Priydarshan on bhoot bangla: अक्षय कुमारच्या 'भूत बंगला' या चित्रपटाची प्रेक्षक आतुरतेने वाट पाहत आहेत. या चित्रपटातून अक्षय कुमारचा कॉमेडी अवतार प्रेक्षकांना पाहायला मिळणार आहे. फिल्ममेकर प्रियदर्शन आणि अक्षय कुमारची जोडी 16 वर्षांनी पुन्हा एकत्र पाहायला मिळणार आहे. विनोदाचा मास्टर म्हणून ओळखला जाणारा दिग्दर्शक प्रियदर्शन एका हिट विनोदी चित्रपटाच्या शोधात होता. आता अक्षय कुमार आणि त्यानं भूत बंगला हा चित्रपट तयार केला आहे. हा चित्रपट जर प्रेक्षकांच्या पसंतीस उतरला नाही तर, प्रियदर्शन यांनी मोठा निर्णय घेणार असल्याचं जाहीर केलं.
भूत बंगला चित्रपटाचा टीझर रिलीज झाला. तब्बल 16 वर्षांनी अक्षय कुमार आणि प्रियदर्शनची क्लासिक कॉमेडी पाहून प्रेक्षकांना आनंद झाला. टीझर प्रदर्शित झाल्यापासून, या चित्रपटाची कथा नेमकी आहे तरी काय? असा प्रश्न उपस्थित होत आहे. अलिकडेच दिलेल्या मुलाखतीत प्रियदर्शनने या चित्रपटाविषयी माहिती दिली. तसेच हा चित्रपट चालला नाही तर, मोठा निर्णय घेणार असल्याचं जाहीर केलं. प्रियदर्शनने अलिकडेच मुलाखत दिली. या मुलाखतीत त्यानं सांगितलं की, 'भूल भलैया चित्रपटानंतर अनेक लोकांनी हॉरर कॉमेडी चित्रपट तयार करण्यास सुरुवात केली. तो तेव्हा एक ट्रेंड बनला होता. त्यामुळे भूत बंगला चित्रपट तयार करण्यासाठी कोणतीही आयडिया शिल्लक नव्हती', असं फिल्ममेकर प्रियदर्शन यांनी स्पष्ट केलं.
'भूल भूलैया या हॉरर कॉमेडी जॉनर चित्रपटानंतर, पुढे कोणता चित्रपट तयार करायचा? किंवा कोणत्या जॉनरवर चित्रपट तयार करावा? याबाबत माझ्याकडे कोणतीही कल्पना शिल्लक नव्हती', असं प्रियदर्शन यांनी स्पष्ट केलं. 'जेव्हा भूत बंगला या चित्रपटासाठी मी काम करत होतो, तेव्हा मी विचार केला की, मी आणखी काय नवीन तयार करु? तेव्हा फॅन्टसी - कॉमेडी चित्रपट तयार करूयात असा मनात विचार आला', असं प्रियदर्शन यांनी सांगितलं.
'लोक काळी जादू आणि भूतांवर विश्वास ठेवतात. अंधश्रद्धा आणि काही लोककथा देखील आहेत. आम्ही एक इंग्लिश वेअरवुल्फसारखा चित्रपट बनवण्याचा प्रयत्न केला. ज्यामध्ये विनोद देखील आहे. सगळ्या कॉम्बिनेशनचा वापर करुन भूत बंगला तयार करण्यात आला आहे', असं प्रियदर्शन म्हणाले. 'मला आशा आहे की लोकांना भूत बंगला हा चित्रपट नक्की आवडेल. लोक माझा विचार स्वीकारतील. जर हा चित्रपट चांगला चालला तर, मला थोडा अधिक आत्मविश्वास मिळेल. अन्यथा मी गुडबाय म्हणेन. एक डायरेक्टर नेहमी सामान्य लोकांच्या विचारांच्या एक पाऊल पुढे असतो. जर, प्रेक्षक तुम्हाला नाकारू लागले तर, तिथेच थांबा, तोपर्यंत पुढे जात रहा', असं प्रियदर्शन म्हणाले.