Amir Khan: राजकुमार हिराणी यांची कथा, आमिर खान, आर माधवन, शरमन जोशी, करीना कपूर आणि बोमन इराणी यांचा 3 इडियट्स आजही अनेकांच्या आवडीचा विषय. बॉलिवूडमध्ये असे मोजकेच चित्रपट असतात जे कितीही वेळा पाहिले तरी कंटाळवाणे होत नाहीत. आजही हा सिनेमा लागला की त्यातले डायलॉग आपोआप ओठी येतात इतका या सिनेमाशी घनिष्ठ संबंध. पण अलिकडेच या चित्रपटाच्या निर्मात्यानं मुंबईत या चित्रपटाची एक विशेष आणि गमतीशीर गोष्ट सांगितली. राजकुमार हिराणी यांनी जेंव्हा या चित्रपटाची कथा अभिनेता आमिर खानला सांगितली तेंव्हा तो अतिशय कॅज्यूयल पोशाखात आणि जीर्ण झालेल्या रबरी चपला घालून आल्याचं हिराणी यांनी सांगितलं.
स्वत:च्या त्वचेत सहजपणे वावरणं हे खरे सौंदर्य
एरवी आपण सारेच बॉलिवूड सेलिब्रेटींना पॉश आणि महागड्या कपड्यात पाहतो. पण राजकुमार हिराणी यांनी खरा आराम तुम्हाला कशातून मिळतो हे तुमच्या विश्वासावर अवलंबून असल्याचं सांगत दाक्षिणात्य सिनेसृष्टीतही अनेक कलाकार हे साधेच कपडे घालतात आणि सहजपणे गर्दीतही सामावतात. त्यामुळं आमिरच्या चमकदार कपड्यांवर न जाता ही कथा बाहेर प्रेक्षकांच्या मनात कशी उतरते यावरच आम्ही जोर दिला असं हिराणी म्हणाले. एखादा अभिनेता म्हणून खरा आत्मविश्वास स्वत:च्या त्वचेत सहजपणे वावरल्यानं मिळतो यावरही हिराणी यांनी प्रकाश टाकला.
अनेकदा लाेक माझ्या कपड्यांची थट्टा करतात
रिया चक्रवर्ती हिच्या नुकत्याच झालेल्या चॅट शो मध्ये अभिनेता आमिर खानने मी स्वत:ला सुंदर समजत नसल्याचं म्हटलं होतं. शाहरूख खान, सलमान खान, हृतिक रोशन हे खरोखरच चांगले दिसणारे स्टार आहेत. असं तो म्हणाला होता. आमिरनं थट्टेतच त्याला जोडलं की लोक त्याच्या कपड्यांच्या निवडीची अनेकदा थट्टा करतात. त्यानं काय परिधान केलंय याबद्दल त्यांना मोठं आश्चर्य वाटतं. आमिरला '3 इडियट्स'च्या त्याच्या कथनादरम्यान, अभिनेता साध्या पोशाखात आणि जीर्ण झालेल्या रबरी चप्पलमध्ये कसा विनम्रपणे पोशाख घातला होता हे आठवून हिराणी यांनी त्याच्या साध्या राहणीमानाचे कौतूकच केले.
कुली चित्रपटातून पदार्पण करण्यास आमिर सज्ज
आमिर 'कुली' या चित्रपटातील त्याच्या कॅमिओ भूमिकेद्वारे तमिळमध्ये पदार्पण करण्यासाठी सज्ज आहे. आगामी ॲक्शन ड्रामा लोकेश कनागराज दिग्दर्शित करत असून यात रजनीकांत मुख्य भूमिकेत आहेत. या चित्रपटात नागार्जुन, सत्यराज, उपेंद्र राव, महेंद्रन, सौबिन शाहीर आणि श्रुती हासन यांच्याही प्रमुख भूमिका आहेत.