Amane Samne Natak Tejas Raut Rujuta Dharap: 'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

'महाराष्ट्र एपस्टिन फाईल्स' चित्रपटातील गूढ उकललं, अशोक खरातच्या भूमिकेतील अभिनेत्याचा चेहरा समोर आला, ओळखलं का कोण?

एबीपी माझा एंटरटेनमेंट डेस्क — Sat, 31 Oct 2026 08:27:54 +0530

Maharashtra Epstein Files Manoj Joshi Plays Role Of Ashok Kharat: महाराष्ट्राचं राजकारण (Maharashtra Politics) हादरवणाऱ्या घटनांवर प्रकाश टाकणाऱ्या एका सिनेमाची गेल्या कित्येक दिवसांपासून चर्चा रंगलेली. अगदी राजकीय वर्तुळापासून ते थेट सर्वसामान्यांपर्यंत सर्वांनाच या सिनेमाची उत्सुकता लागून राहिली आहे. हा सिनेमा म्हणजे, 'महाराष्ट्र एपस्टिन फाईल' (Maharashtra Epstein Files). सिनेमाची घोषणा झाल्यापासूनच याबाबतची उत्सुकता ताणली गेली होती. काही महिन्यांपूर्वी नाशिकमधील (Nashik News) एका भोंदू बाबाचं प्रकरण समोर आलेलं, त्यात अनेक राजकीय दिग्गजांचीही नावं समोर आलेली. प्रकरणात अनेक खळबळजनक खुलासे होत असतानाच अचानक याच विषयावरच्या सिनेमाची घोषणा करण्यात आली आणि एकच खळबळ माजली. तेव्हापासूनच या प्रकरणात समोर आलेल्या राजकीय भूमिका कोण साकारणार? या चर्चा सुरू होत्या. तसेच, खळबळजनक प्रकरणातील भोंदूबाब अशोक खरात (Ashok Kharat Case) याच्या भूमिकेत कोण झळकणार? याबाबतही उत्सुकता होती. एक-एक करुन सिनेमाचे (Maharashtra Epstein Files Movie) पोस्टर रिलीज करुन राजकीय भूमिकांबाबतचं गूढ उडगडण्यात आलं. पण, भोंदूबाबा अशोक खरात याच्या भूमिकेबाबत मात्र, कमालीची गुप्तता पाळण्यात आलेली. अनेकांनी तर्क-वितर्क लावले, पण कुणालाच काही कळलं नाही. अखेर आता मेकर्सनीच या भूमिकेचं गूड उलगडलं आहे. दिग्गज अभिनेता सिनेमात भोंदूबाबा अशोक खरात याची भूमिका साकारणार असल्याचं समोर आलं आहे.

सर्वसामान्यांपासून अगदी राजकीय वर्तुळात खळबळ माजवणाऱ्या 'महाराष्ट्र एपस्टिन फाईल्स' सिनेमात भोंदूबाबा अशोक खरात याची भूमिका बॉलिवूडसोबतच (Bollywood News) मराठी सिनेसृष्टी (Marathi Film Industry) गाजवणारे दिग्गज अभिनेते मनोज जोशी (Actor Manoj Joshi) साकारणार असल्याचं जाहीर करण्यात आलं आहे. महाराष्ट्राच्या राजकीय आणि सामाजिक वर्तुळात मोठी खळबळ उडवणाऱ्या अशोक खरात प्रकरणावर आधारित या सिनेमातील भूमिकांबाबत कमालीची गुप्तता पाळण्यात आलेली, पण अखेर बऱ्याच महत्त्वाच्या भूमिकांबाबत मेकर्सनी पोस्टर जाहीर करुन माहिती दिली आहे.

View this post on Instagram

A post shared by Shwari 🦋 (@shwari_anchor)

नाशिकच्या अशोक खरात प्रकरणावरचा सिनेमा (Film On Nashik Ashok Kharat Case)

नाशिकमधील अशोक खरात प्रकरणानं महाराष्ट्राच्या राजकारणात आणि सामाजिक क्षेत्रात मोठी खळबळ उडवली होती. स्वतःकडे दैवी शक्ती असल्याचं भासवत महिलांची फसवणूक आणि लैंगिक शोषण केल्याचे गंभीर आरोप अशोक खरातवर करण्यात आलेत. या प्रकरणाच्या तपासादरम्यान अनेक महत्त्वाच्या बाबी समोर आल्यानं राज्यभर या प्रकरणाची चर्चा झाली. या प्रकरणाशी संबंधित राजकीय व्यक्तींसोबतचे काही फोटोही समोर आले होते. त्यामुळे राजकीय वर्तुळात आरोप-प्रत्यारोपांना सुरुवात झालेली. भोंदूबाबा अशोक खरातचे सर्व कारनामे समोर आल्यानंतर, त्याच्या मुसक्या आवळण्यात आल्या असून तो अटकेत आहे. सध्या हे प्रकरण न्यायप्रविष्ठ आहे.

मनोज जोशी साकारणार अशोक खरात... (Actor Manoj Joshi Plays Role Of Ashok Kharat)

दिग्गज अभिनेते मनोज जोशी यांनी हिंदी, मराठी, गुजराती, पंजाबी आणि मल्याळम सिनेसृष्टीत काम केलंय. त्यांनी विविध प्रकारच्या, लहान आणि मोठ्या, भूमिका साकारून प्रेक्षकांच्या हृदयात स्वतःचं स्थान निर्माण केलंय. अशातच राजकारण ढवळून काढणाऱ्या अशोक खरात प्रकरणावरच्या सिनेमात मनोज जोशी मुख्य भूमिकेत झळकणार आहेत. 'महाराष्ट्र एपस्टिन फाईल्स'चा (Maharashtra Epstein Files) ट्रेलर पाहून त्यांची देहबोली तर अशोक खरातसारखीच आहे, असंच दिसत असल्याचं नेटकऱ्यांनी कमेंटमध्ये म्हटलंय. अशातच बऱ्यापैकी स्टारकास्ट रिवील करण्यात आल्यामुळे या सिनेमाबाबतची उत्सुकता आणखी ताणली गेली आहे.

दिपाली सय्यद, सुबोध भावेही महत्त्वाच्या भूमिकेत (Dipali Sayed, Subodh Bhave Plays Important Roles)

अभिनेत्री, नृत्यांगना दीपाली सय्यद (Dipali Sayyed) यांनी आजवर विविधांगी भूमिका साकारल्यात. अशातच आता त्या आणखी एका आव्हानात्मक भूमिकेत झळकणार आहेत. 'महाराष्ट्र एपस्टिन फाईल'मध्ये दिपाली सय्यद मुख्य भूमिकेत झळकणार आहेत. ही भूमिका अशोक खरात प्रकरणात नाव आलेल्या, रुपाली चाकणकरांची असल्याचं बोललं जातंय. तसेच, या सिनेमाच सुबोध भावेही झळकणार आहे. सुबोध भावे या सिनेमात मुख्यमंत्री देवेंद्र फडणवीसांच्या भूमिकेत दिसणार असल्याचं बोललं जातंय. दरम्यान, 'महाराष्ट्र एपस्टिन फाईल्स' हा सिनेमा 20 नोव्हेंबर रोजी प्रदर्शित केला जाणार आहे.

