Entertainment News Live Updates 26 September : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!

Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.

पार्श्वभूमी

Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.आलिया भट्टची गगनभरारी! नेटफ्लिक्सच्या 'Heart Of Stone' सीरिजमधून हॉलिवूडमध्ये पदार्पणबॉलिवूड अभिनेत्री आलिया भट्टने (Alia Bhatt) आपल्या दमदार अभिनयाच्या जोरावर चाहत्यांच्या मनात आपलं स्थान निर्माण केलंच आहे. नुकत्याच प्रदर्शित झालेला चित्रपट ब्रम्हास्त्रने (Brahmastra) देखील बॉक्स ऑफिसवर जोरदार कमाई केली आहे. पण, आता आलियाच्या चाहत्यांसाठी आनंदाची बातमी आहे. बॉलिवूड सिनेसृष्टीवर आपलं स्थान निर्माण केल्यानंतर आता आलिया हॉलिवूडमध्ये पदार्पण करण्यासाठी सज्ज झाली आहे. नेटफ्लिक्सच्या हार्ट ऑफ स्टोन (Heart Of Stone) या वेबसीरिजच्या माध्यमातून आलिया हॉलिवूडमध्ये दिसणार आहे. या सीरिजचा ट्रेलर नुकताच लॉन्च झाला आहे.  बॉलिवूड ‘किंग’ शाहरुख खानचा जलवा, ‘जवान’चे शूटिंग पूर्ण होण्याआधीच चित्रपटाची बंपर कमाई!बॉलिवूड अभिनेता शाहरुख खान (Shah Rukh Khan) सध्या त्याच्या 'जवान' (Jawan) या चित्रपटामुळे प्रचंड चर्चेत आहे. 2023मध्ये शाहरुख खानचे एकूण 3 चित्रपट प्रदर्शित होणार आहेत. यापैकी एका चित्रपटामध्ये तो अॅक्शन अवतारात दिसणार आहे. साऊथचे चित्रपट निर्मात अॅटली याच्या आगामी ‘जवान’ या चित्रपटात शाहरुख जबरदस्त अॅक्शन करताना दिसणार आहे. या चित्रपटाच्या टीझरमध्ये शाहरुख एका वेगळ्या अंदाजात दिसला आहे. शाहरुख खान बऱ्याच दिवसांनी पडद्यावर परतत असून प्रत्येकजण त्याच्या चित्रपटाची वाट पाहत आहे. आता हा चित्रपट त्याच्या जबरदस्त कमाईमुळे चर्चेत आला आहे.ऑस्कर विजेत्या अभिनेत्री लुईस फ्लेचर यांचे निधन, 88व्या वर्षी घेतला अखेरचा श्वासऑस्कर विजेत्या अभिनेत्री लुईस फ्लेचर (Louise Fletcher) यांचे वयाच्या 88व्या वर्षी निधन झाले. त्यांच्या कुटुंबीयांनी याबाबत चाहत्यांना माहिती दिली आहे. लुईस फ्लेचर यांनी त्यांच्या राहत्या घरीच अखेरचा श्वास घेतला. 1975 मध्ये मिलोस फोरमन दिग्दर्शित ‘वन फ्लू ओव्हर द कुकूज नेस्ट’ या चित्रपटात साकारलेल्या नर्स रॅचेडच्या भूमिकेसाठी लुईस फ्लेचर प्रसिद्ध होत्या. या चित्रपटात अभिनेते जॅक निकोल्सन यांनीही काम केले होते.फाल्गुनी पाठकच्या गाण्याचा रिमेक केल्यानंतर ट्रोल झालेल्या नेहानं शेअर केली पोस्टगायिका नेहा कक्कर (Neha Kakkar) ही तिच्या गाण्यांमुळे चर्चेत असते. नुकत्याच रिलीज झालेल्या 'ओ सजना' या गाण्यासाठी गायिका नेहा कक्करला सोशल मीडियावर खूप ट्रोल केले जात आहे. हे गाणं फाल्गुनी पाठक (Falguni Pathak) यांच्या 'मैने पायल है छनकाई...' (Maine Payal Hai Chhankai) या गाण्याचा रिमेक आहे. फाल्गुनी पाठक यांचे 'मैने पायल है छनकाई...'  हे गाणे 1999 मध्ये रिलीज झाले. या गाण्याचा रिमेक केल्यानं नेहाला नेटकरी ट्रोल करत आहेत. आता नुकतीच नेहानं एक पोस्ट शेअर करुन ट्रोलर्सला उत्तर दिलं आहे.‘छेल्लो शो’ची ऑस्करवारी वादात; चित्रपटाची निवड अयोग्य म्हणत FWICEचं केंद्रीय मंत्री अनुराग ठाकूर यांना पत्र!पान नलिन (Pan Nalin) यांचा ‘छेल्लो शो’ (Chhello Show) हा चित्रपट आता वादात सापडला आहे. 2023च्या ऑस्कर नामांकनासाठी भारताकडून या चित्रपटाची निवड करण्यात आली आहे. मात्र, आता फेडरेशन ऑफ वेस्टर्न इंडिया सिने एम्प्लॉइजने (FWICE) या निवडीला अयोग्य म्हणत, चित्रपटाला विरोध केला आहे. यासंदर्भात फेडरेशन ऑफ वेस्टर्न इंडिया सिने एम्प्लॉइजकडून केंद्रीय मंत्री अनुराग ठाकूर यांना एक पत्र देखील लिहिण्यात आलं आहे. FWICEने म्हटले की, हा चित्रपट भारतीय चित्रपट नाही. चित्रपटाच्या निवडीची पद्धत योग्य नसून, परीक्षकांनी त्यावर विचार केला पाहिजे.

