Janhavi Killekar Angry On Chota pudhari: बिग बॉस मराठीच्या पाचव्या पर्वाची फायनलिस्ट जान्हवी किल्लेकर (Janhavi Killekar) कायम तिच्या रोखठोक बोलण्याने चर्चा असते. सोशल मीडियावर ती कायम सक्रिय असते . सोशल मीडियावर जान्हवीच्या एका व्हिडिओमुळे सध्या तिची चर्चा सुरू आहे. जान्हवी किल्लेकर आणि अभिनेता ओम यादव कुटुंबीयांसोबत जेजुरीला गेली होती. या व्हिडिओवर छोटा पुढारीने केलेल्या कमेंटवर जान्हवी भडकली आहे. ' जास्त शहाणपणा करू नकोस. लोकांचं ठीक आहे, पण तुला अक्कल नाही का? असं म्हणत जान्हवीने थेट छोटा पुढारीला सुनावलं.
नेमकं झालं काय ?
जान्हवी किल्लेकरने नुकताच एक व्हिडिओ तिच्या सोशल मीडिया अकाउंटवर पोस्ट केला आहे. या व्हिडिओमध्ये ती अभिनेता ओम यादव आणि कुटुंबीयांसोबत जेजुरीला गेली होती. जान्हवी आणि ओमने एकत्र भंडारा उधळला. देवाचे दर्शन घेतलं. कुटुंबीयांसोबत फोटोही काढल्याचे दिसलं. तिच्या या व्हिडिओवर अनेक चाहत्यांनी कमेंट्स केल्या आहेत. अनेकांनी 'जय मल्हार' म्हणत स्वागत केलं. मात्र, जान्हवीच्या या व्हिडिओवर छोटा पुढारीने केलेल्या आगाऊ कमेंटमुळे जान्हवी किल्लेकर त्याच्यावर चांगलीच भडकली. कमेंट सेक्शनमध्येच जान्हवीने छोटा पुढारीला सुनावलं. नंतर चाहत्यांनीही त्याला ट्रोल केलं. शेवटी ओम यादवला कमेंट करत स्पष्टीकरण द्यावं लागलं.
काय म्हणाला छोटा पुढारी ?
जेजुरीत एकत्र दर्शन घेतानाचा व्हिडिओ समोर आल्यानंतर, छोटा पुढारीने जान्हवी आणि ओमच नाव एकमेकांसोबत जोडलं . " नक्कीच तुमची छान मैत्री असू शकते. पण, ज्या प्रमाणात तुमचे व्हिडिओ येत आहेत यावरून लोकांना प्रश्न पडणारच ना.. बाकी तुमचं जे असेल ते ' अशा कमेंट्स चाहत्यांनी केल्यानंतर छोटा पुढारी म्हणाला ' ओम दादा हे बरोबर नाही बरं ..तुम्ही समजून घ्या मला काय बोलायचं आहे. मी तुमचा लहान भाऊ आहे,त्यामुळे मला काय बोलायचं आहे ते तुम्हाला समजलं असेल.पण देवाला आमचा एक निरोप द्या..आम्हाला पण एक वहिनी आली पाहिजे आता ' अशी कमेंट त्याने केली आहे.
यावर ओम यादवनं ' नक्कीच घनश्याम. तू लग्न केलंस की मी लगेच करणार लग्न, प्रॉमिस' असं म्हटलं. पण जान्हवीला छोट्या पुढारीचा हा आगाऊपणा अजिबात आवडला नाही. तिने कमेंटलाच रिप्लाय करत त्याला सुनावलं.
जान्हवी छोटा पुढारीवर भडकली..
जान्हवी किल्लेकरला छोट्या पुढारीच्या कमेंटमधून त्याचा आगाऊपणा करताच तिने तिथल्या तिथे त्याला सुनावलं. 'जास्त शहाणपणा करू नकोस..लोकांचे ठीक आहे ..पण तुला अक्कल नाही का ? असं ती म्हणाली. जान्हवीच्या कमेंटनंतर अनेक जण छोटा पुढारीला ट्रोल करू लागले. शेवटी ओम यादवला या व्हिडिओवर कमेंट करत स्पष्टीकरण द्यावं लागलं. तो म्हणाला ' अति उत्सुक कमेंट करणारे, अरे थांबा थांबा.. कन्फ्युज होऊ नका. आम्ही फक्त एकमेकांना सपोर्ट करणारे फक्त आणि फक्त बेस्ट फ्रेंड आहोत आणि कायम राहू. इव्हेंट निमित्त महाराष्ट्रभर आम्ही जात असतो. तात्या भागातील देवस्थानांचा दर्शन आम्ही घेत असतो. तसंच जेजुरीला देखील देवदर्शन केलं. जान्हवीचं पूर्ण कुटुंब देखील सोबत होतं. आमची मैत्री एकदम क्लिअर आहे. कलाकार म्हणून आमचा एकमेकांना कायम सपोर्ट करत असतो व तो कायम असेल.
आणखी एक गोष्ट. इव्हेंटला गेल्यावर आयोजकांची इच्छा असते की दोघांनी काहीतरी डान्स परफॉर्मन्स केला पाहिजे.आम्हालाही आयोजक व प्रेक्षक नाराज करता येत नाहीत.कारण शेवटी आयोजकांनी लाखो रुपये मोजलेले असतात.नंतर रील चे व्हिडिओ व्हायरल होतात पण ते कलाकार म्हणून समजून घ्या.प्रेक्षकांची फेवरेट जोडी म्हणून सर्वांना आम्ही आवडतो, याचा आम्हाला आदरच आहे व कायम राहील.कमेंट करताना याचे भान ठेवावे ही विनंती. 'असं ओम यादव म्हणाला. या सगळ्या प्रकारानंतर छोटा पुढारीने त्याची कमेंट डिलीट केली आहे. आता जान्हवीची कमेंट डिलिट केलेली दिसतेय. पण दोघांमध्ये उडालेल्या खटक्याची चर्चा मात्र सोशल मीडियावर रंगली आहे.