IIFA Awards 2026 Bollywood: 'धुरंधर'च्या वादळात दिग्गजही झुकले, रणवीर सिंह बेस्ट अ‍ॅक्टर, विक्की कौशलचा 'छावा'ही दमदार; IIFA Awards मध्ये कुणाकुणाला बहुमान?

एबीपी माझा एंटरटेनमेंट डेस्क — Sat, 31 Oct 2026 07:20:00 +0530

IIFA Awards 2026 Bollywood: इंटरनेशनल इंडियन फिल्म एकेडमी (IIFA) अवार्ड्सच्या 26 व्या आवृत्तीची घोषणा करण्यात आली. शुक्रवारी, IIFA नं आपल्या इंस्टाग्राम अकाउंटद्वारे विजेत्यांची नावं जाहीर केली. 'धुरंधर 2' (Dhurandhar 2) सिनेमानं अनेक कॅटेगरींमध्ये विजय मिळवत आपली विशेष छाप पाडली. तसेच, आर्यन खानची 'द बॅड्स ऑफ बॉलीवूड' (The Bads of Bollywood) ही सीरिजही बरीच चर्चेत राहिली.

'धुरंधर', 'छावा' आणि 'सैयारा'चा जलवा

विजेत्यांमध्ये, आदित्य धर दिग्दर्शित आणि रणवीर सिंह अभिनीत 'धुरंधर' या स्पाय ॲक्शन ड्रामानं दमदार कामगिरी करत अनेक पुरस्कार पटकावले. याव्यतिरिक्त, 'सैयारा' आणि 'छावा' सिनेमांनीही अनेक पुरस्कार जिंकले.

सर्वोत्कृष्ट अभिनेता आणि अभिनेत्री

आयएफएफए (IFFA) पुरस्कारांमध्ये, 'धुरंधर' सिनेमासाठी रणवीर सिंहला 'सर्वोत्कृष्ट अभिनेता' म्हणून, तर 'सैयारा' सिनेमासाठी अनित पड्डाला 'सर्वोत्कृष्ट अभिनेत्री' म्हणून गौरविण्यात आलंय.

विनर्सची लिस्ट

बेस्ट फिल्म: धुरंधर (ज्योति देशपांडे, आदित्य धर, लोकेश धर)
बेस्ट अंतर्राष्ट्रीय फिल्म: अवतार: फायर एंड ऐश (20वीं सेंचुरी स्टूडियो, जॉन लँडौ, जेम्स कॅमरून)
बेस्ट डायरेक्टर: आदित्य धर - धुरंधर
बेस्ट लीड एक्ट्रेस: अनीत पड्डा - सैयारा
बेस्ट लीड एक्टर: रणवीर सिंह - धुरंधर
बेस्ट मेल डेब्यू: अहान पांडे - सैयारा
बेस्ट फीमेल डेब्यू: राशा थडानी - आजाद
बेस्ट एक्ट्रेस (सहायक भूमिका): हुमा कुरेशी - जॉली एलएलबी 3
बेस्ट एक्टर (सहायक भूमिका): संजय दत्त - धुरंधर
नेगेटिव रोल में बेस्ट एक्टर: अक्षय खन्ना - धुरंधर
बेस्ट म्युझिक डायरेक्टर: शाश्वत सचदेव - धुरंधर
सर्वश्रेष्ठ कथा: आदित्य धर - धुरंधर
सर्वश्रेष्ठ कथा: होमबाउंड (बशारत पीर, सुमित रॉय, नीरज घेवान )
बेस्ट सॉन्ग: इरशाद कामिल - सैयारा
बेस्ट प्लेबॅक सिंगर (मेल): फहीम अब्दुल्ला - सैयारा
बेस्ट प्लेबॅक सिंगर (महिला): श्रेया घोषाल - सैयारा (रीप्राइज)

टेक्निकल अवॉर्ड्स

बेस्ट सिनेमैटोग्राफी: विकाश नौलखा - धुरंधर
सर्वश्रेष्ठ पटकथा: आदित्य धर - धुरंधर
बेस्ट डायलॉग: आदित्य धर-धुरंधर
बेस्ट एडिटिंग: शिवकुमार वी. पणिक्कर - धुरंधर
बेस्ट कोरियोग्राफी: बॉस्को लेस्ली मार्टिस - आवन जावन, वॉर 2
बेस्ट साउंड डिझाइन: बिश्वदीप चटर्जी - धुरंधर
बेस्ट बॅकग्राउंड स्कोर: ए आर रहमान - छावा
बेस्ट विजुअल इफेक्ट्स: असेम्बलेज एंटरटेनमेंट, रिडिफाइन- छावा

डिजिटल फिल्म कॅटेगरी

बेस्ट पिक्चर – बारामुला
बेस्ट स्टोरी (ओरिजिनल) – बारामूला
बेस्ट डायरेक्शन – 'स्टोलन' करण तेजपाल
बेस्ट लीड परफॉर्मेंस (मेल) – अभिषेक बनर्जी ('स्टोलन')
बेस्ट परफॉर्मेंस (मुख्य भूमिका - महिला) – सान्या मल्होत्रा ('मिसेज')

डिजीटल सीरीज कॅटेगरी

बेस्ट सीरीज – 'द बॅड्स ऑफ बॉलिवूड'
बेस्ट डायरेक्शन – आर्यन खान ('द बॅड्स ऑफ बॉलिवूड')
बेस्ट परफॉर्मेंस (सहायक भूमिका - पुरुष) – राघव जुयाल ('द बॅड्स ऑफ बॉलिवूड')
बेस्ट परफॉर्मेंस (सपोर्टिंग रोल- फीमेल)-आन्या सिंह (द बॅड्स ऑफ बॉलिवूड)
बेस्ट परफॉर्मेंस (लीड- मेल)- जयदीप अहलावत ('पाताल लोक 2')
बेस्ट एक्ट्रेस (लीड) – तिलोत्तमा शोम (पाताल लोक 2)
बेस्ट डॉक्यूसीरीज/डॉक्यूफिल्म: द रोशन (नेटफ्लिक्स, राकेश रोशन और शशि रंजन)
बेस्ट रियलिटी/नॉन-स्क्रिप्टेड: द ट्रेटर्स (प्राइम वीडियो )

दरम्यान, आयफा (IIFA) ची 27 वी आवृत्ती मूळतः 2026 मध्ये आयोजित करण्याचं नियोजित होतं, पण आता ती जानेवारी 2027 मध्ये अबू धाबीमधील यास बेटावरील एतिहाद एरिना (Etihad Arena) इथे पार पडेल.

