Hardik Pandya-Natasa Stankovic : विश्वचषक जिंकल्यानंतर हार्दिक पांड्या (Hardik Pandya) सध्या त्याच्या वैयक्तिक आयु्ष्यामुळे बराच चर्चेत आलाय. नताशा (Natasa Stankovic) आणि त्याच्यामध्ये काहीच अलबेल नसल्याच्या बातम्या वारंवार समोर येतायत. त्यातच त्यांच्या सोशल मीडियावरच्या पोस्टमुळे या चर्चांना सारखा दुजोरा दिला जातोय. त्यातच आता त्यांच्या एका जवळच्या मित्राने त्यांच्या नात्याविषयी एक मोठा खुलासा केला आहे. त्यामुळे आता हार्दिक आणि नताशामध्ये सगळंच संपलं असल्याचं म्हटलं जातंय.
टाईम्स नाऊच्या वृत्तानुसार, त्यांच्या एका जवळच्या मित्राने आता त्यांच्या नात्यामध्ये काहीच अलबेल नसल्याचं म्हटलं आहे. त्यामुळे चार वर्षांचा संसार मोडून हार्दिक आणि नताशा खरंच वेगळे होणार का? हा प्रश्न अनेकांना पडला आहे. पण अद्यापही या दोघांनी यावर कोणतंही अधिकृत भाष्य केलेलं नाही.
मित्राचा मोठा खुलासा
हार्दिक आणि नताशाच्या जवळच्या मित्राने म्हटलं की, हार्दिक आणि नताशा दोघांना पॅचअप कराचयं नाहीये. दोघांनाही त्यांच्यातले वाद मिटवायचे नाहीत. हार्दिकच्या काही गोष्टींवर नताशा प्रचंड नाराज आहे. पण तिलाही हे नात पुन्हा जोडावं अशी इच्छा नाही. पण येणाऱ्या काळात काय होईल कुणीच सांगू शकत नाही. पण आताच्या परिस्थितीमध्ये हार्दिक आणि नताशा हे दोघेही त्यांच्यातले वाद मिटवू इच्छित नाही. कदाचित त्या दोघांमधलं नातं आता संपलं आहे.
हार्दिक-नताशाच्या सोशल मिडिया पोस्टमुळे चर्चांना दुजोरा
दरम्यान हार्दिक आणि नताशाच्या सोशल मीडियावरील पोस्टमुळे त्यांच्यातील घटस्फोटाच्या चर्चांना दुजोरा दिला जातोय. कारण विश्वचषक जिंकल्यानंतर हार्दिकने फक्त त्याच्या मुलासोबतची पोस्ट टाकली. त्यावर त्याने त्याचा मुलासोबत फोटो पोस्ट करत त्यावर म्हटलं की, माझं सगळं काही, मी जे काही करतो, ते फक्त तुझ्यासाठी असतं.
तसेच हार्दिकच्या विजयानंतर नताशाने त्याच्यासाठी एकही पोस्ट टाकली नाही. पण काही दिवसांपूर्वी तिने केलेल्या पोस्टमुळे तिने देखील त्यांच्या घटस्फोटाच्या चर्चांना दुजोरा दिला असल्याचं म्हटलं जातंय. त्या पोस्टमध्ये नताशाने म्हटलं होतं की, 'माझ्याकडून तुमच्यासाठी एक जेंटल रिमायंडर, देवाने लाल समुद्र कधीही हटवला नाही. त्याने त्याचं विभाजन केलं. याचाच अर्थ असा की, तुमच्या आयु्ष्यातल्या अडचणी देव काढून टाकणार नाही, पण तो त्यातून मार्ग नक्कीच काढेल.'