनौतची मुंबईत 1-2 नव्हे, तर तीन घरे आहेत. मुंबईशिवाय कंगनाचा मनालीमध्येही बंगला आहे.
आणखी वाचा:
Kangana Ranaut : कॉन्ट्रोव्हर्सी क्वीन कंगना रनौतचा इंस्टाग्रामसोबत पंगा; म्हणाली,"वाह्यात अॅप..."