Roja Actress Vatsala Rajagopal Passes Away: बॉलिवूडवर दुःखाचा डोंगर, 'रोजा' फेम अभिनेत्री वत्सला राजगोपाल यांचं निधन

एबीपी माझा एंटरटेनमेंट डेस्क — Sat, 31 Oct 2026 06:44:22 +0530

Roja Actress Vatsala Rajagopal Passes Away: बॉलिवूडवर (Bollywood News) दुःखाचा डोंगर कोसळला असून अख्खी सिनेसृष्टी शोकसागरात बुडाली आहे. 'रोजा' फेम ज्येष्ठ अभिनेत्री वत्सला राजगोपाल (Actress Vatsala Rajagopal) यांचं शुक्रवारी, 30 ऑक्टोबर रोजी चेन्नई (Chennai) इथे निधन झालं. वयाच्या 93 व्या वर्षी त्यांनी अखेरचा श्वास घेतला. तमिळ माध्यमांमधील वृत्तांनुसार, वृद्धापकाळानं त्यांची प्रकृती खालावली होती, बराच काळ व्याधींशी झुंज दिल्यानंतर अखेर त्यांनी जगाचा निरोप घेतला. अभिनेत्री वत्सला राजगोपाल यांचं पार्थिव चेन्नईतील पल्लावरम इथल्या त्यांच्या निवासस्थानी अंत्यदर्शनासाठी ठेवण्यात आलंय.

'रोजा', 'अनियन', 'सती लीलावती' आणि 'मोळी' यांसारख्या सुपरहिट सिनेमांतून अभिनय करणाऱ्या ज्येष्ठ तमिळ अभिनेत्री वत्सला राजगोपाल यांच्या जाण्यानं सिनेसृष्टीवर दुःखाचा डोंगर कोसळला आहे. केवळ रुपेरी पडदाच नाहीतर वत्सला यांनी टेलिव्हिजनच्या पडद्यावरही आपल्या अभिनयाची छाप सोडली.

वयाच्या 60 व्या वर्षी 'रोजा' सिनेमातून पदार्पण (Roja Actress Vatsala Rajagopal Death News)

वत्सला राजगोपाल यांचा जन्म 1933 मध्ये तिरुवनंतपुरम इथे झाला. त्यांनी वयाच्या 60 व्या वर्षी आपल्या अभिनय कारकिर्दीला सुरुवात केली आणि मणिरत्नम यांच्या 'रोजा' या सुपरहिट सिनेमातून पदार्पण केलं. 1992 मध्ये प्रदर्शित झालेल्या या सिनेमात, वत्सला यांनी अभिनेत्री मधू हिच्या पात्राच्या आजीची भूमिका साकारली होती. या सिनेमात अरविंद स्वामी यांनीही मधू यांच्यासोबत एक महत्त्वाची भूमिका निभावली होती.

कधीकाळी केलेलं क्लर्क म्हणून काम

वत्सला यांना लहानपणापासूनच अभिनयाची आवड होती. शालेय जीवनापासूनच त्या नाटक आणि नृत्याकडे आकर्षित झाल्या होत्या. अभिनेत्री होण्यापूर्वी, त्यांनी चेन्नईमधील 'अकाउंटंट जनरल'च्या कार्यालयात क्लर्क म्हणून काम केलं होतं.

400 हून अधिक सिनेमांत केलंय काम

तमिळ सिनेसृष्टीत वत्सला राजगोपाल हे एक सुप्रसिद्ध नाव होतं. 'रोजा' सिनेमाव्यतिरिक्त, 'धाम धूम', 'मोझी', 'सती लीलावती', 'रिदम', 'विनर', 'अनियन', 'पट्टियल' आणि 'कल्याण समायल सादम' यांसारख्या सिनेमांतील आपल्या अभिनयानं त्यांनी प्रेक्षकांची मनं जिंकली. तीन दशकांच्या आपल्या कारकिर्दीत वत्सला यांनी 400 हून अधिक सिनेमांत काम केलं. या प्रवासात त्यांना अनेक दिग्गज अभिनेते आणि सिनेनिर्मात्यांसोबत काम करण्याची संधी मिळाली.

टेलिव्हिजनचा पडदाही गाजवला

सिनेसृष्टीत स्वतःची एक वेगळी ओळख निर्माण करण्यासोबतच, वत्सला राजगोपाल छोट्या पडद्यावरही सक्रिय होत्या. 'चिथी', 'आनंदम', 'कधई नेरम', 'मुंधनाई मुदिचू', 'आडुगिरन कन्नन', 'काधल पगादाई', 'मगल' आणि 'वसंतम' यांसारख्या दूरदर्शन मालिकांमधील आपल्या अभिनयाद्वारे या दिवंगत अभिनेत्रीने आपली छाप पाडली.

Shraddha Kapoor Eetha Trailer Release: 'महाराष्ट्राची शान, लावणीचा अभिमान... विठाबाई...'; अंगावर शहारे आणणारा श्रद्धा कपूरच्या 'ईठा'चा ट्रेलर, दमदार डायलॉग्स अन् म्युझिक, Trailer

एबीपी माझा एंटरटेनमेंट डेस्क — Fri, 30 Oct 2026 15:07:44 +0530

Shraddha Kapoor Eetha Trailer Release: बॉलिवूडची (Bollywood News) चुलबुली अभिनेत्री म्हणजे, श्रद्धा कपूर (Shraddha Kapoor) सध्या तिच्या 'ईठा' (Eetha) या आगामी सिनेमामुळे चर्चेत आहे. काही दिवसांपूर्वी सिनेमाचा टीझर रिलीज करण्यात आलेला. त्यानंतर श्रद्धा कपूरच्या 'ईठा' सिनेमाची जोरदार चर्चा रंगलेली. 'ईठा' सिनेमा 'तमाशासम्राज्ञी' विठाबाई नारायणगावकर यांच्या जीवनावर आधारित आहे. खरं तर, हा सिनेमा ऑगस्ट महिन्यात साऊथ सुपरस्टार यश स्टारर 'टॉक्सिक' (Toxic) सोबत रिलीज केला जाणार होता. पण, निर्मात्यांनी रिलीज डेट पुढे ढकलण्याचा निर्णय घेतला आणि आता हा सिनेमा डिसेंबरमध्ये रिलीज करण्यात येणार आहे. अशातच, आता मेकर्सनी 'ईठा'चा दमदार ट्रेलर रिलीज केला आहे.

