Fighter Collection Day 5 : सिद्धार्थ आनंदच्या फायटरने बॉक्स ऑफिसवर 240 कोटींचा टप्पा पार केलाय. जगभरातील प्रेक्षकांचा सिनेमाला तुफान प्रतिसाद मिळत आहे. बॉक्स ऑफिसच्या अहवालांनुसार, फायटरच्या दमदार पदार्पणानंतर त्याने बॉक्स ऑफिसवर बक्कळ कमाई केली आहे. चित्रपटाची आकर्षक कथा प्रेक्षकांना मोहित करून गेली आहे. देशांतर्गत कलेक्शन 132 कोटींच्या पुढे गेलं असून आंतरराष्ट्रीय दर्शकांसोबतही चित्रपटाला 240 कोटीचा टप्पा पार केलाय.
26 जानेवारीच्या पूर्वसंध्येला झाला होता रिलीज
सिद्धार्थ आनंद दिग्दर्शित केलेल्या फायटरमध्ये अभिनेत हृतिक रोशन, दीपिका पदुकोण आणि अनिल कपूर प्रमुख भूमिकेत आहेत. Marflix Pictures आणि Viacom18 Studios संयुक्त विद्यमाने सिनेमाची निर्मिती करण्यात आली आहे. फायटरमध्ये (Fighter) नौदलाच्या समर्पणाबाबत आणि त्यागाबाबत भाष्य करण्यात आले आहे. 26 जानेवारीच्या पूर्वसंध्येला देशभक्तीवर आधारित सिनेमा रिलीज झाला होता. फायटरच्या पत्रकार परिषदेतील आणि स्क्रीनिंगचे फोटो सोशल मीडियावर तुफान व्हायरल झाले होते.
पठाणनंतर फायटरचीही बक्कळ कमाई
सिद्धार्थ आनंदचा पठाण हा सिनेमा गेल्या वर्षी प्रेक्षकांच्या भेटीला आला होता. सिनेमानी बॉक्स ऑफिसवर बक्कळ कमाई केली होती. दीपिकाच्या बिकनीमुळे पठाण वादाच्या भोवऱ्यातही सापडला होता. पठाणनंतर आता फायटर देखील बंप्पर कमाई करताना दिसत आहे.
पहिल्या आठवड्यात 100 कोटींचा टप्पा केला होता पार
अभिनेता हृतिक रोशन आणि अभिनेत्री दीपिका पादुकोण यांचा 'फायटर' हा सिनेमा प्रेक्षकांच्या पसंतीस उतरलाय. रिलीजच्या पहिल्या आठवड्यातच या सिनेमाने 100 कोटींचा टप्पा पार केला होता 'फायटर'ला प्रेक्षकांचा सकारात्मक प्रतिसाद मिळत आहे. त्यानंतर आता सिनेमा 250 कोटींचा टप्पा पार करणार असल्याचे बोलले जात आहे. मात्र, सिनेमाला मिळणारा प्रतिसाद काही ठिकाणी कमी होताना देखील दिसला आहे. त्यामुळे सिनेमा काळात आणखी किती गल्ला कमावणार याकडे सर्वांचे लक्ष आहे.
इतर महत्वाच्या बातम्या