Kiran Mane Post On Jahnavi Killekar Dahi Handi Viral Video: 'लोकांचे 'चॉईसेस' बदलतायत, मराठी टीव्ही-सिनेमाचं ग्लॅमर झाकोळलंय...'; जान्हवी किल्लेकर प्रणाली सूर्यवंशीच्या 'त्या' व्हिडीओवर किरण मानेंची पोस्ट
Kiran Mane Post On Jahnavi Killekar Dahi Handi Viral Video: अभिनेत्री जान्हवी किल्लेकर आणि रिलस्टार प्रणाली सूर्यवंशी यांचा एक व्हिडीओ सोशल मीडियावर तुफान व्हायरल होतोय, त्यावर अभिनेते किरण माने यांनी पोस्ट केलीय.
Kiran Mane Post On Jahnavi Killekar Dahi Handi Viral Video: मराठी अभिनेते (Marathi Actor) आणि ठाकरे गटाचे नेते किरण माने (Kiran Mane) नेहमीच आपल्या परखड आणि रोखठोक भूमिकांसाठी ओळखले जातात. सामाजिक, राजकीय अशा विविध विषयांवर ते आपलं मत मांडत असतात. अशातच, नुकताच राज्यभरात दहीहंडी (Dahi Handi 2026) उत्सव मोठ्या उत्साहात साजरा करण्यात आलाय. कित्येक उत्सवांदरम्यानचे धम्माल व्हिडीओ सोशल मीडियावर तुफान व्हायरल झालेत. अशातच काही राजकीय नेतेमंडळींनी आयोजित केलेल्या दहीहंडी सोहळ्यातील अनेक व्हिडीओही सोशल मीडियावर मोठ्या प्रमाणात व्हायरल होत आहेत. त्यापैकी एक व्हिडीओ सोशल मीडियावर शेअर करुन किरण मानेंनी एक पोस्ट लिहिलीय, जी सध्या तुफान चर्चेत आहे.
सोशल मीडियावर दहीहंडी सोहळ्याचा एक व्हिडीओ तुफान चर्चेत आहे. या व्हिडीओमध्ये दहीहंडीच्या एका कार्यक्रमात मराठीतली नावाजलेली अभिनेत्री जान्हवी किल्लेकर (Marathi Actress Jahnavi Killekar) आणि रिलस्टार प्रणाली सूर्यवंशी (ReelStar Pranali Suryavanshi) एकाच मंचावर असल्याचं पाहायला मिळतंय. याच व्हिडीओचा संदर्भ देत अभिनेते किरण माने (Actor Kiran Mane) यांनी एक पोस्ट शेअर केली आहे.
बदलत्या काळाची पावलं ओळखता यायला हवीत... पूर्वी… अगदी चार वर्षांपूर्वीपर्यंत मराठीत सिनेमा-टीव्ही कलाकार म्हणजे, सगळ्यात मोठे 'सेलिब्रिटी' मानले जायचे. आज ती जागा 'रीलस्टार्स'नी घेतलीय, असं किरण माने यांनी म्हटलंय.
जान्हवी किल्लेकर आणि रिलस्टार प्रणाली सूर्यवंशीच्या 'तो' VIRAL VIDEO (Janhvi Killekar Reel star Pranali Suryavanshi VIRAL VIDEO)
दहीहंडीमधील एका इव्हेंटला जान्हवी किल्लेकर आणि रीलस्टार प्रणाली सूर्यवंशी यांनी हजेरी लावली होती. सोशल मीडियावर हा व्हिडीओ तुफान व्हायरल झालेला. दहीहंडीच्या त्या कार्यक्रमातील हा व्हिडीओ सोशल मीडियावर व्हायरल झाल्यानंतर चर्चांना उधाण आलेलं. या व्हिडीओमध्ये सुरुवातीला जान्हवी माईकवर बोलत असते. त्यानंतर अँकर रीलस्टार प्रणाली सूर्यवंशी हिला माईकचा ताबा घ्यायला सांगतो. तेव्हा जान्हवी किल्लेकर चिडल्याचं दिसतंय. सोशल मीडियावर हा व्हिडीओ तुफान व्हायरल होतोय. हा व्हिडीओ व्हायरल झाल्यानंतर किरण मानेंनी त्या संदर्भात पोस्ट शेअर केली आहे.
किरण माने यांनी फेसबुक पोस्टमध्ये काय म्हटलंय? (Kiran Mane Facebook Post)
मराठी अभिनेते किरण माने यांनी फेसबुक पोस्टमध्ये म्हटलंय की, "बदलत्या काळाची पावलं ओळखता यायला हवीत. पूर्वी… अगदी चार वर्षांपूर्वीपर्यंत मराठीत सिनेमा-टीव्ही कलाकार म्हणजे, सगळ्यात मोठे 'सेलिब्रिटी' मानले जायचे. आज ती जागा 'रीलस्टार्स'नी घेतली आहे. हल्ली लोकांना सिनेकलाकारांपेक्षा रीलस्टार्सचे डायलॉग ऐकायचे असतात. रीलस्टार्सना बघायचं असतं. दहीहंडीसारख्या कार्यक्रमांना मराठी कलाकारांपेक्षा रीलस्टार्स, टीव्ही-सिनेमाच्या हिरोइन्सपेक्षा गौतमीसारखे डान्सर्स जास्त मानधन घेऊ लागलेत..."
"नांदेड सिटीच्या दहीहंडी कार्यक्रमात आमच्या 'बिग बॉस' फेम जान्हवीपेक्षा लोकांना रीलस्टार प्रणाली सूर्यवंशीचं जास्त अप्रूप होतं… हे एक प्रातिनिधिक उदाहरण!", असं किरण माने यांनी म्हटलंय.
पुढे बोलताना किरण माने म्हणालेत की, "हे योग्य आहे की अयोग्य, या चर्चा होत रहातील. कोण म्हणेल मराठी कलाकारांचा आणि कलाकृतीच्या विषयांचा सर्वसामान्य प्रेक्षकांच्या जगण्याशी 'कनेक्ट' नाही. कोण म्हणेल हल्ली जेन झी मराठी सिरियल सिनेमे बघतच नाही. कोण म्हणेल सुमारांची सद्दी.. पण या चर्चा भाकड आहेत. त्याने परिस्थिती बदलणार नाही. काळ बदलतोय. लोकांचे 'चॉईसेस' बदलतायत. विशेषतः मराठी टीव्ही-सिनेमाचं ग्लॅमर झाकोळलं गेलं आहे. कारणं अनेक असतील. पण जे आहे, ते आहे..."
महत्त्वाच्या इतर बातम्या :
महत्त्वाच्या बातम्या