'ईठा' (Eetha) सिनेमा 'तमाशासम्राज्ञी' (Tamashasamradnyi) विठाबाई नारायणगावकर (Vithabai Narayangaonkar) यांच्या जीवनावर आधारित आहे. महाराष्ट्रातील लावणी या प्रसिद्ध नृत्यप्रकाराच्या विश्वातील एक उत्तुंग व्यक्तिमत्त्व आणि 'लावणी सम्राज्ञी' म्हणून ओळखल्या जाणाऱ्या विठाबाई या एक दिग्गज कलाकार होत्या. त्यांनी केवळ लावणी आणि तमाशा यांसारख्या पारंपरिक लोककला जिवंतच ठेवल्या नाहीत, तर त्यांना जागतिक स्तरावर नवी ओळखही मिळवून दिलीय. त्यांना राष्ट्रपती पुरस्कारानंही सन्मानित करण्यात आलेलं. त्यांच्याच आयुष्याची गाथा सिनेमाच्या ट्रेलरमधून मांडण्यात आली आहे.

'ईठा'च्या ट्रेलरमध्ये काय पाहायला मिळतं? (Shraddha Kapoor Eetha Trailer)

'ईठा' सिनेमाच्या ट्रेलरची सुरुवात विठाबाईंची भूमिका साकारणाऱ्या श्रद्धा कपूरच्या एका दमदार डायलॉगनं होते. "तुम्हीं ने कहा था ना कि देखते हैं पहले क्या टूटता है? मेरा भरोसा या मेरा घमंड... मेरा भरोसा ही मेरा घमंड था रे, जब वो टूट गया ना, सब टूट गया..."

ट्रेलरमध्ये 'ईठा'चा प्रवास दाखवण्यात आला आहे, ज्यातून तिला एक प्रसिद्ध लावणी आणि तमाशा कलाकार बनण्यासाठी सहन केलेल्या प्रचंड संघर्षाचं दर्शन घडतं. यात झीशान अय्युब यांचा प्रभावी व्हॉइसओव्हरही बॅकग्राउंडला आहे.

'तमाशासम्राज्ञी' विठाबाई नारायणगावकरांबाबत थोडसं...

विठाबाईंचा जन्म महाराष्ट्रातील सोलापूर जिल्ह्यातील पंढरपूर शहरात झाला आणि त्या कलाकारांच्याच कुटुंबात लहानाच्या मोठ्या झाल्या. त्यांचे वडील आणि काका 'भाऊ-बापू मांग नारायणगावकर' नावाची एक मंडळी चालवायचे. या मंडळीची स्थापना विठाबाईंचे आजोबा, नारायण खुडे यांनी केली होती, जे पुणे जिल्ह्यातील शिरूर तालुक्यातील कवठे यमाई गावचे रहिवासी होते. लहानपणापासूनच त्या लावणी, गवळणी ऐकत मोठ्या झाल्या. लहान वयातच त्यांनी लावणी करायला सुरुवात केली. केवळ लावणी आणि तमाशा यांसारख्या पारंपरिक लोककला जिवंतच ठेवल्या नाहीत, तर त्यांनी लावणीला जागतिक स्तरावर नवी ओळखही मिळवून दिलीय.

'ईठा' सिनेमाचा ट्रेलर :

Nivedita Ashok Saraf In Swami Samarth Ardhanarishvara Look: 'स्वामींच्या इच्छेनेच...', निवेदिता सराफ यांनी साकारलं श्री स्वामी समर्थांचं 'अर्धनारीश्वर' रूप, PHOTOs

एबीपी माझा एंटरटेनमेंट डेस्क — Fri, 30 Oct 2026 14:31:16 +0530

Nivedita Ashok Saraf In Swami Samarth Ardhanarishvara Look: 'स्वामींच्या इच्छेनेच...', निवेदिता सराफ यांनी साकारलं श्री स्वामी समर्थांचं 'अर्धनारीश्वर' रूप, PHOTOs

Veen Doghantli Hi Tutena Samar Swananadi Pregnant: 'आपल्याला बाळ होणार...', समर-स्वानंदीच्या आयुष्यात गोड पाहुण्याची चाहुल? 'वीण दोघांतली ही तुटेना' मालिकेत अनोखं वळण, VIDEO

एबीपी माझा एंटरटेनमेंट डेस्क — Fri, 30 Oct 2026 13:37:42 +0530

Veen Doghantli Hi Tutena Samar Swananadi Pregnant: झी मराठीवरची (Zee Marathi) 'वीण दोघांतली ही तुटेना' (Veen Doghatli Hi Tutena) ही मराठी मालिका (Marathi Serial) सध्या टेलिव्हिजन विश्वात तुफान गाजतेय. तेजश्री प्रधान (Tejashree Pradhan) आणि सुबोध भावे (Subodh Bhave) स्टारर मालिकेनं अल्पावधीतच प्रेक्षकांच्या मनात आपलं हक्काचं स्थान निर्माण केलंय. अशातच आता मालिकेत मोठा ट्विस्ट येणार आहे. मालिकेतील नायक, नायिका म्हणजेच, समर-स्वानंदीच्या आयुष्यात आता नवा ट्रॅक येणार आहे. समर-स्वानंदीकडे गूड न्यूज तर नाही? असा प्रश्न मालिकेचा प्रोमो पाहून पडतोय. त्यामुळे आता प्रेक्षकांमध्ये उत्सुकता निर्माण झालीय.

'वीण दोघांतली ही तुटेना' (Veen Doghatli Hi Tutena Marathi Serial) ही मालिका समर आणि स्वानंदी यांच्यातले मतभेत आणि त्यानंतर परिस्थितीमुळे झालेलं त्यांचं लग्न या कथानकासह सुरू झाली. परिस्थितीमुळे झालेल्या लग्नाच्या बंधनात अडकलेले स्वानंदी-समर पुढे जाऊन एकमेकांच्या प्रेमात पडले. आता ते एकमेकांच्या पाठीशी खंबीरपणे उभे राहिलेत. पण, आता बाळाचं काय? काही दिवसांपूर्वी दाखवण्यात आलेल्या ट्रॅकमध्ये बाळावरुन स्वानंदीला बोललं जातं. स्वानंदीला इतर स्त्रियांनी तुझं वय जास्त झालं आहे, त्यामुळे तुला मूल होणार नाही, मंगळागौरीसाठी घरी आलेल्या बायकांकडून असे टोमणे ऐकायला मिळतात. त्यानंतर स्वानंदी दुःखी झाल्याचंही दाखवण्यात आलेलं. पण, त्यानंतर समर तिची समजूत घालतो आणि स्वानंदी शांत होते. पण, आता समर-स्वानंदीच्या आयुष्यात आनंदाचा क्षण येणार, असं दिसतंय.

View this post on Instagram

A post shared by Zee Marathi (@zeemarathiofficial)

नवा प्रोमो झी मराठीच्या सोशल हँडलवरुन शेअर करण्यात आलाय. तो पाहुन स्वानंदीच्या आयुष्यात मातृत्वाची चाहुल लागणार असल्याचं बोललं जातंय.

