Kangana Ranaut on Baba Ramdev: खासदार कंगना रणौत आपल्या बेताल वक्तव्यांनी वाद निर्माण करत असल्याने योगगुरु बाबा रामदेव यांनी अत्यंत शब्दात फटकारल्यानंतर आता कंगनाने सुद्धा रामदेव बाबांवर हल्लाबोल केला आहे. गेल्या महिन्यात कंगनाच्या 'गटर जनरेशन' वक्तव्यामुळे वादात सापडली होती. बाबा रामदेव यांनी तिच्या वक्तव्यावर सडकून टीका केली होती. "कंगनाचे शिक्षण काय? तिचे बालपण कसे होते? तिचे तारुण्य कसे होते? तिचे पूर्वीचे कारनामे कसे होते?" अशा शब्दात कंगनावर प्रहार केला होता. आता, कंगनाने याच वक्तव्यावरून बाबा रामदेव यांना धारेवर धरत पलटवार केला आहे.
माझ्या तारुण्याची किंवा बेडरूमची स्वप्ने पाहू नका
कंगनाने लिहिले, "बाबा जी, माझ्या तारुण्याची किंवा बेडरूमची स्वप्ने पाहू नका. अफवा आणि गप्पांच्या आधारावर केवळ अंदाज बांधता येतात. निदान मला तरी खोट्या किंवा फसव्या वैद्यकीय दाव्यांसाठी सर्वोच्च न्यायालयाने कधीही फटकारलेले नाही. हे तथ्यांवर आधारित आहे, गप्पांवर नाही. त्यामुळे माझ्या चारित्र्यावर मला उपदेश करू नका; माझे चारित्र्य तुमच्यापेक्षा खूप चांगले आहे; माझी कोणतीही फसवणूक कधीही उघडकीस आलेली नाही.
काय म्हणाले बाबा रामदेव?
बाबा रामदेव यांनी कंगनाच्या गटर जनरेशन वक्तव्यावर प्रतिक्रिया दिली होती. "कंगनाचं शिक्षण काय झालं? तिचं तारुण्य आणि बालपण कसं होतं? तिचे भूतकाळातील कारनामे कसे होते? मला त्याबद्दल बोलायचं नाही." एखाद्याला अशा प्रकारे 'गटर' म्हणणे हे विकृत मनाचे लक्षण आहे, अशा शब्दात फटकारलं होतं. 'जेन जी' आंदोलनानंतर कंगनाने पोस्ट टाकली होती. कंगनाने लिहिले होते, "ज्या तरुण हिंदू महिलांना स्वतंत्र करिअर असलेल्या महिलांचे अनुकरण करायचे आहे, त्यांच्यासाठी ही लाजिरवाणी गोष्ट आहे. त्यांना कोणत्याही उत्पन्नाशिवाय स्वातंत्र्य हवे आहे. ज्या महिला स्वतंत्र असतात, त्या बंडखोर निर्णय घेतात. त्यांची मते ठाम असतात. त्यांचे स्वतःचे करिअर असते. त्या स्वतःच्या कृतींची जबाबदारी घेतात. त्या आपल्या आई-वडिलांवर आणि कुटुंबावर अवलंबून राहत नाहीत.
आता तथाकथित पाश्चात्त्यीकरण झालेल्या भारतीय महिलांची एक नवीन पिढी आली आहे. मी त्यांना गटार पिढी म्हणते. त्यांच्यापैकी काही जणी अभ्यासात हुशार नाहीत, सुंदरही नाहीत आणि इतक्या भ्रष्ट आहेत की त्या गृहिणीसुद्धा होऊ शकत नाहीत. त्यांच्याकडे काहीही नाही. त्या अभिमानाने दारू पिण्याचे, अमली पदार्थांचे सेवन करण्याचे आणि शारीरिक संबंध ठेवण्याचे स्वातंत्र्य मिरवतात."
इतर महत्वाच्या बातम्या