‘धुरंधर’चा जलवा थेट फिनलंडच्या राष्ट्राध्यक्षांपर्यंत! लेकाच्या सांगण्यावरून पाहिला चित्रपट, भारतात येताच म्हणाले..
ट्रेलरला अवघ्या 7 तासांत 14.7 मिलियन व्ह्यूज मिळाले आहेत. ट्रेलरमध्ये रणवीर सिंह याच्या जसकीरत सिंह रांगी ते हमजा या प्रवासाची झलक दाखवण्यात आली आहे.
Finland President On Dhurandhar: भारतातच नव्हे तर परदेशातही ‘धुरंधर’ चित्रपटाची चर्चा सुरू आहे. फिनलंडचे राष्ट्राध्यक्ष अलेक्सझानडर स्टब यांनी भारत दौऱ्यापूर्वी हा चित्रपट पाहिल्याचं सांगितलं आहे. विशेष म्हणजे त्यांनी आपल्या मुलाच्या सांगण्यावरून हा चित्रपट पाहिला आणि त्यानंतर त्याचं कौतुकही केलं. अलेक्झांडर स्टब हे 4 ते 7 मार्च 2026 दरम्यान भारताच्या राजकीय दौऱ्यावर आले होते. या दौऱ्यात त्यांनी भारताचे पंतप्रधान नरेंद्र मोदी यांची भेट घेतली. या भेटीदरम्यान ‘धुरंधर’ चित्रपटाबद्दलही चर्चा झाली. स्टब यांनी चित्रपटाची प्रशंसा करत 19 मार्चला प्रदर्शित होणाऱ्या ‘धुरंधर 2’बद्दल उत्सुकता व्यक्त केली.
मुलाच्या सांगण्यावरून पाहिला चित्रपट
एएनआयला दिलेल्या मुलाखतीत अलेक्झांडर स्टब म्हणाले,“भारताला येण्यापूर्वी माझ्या मुलाने मला ‘धुरंधर’ पाहण्याचा सल्ला दिला. त्यानंतर मी तो चित्रपट पाहिला. त्यातील कथा आणि दहशतवादाविरोधातील लढ्याचा भाग मला खूप रोचक वाटला. आता 19 मार्चला येणाऱ्या सीक्वलची मी वाट पाहत आहे.” असही टे म्हणाले.
FINLAND President Alexander Stubb praises DHURANDHAR movie and says he was part of the narrative of fighting TERRORISM and he is looking for the sequel DHURANDHAR 2
— Sheetal Chopra 🇮🇳 (@SheetalPronamo) March 7, 2026
Burnol moment for many 😝😝 pic.twitter.com/oMw7meZ7by
‘धुरंधर 2’च्या ट्रेलरने रचला विक्रम
दरम्यान, आदित्य धर दिग्दर्शित ‘धुरंधर 2’चा ट्रेलर नुकताच रिलीज झाला असून त्यानेही विक्रम रचला आहे. ट्रेलरला अवघ्या 7 तासांत 14.7 मिलियन व्ह्यूज मिळाले आहेत. ट्रेलरमध्ये रणवीर सिंह याच्या जसकीरत सिंह रांगी ते हमजा या प्रवासाची झलक दाखवण्यात आली आहे.
पहिल्या भागाची कथा काय होती?
आदित्य धर यांच्या दिग्दर्शनाखाली तयार झालेला ‘धुरंधर’चा पहिला भाग 5 डिसेंबर 2025 रोजी थिएटरमध्ये प्रदर्शित झाला होता. हा चित्रपट त्या वर्षातील सर्वाधिक कमाई करणाऱ्या भारतीय चित्रपटांपैकी एक ठरला. या चित्रपटात रणवीर सिंह याने अंडरकव्हर एजंटची भूमिका साकारली होती. बलुच गुन्हेगारी नेटवर्कमध्ये घुसखोरी करण्यासाठी तो हमजा अली मजारीची ओळख घेतो, अशी या चित्रपटाची कथा आहे. आता 19 मार्चला प्रदर्शित होणाऱ्या ‘धुरंधर 2’कडे प्रेक्षकांचे लक्ष लागले आहे.
धुरंधर 2 चा ट्रेलर वरून यावेळी मोठ्या पडद्यावर रणवीर सिंहाचा दबदबा पाहायला मिळणार असल्याचे स्पष्ट दिसत आहे. धुरंधर : द रिवेंज हा चित्रपट 19 मार्च रोजी चित्रपटगृहांमध्ये प्रदर्शित होणार आहे. विशेष म्हणजे या चित्रपटाचा 18 मार्चला पेड प्रिव्हदेखील ठेवण्यात आला असून त्यालाही प्रेक्षकांचा उत्स्फूर्त प्रतिसाद मिळत आहे. आता बॉक्स ऑफिसवर धुरंधर : द रिवेंज किती कोटींचा विक्रम करतो याकडे सर्वांचे लक्ष लागले आहे.
महत्त्वाच्या बातम्या