प्रोमोमध्ये काय दाखवलंय? (Veen Doghatli Hi Tutena Promo)

स्वानंदी रूममध्ये असताना समर रुममध्ये येतो, तेवढ्यात ती त्याच्यापासून काहीतरी लपवते, समर विचारतो काय आहे? पण, स्वानंदी त्याला काही दाखवत नाही आणि तिथून पळून जाण्याचा प्रयत्न करते. तेवढ्यात समर तिला पकडायला तिच्या मागे पळतो आणि स्वानंदीच्या हातून प्रेग्नन्सी किट खाली पडतं...

समर : प्रेग्नन्सी टेस्ट... आपल्याला बाळ होणार आहे?
स्वानंदी : (लाजून म्हणते) असं वाटतंय, टेस्ट करुन बघूयात...

स्वानंदी बाथरुममध्ये निघून जाते. समर रुममध्येच येरझाऱ्या घालत असतो, तो आनंदानं मोहरुन गेल्याचं पाहायला मिळतं... तो स्वतःलाच शांत करण्याचा प्रयत्न करतो. आणि स्वतःलाच म्हणतो, गूड न्यूज घेऊन स्वानंदी समोर येती माझ्या... हा प्रोमो शेअर करताना झी मराठीनं 'स्वानंदी देणार समरला 'गुड न्यूज'...', असं कॅप्शन दिलंय, त्यामुळे सर्वांची उत्सुकता आणखी वाढली आहे.

महत्त्वाच्या इतर बातम्या :

Radhika Apte On God Worship: 'माझा देवावर विश्वास नाही, लोकांनी मूर्तीपेक्षा...'; राधिका आपटेचं देव, श्रद्धा आणि भक्तीवर थेट वक्तव्य, नेमकं काय म्हणाली?

Rakul Preet Singh On Surpanakha Character Ramayana Movie: 'शूर्पणखाबद्दल अनेक गैरसमज... तिच्यामुळेच युद्धाची सुरुवात झाली...'; 'रामायण' सिनेमातल्या भूमिकेवर रकुल प्रीत सिंह थेट वक्तव्य, काय म्हणाली?

एबीपी माझा एंटरटेनमेंट डेस्क — Fri, 30 Oct 2026 12:39:42 +0530

Rakul Preet Singh On Surpanakha Character Ramayana Movie: रणबीर कपूरचा (Ranbir Kapoor) 'रामायण' सिनेमा (Ramayana Movie) सध्या जोरदार चर्चेत आहे. सिनेमाचा पहिला ट्रेलर (Ramayana Movie Trailer) प्रदर्शित झाल्यापासूनच सोशल मीडियावर मोठी चर्चा सुरू झाली. भगवान रामाच्या भूमिकेतील रणबीर कपूर असो किंवा सीतेच्या भूमिकेतील साई पल्लवी (Sai Pallavi), प्रत्येक पात्रानं प्रेक्षकांचं लक्ष वेधून घेतलंय. सिनेमाचे भव्य सेट आणि त्यातील कथा मांडणीबद्दलही लोक आपापली मतं मांडत आहेत. या सर्वांमध्येच एका विशिष्ट पात्रानं चाहत्यांना आश्चर्याचा धक्का दिला आहे, ती म्हणजे शूर्पणखेची भूमिका साकारणारी रकुल प्रीत सिंह (Rakul Preet Singh). ट्रेलरमध्ये दिसलेली तिची छोटीशी झलक पाहून प्रेक्षकांची उत्सुकता आणखीनच वाढली आहे.

काही दिवसांतच 'रामायण' सिनेमा रिलीज होणार आहे. या सिनेमात शूर्पणखा ही भूमिका बॉलिवूड अभिनेत्री रकुल प्रीत सिंह हिनं साकारली आहे. याचनिमित्तानं तिनं नुकतीच पीटीआयला मुलाखत दिली. मुलाखतीत बोलताना तिनं तिच्या भूमिकेबाबत आणि एकंदरीतच ती साकारत असलेल्या भूमिकेवर भाष्य केलंय. शूर्पणखाबद्दल अनेक गैरसमज आहे आणि यात अनेक पैलूही आहेत. खरं तर तिच्यामुळेच युद्धाची सुरुवात झाली, असं रकुल प्रीत सिंह म्हणाली. रकुल प्रीत सिंहनं स्वतः भूमिकेची निवड करण्यामागचं कारण स्पष्ट केलं आहे. तिनं सांगितलं की, इतिहासात शूर्पणखेला अनेकदा चुकीच्या पद्धतीनं समजलं गेलंय, पण प्रत्यक्षात तिचं पात्र अनेक पैलू असलेले आणि अत्यंत गुंतागुंतीचे आहे.

'रामायण' सिनेमात शूर्पणखा साकारणारी अभिनेत्री रकुल प्रीत सिंह काय म्हणाली? (Rakul Preet Singh On Surpanakha Character Ramayana Movie)

बॉलिवूड अभिनेत्री रकुल प्रीत सिंह म्हणाली की, "शूर्पणखाच्या भूमिकेची मला ऑफर आली तेव्हा मी खूप उत्साहित झाले. या भूमिकेबाबत अनेक गोष्टी रोमांचक वाटल्या. पहिली गोष्ट म्हणजे सिनेमा जगासमोर भारताचं प्रतिनिधित्व करतो. आपला इतिहास आणि आपलं सत्य, ग्लोबल सिनेमाद्वारे जगासमोर पोहोचणार आहे. दुसरी गोष्ट म्हणजे, शूर्पणखाबद्दल अनेक गैरसमज आहे आणि यात अनेक पैलूही आहेत. खरं तर तिच्यामुळेच युद्धाची सुरुवात झाली. त्यामुळे ज्या भूमिकेला वेगवेगळ्या छटा आहेत अशी भूमिका साकारणं फार इंटरेस्टिंग होतं..."

"या सुंदर पत्रासाठी धन्यवाद. मी शूर्पणखाची भूमिका का स्वीकारली याचा तुम्ही एकदम योग्य मुद्दा पकडला आहे. कारण ही भूमिका अतिशय गुंतागुंतीची आहे. इतिहासात शूर्पणखाला फक्त एका घटनेसाठी लक्षात ठेवलं जातं पण तिच्या कहाणीत आणखीही बरंच काही आहे. एक अभिनेत्री म्हणून अशा भूमिका इंटरेस्टिंग असतात ज्या लोकांच्या विचारांना आव्हान देतात. जेव्हा 'रामायण' सिनेमा रिलीज होईल, प्रेक्षक खुल्या मनाने या भूमिकेला समजून घेतील...", असं रकुल प्रीत सिंह म्हणाली.

दरम्यान, रणबीर कपूर स्टारर 'रामायण' सिनेमा 5 नोव्हेंबरला रिलीज होणार आहे. या सिनेमात रणबीर कपूर प्रभू श्रीरामाच्या भूमिकेत, साई पल्लवी सीता मातेच्या भूमिकेत, तर साऊथ सुपरस्टार यश रावणाच्या भूमिकेत झळकणार आहे. तसेच, या सिनेमात रवी दुबे लक्ष्मण आणि रकुल प्रीत सिंह शूर्पणखेची भूमिका साकारणार आहे.

महत्त्वाच्या इतर बातम्या :

South Star Yash On Sai Pallavi In Ramayana: 4000 कोटींच्या 'रामायण'मध्ये सीता मातेच्या भूमिकेसाठी साई पल्लवीच का? लंकाधिपती रावण साकारणारा यश म्हणाला...

Vandana Gupte Video On Aamne Samane Natak Controversy: आपण आर्टिस्ट, कोणी अपमान केलेला तुला सहन होईल का? आमने-सामने नाटकाच्या वादानंतर वंदना गुप्तेंचा लीना भागवत-मंगेश कदमांना प्रेमळ दम, म्हणाल्या...

एबीपी माझा एंटरटेनमेंट डेस्क — Fri, 30 Oct 2026 10:33:36 +0530

Vandana Gupte Video On Aamne Samane Natak Controversy: मराठी रंगभूमीवर (Marathi Theatre) गाजणारं आणि हाऊसफुल्ल चालणारं मराठी नाटक 'आमने-सामने' (Aamne Samane Marathi Natak) सध्या चर्चेत आलं आहे. त्यासाठी कारण ठरतंय, निर्मात्यांमधला वाद. 'आमने-सामने' नाटकातील कलाकार अभिनेता रोहन गुजर (Actor Rohan Gujar) आणि अभिनेत्री केतकी पालव (Actress Ketaki Palav) यांनी इन्स्टाग्रामवर एक व्हिडीओ (Instagram Video) शेअर केला. ज्यामध्ये त्यांनी नाटकातून अचानक काढून टाकल्याचं सांगितलं. तसेच, त्यासाठी मानधन वाढवून मागितलं हे कारण असल्याचंही सांगितलं. त्यानंतर निर्माते आणि याच नाटकातल्या मुख्य पात्रांपैकी एक असलेल्या लीना भागवत (Leena Bhagwat) आणि मंगेश कदम (Mangesh Kadam) यांनीही एक व्हिडीओ पोस्ट केला आणि आपली बाजू स्पष्ट केली. तसेच, यानंतर आता याविषयावर काहीच बोलणार नसल्याचंही स्पष्ट केलं. त्यानंतर पुन्हा एकदा रोहन आणि केतकीनं व्हिडीओ शेअर केला आणि निर्मात्यांनी दिलेल्या स्पष्टीकरणावर काही मुद्दे स्पष्ट केले आणि आम्हीही या प्रकरणाला पूर्णविराम देत असल्याचं सांगितलं. अशातच, आता या वादावर प्रसिद्ध मराठी अभिनेत्री वंदना गुप्ते यांनी एक व्हिडीओ शेअर केला आहे. तसेच, रोहन गुजर आणि केतकी पालव यांच्यासोबतच निर्माते असलेल्या लीना भागवत आणि मंगेश कमद यांचे कान टोचले आहेत.

आपणही आर्टिस्ट आहोत ना गं. आपण यातून गेलो आहोत, पण आपण असं नाही ना करत की, अचानक थांबवायचं आणि सांगायचं की, नाही! हा तुमचा शेवटचा प्रयोग आहे, असं वंदना गुप्ते म्हणाल्या आहेत. तसेच, आपला कोणी अपमान केलेला तुला सहन होईल का? मंगेशला सहन होईल का? एक पद्धत असते सांगण्याची, असंही वंदना गुप्ते म्हणाल्या आहेत.

'आमने-सामने' नाटकातील कलाकार, निर्मात्यांच्या वादावर वंदना गुप्ते काय म्हणाल्या? (Vandana Gupte On Aamne Samane Natak Controversy)

मराठी अभिनेत्री वंदना गुप्ते व्हिडीओमध्ये बोलताना म्हणाल्या की, "लीना आणि मंगेश मी तुमचा काल व्हिडीओ बघितला. खूप वाईट वाटलं मला. तुझं रडणं बघून तर मला फारच भरुन आलं. पण आपणही आर्टिस्ट आहोत ना गं. आपण यातून गेलो आहोत. मला आठवतंय ना, माझं 80 रुपयाचं 100 रुपये नाईट करा म्हणून मी मोहनकाकांना जवळजवळ 15 वेळा सांगितलं. तेव्हा त्यांनी 100 व्या प्रयोगाला माझी नाईट वाढवली..."

"तू आर्टिस्ट आहेस, मंगेश पण आर्टिस्ट आहे. तुम्हाला कळायला पाहिजे. बंद करायचं ठिकेय, पण आपण असं नाही ना करत की, अचानक थांबवायचं आणि सांगायचं की, नाही! हा तुमचा शेवटचा प्रयोग आहे. असा आपला कोणी अपमान केलेला तुला सहन होईल का? मंगेशला सहन होईल का? नाही... असं नाही करायचं, एक पद्धत असते सांगण्याची...", असं लीना भागवत म्हणाल्या.

View this post on Instagram

A post shared by Vandana Gupte (@vandanagupteofficial)

वंदना गुप्ते पुढे बोलताना म्हणाल्या की, "रोहन आणि यांनी मागितले तर त्यांना असं वाटतं की, आपलाही या नाटकात काही हातभार आहे. जे काही करायचंय ते विचार करुन करायला हवं होतं, असं माझं स्पष्ट म्हणणं आहे. लीना आणि मंगेश तुम्हा दोघांनाही सांगते... कलाकार म्हणून निर्मात्यांकडे पैसे मागण्याचा त्यांना हक्क आहे... तुमच्या हाऊसफुल्लमधले सगळे पैसे काढून द्या, असं मी नाही म्हणत आहे. तरी सुद्धा आपला तो हक्क असतो. ही तर बिचारी आता आलेली माणसं आहेत. तुमच्याशी पाच वर्ष जोडले गेलेले आहेत. तेव्हा असं नका ना करु..."

"त्यांनी पण असं नाही करायचं. मागताना त्यांनीही विचार करायला हवा होता. तीन-तीन वेळा कसं तुम्ही मागता. आणि तुम्ही पण विचार करायला हवा होता की, अचानक काढून टाकलं आणि सांगायचं हा तुमचा शेवटचा प्रयोग... हे मला तुझं पण पटलं नाही. दोघांचंही पटलं नाही. रोहन आणि यांना... प्रत्येकाची गरज असते. त्यांचा स्टेटस असतो. त्यांचाही हळूहळू वाढत जातो. आपला जसा वाढला...", असं वंदना गुप्ते म्हणाल्या.

"इतकी वर्ष, 50 वर्ष काम केल्यानंतर अजूनही मी माझं मानधन वाढवा म्हणून सांगायला बिचकते. ही आजकालची मुलं ऐकत नाहीत. त्यांना हवं असतं ते. का असू नये. प्रत्येकाची इच्छा असते ना, मिळतंय तर आपल्यालाही त्यातला थोडा हक्काचा भाग मिळावा. विचार करा. अशी कॉन्ट्रोव्हर्सी कलाकारांसाठी चांगली नाही. तुम्ही कलाकार म्हणून मी सांगते, प्रोड्यूसर म्हणून नाही सांगत आहे. विचार करा दोघं...", असं वंदना गुप्ते म्हणाल्या.

महत्त्वाच्या इतर बातम्या :

Amane Samne Natak Tejas Raut Rujuta Dharap: 'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

Rohan Gujar Ketaki Palav Reaction On Leena Bhagwat Video: 'एका वर्षातली नाही, आठ वर्षांतली तिसरी मानधन वाढ...'; लीना भागवतांच्या व्हिडीओनंतर रोहन-केतकीचं महत्त्वाच्या मुद्द्यावर बोट, काय म्हणाले?

एबीपी माझा एंटरटेनमेंट डेस्क — Fri, 30 Oct 2026 09:32:34 +0530

Rohan Gujar Ketaki Palav Reaction On Leena Bhagwat Video: सध्या सोशल मीडियावर 'आमने-सामने' नाटकातील (Aamne Saamne Marathi Natak) कलाकार रोहन गुजर (Rohan Gujar), केतकी पालव (Ketaki Palav) आणि निर्मात्या लीना भागवत (Leena Bhagwat) यांच्यातील वाद चर्चेत आला आहे. रोहन गुजर आणि केतकी पालव (Rohan Gujar Ketaki Palav VIDEO) यांनी नाटकातून अचानक काढून टाकल्याचा आरोप करत एक व्हिडीओ पोस्ट केला. वाढीव मानधन मागितलं म्हणून त्यांना नाटकातून कोणतीही पूर्वकल्पना न देता रिप्लेस करण्यात आलं आणि त्यामुळे शेवटचा प्रयोगही एन्जॉय करता आला नाही, अशी तक्रार दोघांनी व्हिडीओमध्ये केलेली. त्यानंतर, अनेक सेलिब्रिटींनी त्यांच्या व्हिडीओवर कमेंट करुन त्यांची बाजूही घेतलेली. पण, त्यानंतर 'आमने-सामने' नाटकाचे निर्माते मंगेश कदम (Mangesh Kadam) आणि लीना भागवत यांनी एक व्हिडीओ शेअर करुन आपली बाजू मांडलेली. त्यात त्यांनी रोहन आणि केतकीनं तिसऱ्यांदा मानधनवाढ मागितली, जी देणं आम्हाला शक्य नव्हतं, त्यामुळे आम्ही तिथेच थांबण्याचा निर्णय घेतला, असं म्हटलंय. त्यानंतर आता रोहन आणि केतकीनं पुन्हा एकदा व्हिडीओ शेअर केला आणि निर्मात्यांनी केलेल्या आरोपांवर आपली बाजू मांडली आहे. तसेच, आमच्याकडून यानंतर या प्रकरणाला पूर्णविराम देतोय, असं म्हटलं.

रोहन आणि केतकीनं व्हिडीओमध्ये काय म्हटलंय? (Rohan Gujar Ketaki Palav VIDEO)

'आमने-सामने' नाटकाचे निर्माते लीना भागवत आणि मंगेश कदम यांनी स्पष्टीकरण देणारा व्हिडीओ शेअर केल्यानंतर आता पुन्हा रोहन आणि केतकीनं एक व्हिडीओ शेअर केलाय. तसेच, निर्मात्यांच्या म्हणण्यावर त्यांनी आपली बाजू मांडली आहे.

View this post on Instagram

A post shared by Rohan J M Gujar / रोहन गुजर (@rohanatinsta)

रोहन गुजर आणि केतकी पालवनं म्हटलं की, "आम्ही आमच्या निर्मात्यांचा व्हिडीओ पाहिला. त्या व्हिडीओवरच्या कमेंट्सही वाचल्या. नाण्याची दुसरी बाजू आम्ही ऐकली. पण, ती बाजू मांडत असताना अनावधनानं, चुकून, सोयीस्कररित्या, मुद्दामून काही मुद्दे आले नाहीत... ते मांडण्यासाठी आम्ही हा व्हिडीओ करतोय. आणि या व्हिडीओनंतर आम्हालादेखील कोणत्याही प्रकारचा व्हिडीओ करण्याची इच्छा नाहीये. आमच्या निर्मात्यांनी तिसरी मानधनवाढ हे जितक्या ठामपणे सांगितलं... तितक्या ठामपणे हे नाही सांगितलं की 8 वर्षांतली तिसरी मानधनवाढ... आता असा समज झालाय की, एका वर्षात तिसऱ्यांदा आम्ही पैसे वाढवून मागितले आहेत. तर तसं नाहीये..."

"8 वर्षांत तिसरी मानधनवाढ म्हणजे आपण अॅवरेज काढायला गेलो तर अडीच वर्षांत एक मानधनवाढ... आमची पहिली मानधनवाढ 4 वर्षांनी झाली. जी अत्यंत किरकोळ होती हे स्वत: निर्मात्यांनी मान्य केलं. दुसरी मानधनवाढ 6 वर्षांनी झाली. त्यामधे एकदा आमचं नाटक बंद पडलं. त्यानंतर नव्याने सुरू झालं. त्यानंतर 4 महिने प्रयोग हाऊसफूल होते. त्यानंतर आम्ही मानधन वाढीचा प्रस्ताव मांडला होता. आणि या 6 वर्षांनंतर जेवढी बेसिक मानधनवाढ मिळायला हवी होती. ती आम्ही त्यांच्यापुढे ठेवली. सगळे मेसेज आमच्याकडेही आहेत. ते व्हिडीओमध्ये म्हणाले की आमच्या मागण्या त्यांनी सहज मान्य केल्या, हे चुकीचं आहे. त्यांचं म्हणणं होतं की निर्माता म्हणून स्वत:ला मुरड घालून मी ही वाढ करत आहेत... मुरड घालून म्हणजे मनाविरुद्ध... म्हणजे ही मानधनवाढही त्यांनी मनापासून केलीच नव्हती. आणि तिसरी मानधनवाढ ही वर्षभरानंतर आता आम्ही करत होतो", असं रोहन आणि केतकी म्हणालेत.

"या सात वर्षांत आपलं नाटक चांगलं चाललंय तर आता आपण तुमचे पैसे वाढवुया, असं निर्माते कधीच म्हणाले नाहीत. मानधनवाढीचा प्रस्ताव ठेवला, तेव्हा आम्ही हेदेखील सांगितलं होतं की, उद्या नाटकाचा प्रतिसाद कमी झाला तर आम्ही कमी पैशात प्रयोग करायला तयार आहोत. पण आम्हाला हे नाटक शेवटपर्यंत करायचंय... जेव्हा लॉकडाऊनमध्ये 50 टक्के प्रेक्षकांच्या उपस्थितीत नाटक सुरू होतं. तेव्हा त्यांनी आम्हाला 50 टक्के मानधनात काम करण्याची विनंती केली होती. तेव्हा आम्ही लगेच तयार झालो होतो. ते प्रयोग आम्ही अर्ध मानधन घेऊन केलेत. आम्ही दीड हजार मागत असू... जे लोक तुमच्यासोबत 7 वर्ष काम करत आहेत... तर ही खूप मोठी कमिटमेंट आहे. तर एक टीम म्हणून आम्ही दीड हजार मानधनवाढ मागितली तर तुम्ही लगेच तडकाफडकी निर्णय घेता आणि आम्हाला रिप्लेस करता. कुठलीही पूर्वकल्पना न देता...या गोष्टीचं आम्हाला वाईट वाटतंय... या गोष्टीचा त्रास होतोय की इतकं मन लावून काम केलं. खांद्याला खांदा लावून आणि जेव्हा चांगले दिवस आले तेव्हा आम्हाला खूपच वाईट पद्धतीने बाजूला केलं गेलं...", असं रोहन गुजर आणि केतकी पालव म्हणालेत.

महत्त्वाच्या इतर बातम्या :

'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

Amane Samne Natak Tejas Raut Rujuta Dharap: 'आमने-सामने' नाटकाबाबत मोठी अपडेट, रोहन-केतकीला बाहेरचा रस्ता दाखवल्यानंतर आता नाटकात दोन नव्या चेहऱ्यांची एन्ट्री, कोण आहेत नवे कलाकार?

एबीपी माझा एंटरटेनमेंट डेस्क — Fri, 30 Oct 2026 08:59:52 +0530

Amane Samne Natak Tejas Raut Rujuta Dharap: सध्या सोशल मीडियावर 'आमने-सामने' नाटकातील (Aamne Saamne Marathi Natak) कलाकार रोहन गुजर (Rohan Gujar), केतकी पालव (Ketaki Palav) आणि निर्मात्या लीना भागवत (Leena Bhagwat) यांच्यातील वाद चर्चेत आला आहे. रोहन गुजर आणि केतकी पालव यांनी नाटकातून अचानक काढून टाकल्याचा आरोप करत एक व्हिडीओ पोस्ट केला. वाढीव मानधन मागितलं म्हणून त्यांना नाटकातून कोणतीही पूर्वकल्पना न देता रिप्लेस करण्यात आलं आणि त्यामुळे शेवटचा प्रयोगही एन्जॉय करता आला नाही, अशी तक्रार दोघांनी व्हिडीओमध्ये केलेली. त्यानंतर निर्माते लीना भागवत, मंगेश कदम यांनी व्हिडीओ शेअर करुन आपली बाजू मांडली. त्यानंतर पुन्हा रोहन-केतकीनं व्हिडीओ (Rohan Gujar Ketaki Palav Video) शेअर करुन निर्मात्यांच्या काही मुद्द्यांवर स्पष्टीकरण दिलं. अशातच आता ज्या गाजणाऱ्या नाटकातील कलाकारांना अचानक काढून टाकलं, त्या नाटकात त्यांच्या जागी नव्या कलाकारांची एन्ट्री झाली आहे.

मानधन वाढ मागितल्यामुळे एक दिवस प्रयोग झाल्यावर निर्मात्यांनी मिटींग घेतली आणि आजचा तुमचा शेवटचा प्रयोग, असं सांगितलं, असा दावा सोशल मीडियावर व्हिडीओ शेअर करुन रोहन गुजर आणि केतकी पालव यांनी सांगितलं. आम्हाला नीट गुडबायही करता आला नाही, आम्ही आमचा शेवटचा प्रयोग नीट एन्जॉय केला नाही, आम्हाला शेवटचा प्रयोग सेलिब्रेट करता आला नाही, असंही ते म्हणाले. त्यानंतर नाटकाचे निर्माते आणि कलाकार लीना भागवत आणि मंगेश कदम यांनी दोघांना प्रत्युत्तर देणारा व्हिडीओ केला. तिसऱ्यांदा मागितलेली मानधनवाढ परवडणारी नसल्यामुळे आम्ही थांबण्याचा निर्णय घेतला, असं लीना भागवत यांनी स्पष्ट केलं. तर, पुन्हा रोहन आणि केतकीनं तिसऱ्यांदा मानधनवाढ मागितली, पण आठ वर्षांत तिसऱ्यांदा असं स्पष्ट केलं. अशातच आता रोहन आणि केतकीला रिप्लेस करण्यात आलं असून त्यांच्याऐवजी नाटकात तेजस राऊत आणि ऋजुता धारप यांची एन्ट्री होणार आहे. दोघांनीही महाराष्ट्र टाईम्सला प्रतिक्रिया दिली आहे.

रोहन गुजरऐवजी तेजस राऊतची एन्ट्री (Tejas Raut Replaces Rohan Gujar)

'आमने सामने' नाटकात रोहन गुजरऐवजी मराठी अभिनेता तेजस राऊत झळकणार आहे. या नाटकातून तेजस राऊत रंगभूमीवर पदार्पण करणार आहे. "माझं हे पहिलंच व्यावसायिक नाटक आहे, याचा मला आनंद आहे. 'आमने सामने'चा फॉर्म थोडा वेगळा असल्यानं दडपणही आहे. रंगभूमीवर संवाद म्हणण्याची तालीम कलाकार करत असतो. मात्र नाटकामध्ये मला प्रेक्षकांशी संवाद साधायचा आहे. त्याची सवय होईपर्यंत थोडंसं दडपण राहील, असं तेजस राऊत म्हणाला.

केतकी पालवच्या जागी ऋजुता धारप झळकणार (Rujuta Dharap replaces Ketaki Palav)

'आमने सामने' नाटकात केतकी पालवला अभिनेत्री ऋजुता धारप रिप्लेस करणार आहे. ऋजुता धारपचं हे दुसरं व्यावसायिक नाटक आहे. नव्या नाटकाविषयी बोलताना ऋजुता धारप म्हणाली की, "पुन्हा रंगभूमीकडे वळताना फार छान वाटतंय. लीना भागवत, मंगेश कदम यांसारख्या मातब्बर कलाकारांसोबत काम करताना त्यांच्या अनुभवाचा खूप फायदा होतोय. चित्रपट, मालिका आणि रंगभूमी अशा प्रत्येक माध्यमाची वेगळी आव्हानं असतात. नाटकात एखाद्याही चुकीला जागा नसते. नाही तर प्रयोग फसतो. मी न चुकण्याची विशेष काळजी घेत आहे..."

महत्त्वाच्या इतर बातम्या :

Marathi Natak Aamne Samne Leena Bhagwat Mangesh Kadam: 'तिसऱ्यांदा मानधन वाढ...'; रोहन, केतकीच्या नाटकातून काढल्याच्या आरोपांवर निर्मात्यांनी मौन सोडलं, लीना भागवत म्हणाल्या...