26/09/2022 23:08:11

Mahesh Manjrekar : 'त्या' गोष्टीचा त्रास माझ्या मुलांना व्हायचा : महेश मांजरेकर

महेश मांजरेकर म्हणाले आहेत,"ट्रोलर्सकडे मी लक्ष देत नाही. मी माझ्या मुलांनाही त्या कमेंट्स न वाचण्याचा सल्ला देतो. प्रत्येकाचे चाहते असतात. त्यामुळे मी जर एका स्पर्धकाला झापलं तर त्याच्या चाहत्यांना वाटणारच की मी भेदभाव करतो. पण या गोष्टीला पर्याय नाही. मी कधीच भेदभाव करत नाही. कारण माझा कोणीच आवडता स्पर्धक असा नसतो. कोण विजेता होणार हे प्रेक्षकच ठरवत असतो. त्यामुळे तो जसा चाहत्यांना आवडतो तसाच मला आवडतो". 

26/09/2022 21:45:30

Varsha Usgaonkar : "दिसण्यापेक्षा अभिनयाकडे लक्ष द्या" : वर्षा उसगांवकर

Varsha Usgaonkar : वर्षा उसगांवकर (Varsha Usgaonkar) सध्या 'हवाहवाई' (Hawahawai) या सिनेमामुळे चर्चेत आहे. या सिनेमाच्या निमित्ताने एबीपी माझाला दिलेल्या मुलाखतीत अभिनेत्री वर्षा उसगांवकर यांनी 'दिसण्यापेक्षा अभिनयाकडे लक्ष द्या', असा सल्ला काही अभिनेत्रींना दिला आहे. 

26/09/2022 20:21:21

Netflix 2022 : दिवाळीत प्रेक्षकांना मिळणार मनोरंजनाचा धमाका

Netflix 2022 Upcoming Web series And Movies : दिवसेंदिवस ओटीटी (OTT) प्लॅटफॉर्मची क्रेझ वाढताना दिसत आहे. सिनेप्रेमी सध्या सिनेमागृहात जाऊन सिनेमा पाहण्याऐवजी ओटीटी प्लॅटफॉर्मवर सिनेमा पाहायला पसंती दर्शवत आहेत. दिवाळीचा सण अवघ्या काही दिवसांवर येऊन ठेपला असून येत्या दिवाळीत अनेक सिनेमे (Movies) आणि वेब सीरिज (Web Series) नेटफ्लिक्स (Netflix) या ओटीटी प्लॅटफॉर्मवर प्रदर्शित होणार आहेत. 

26/09/2022 20:20:42

Vikram Vedha Bande Song : 'विक्रम वेधा' सिनेमातील 'बंदे' गाणं आऊट

Vikram Vedha New Song : बॉलिवूड अभिनेता हृतिक रोशन (Hrithik Roshan) आणि अभिनेता सैफ अली खानचा (Saif Ali Khan) आगामी 'विक्रम वेधा' (Vikram Vedha) हा सिनेमा सध्या चर्चेत आहे. लवकरच हा सिनेमा प्रेक्षकांच्या भेटीला येणार आहे. आता या सिनेमातील 'बंदे' (Bande) हे गाणं प्रेक्षकांच्या भेटीला आलं आहे.

26/09/2022 17:18:34

Shivpratap Garudjhep : 'शिवप्रताप गरुडझेप' लाल किल्ल्यात चित्रित होणारा पहिलाच सिनेमा

Amol Kolhe On Shivpratap Garudjhep : डॉ. अमोल कोल्हे (Amol Kolhe) यांचा 'शिवप्रताप गरुडझेप' (Shivpratap Garudjhep) हा सिनेमा लवकरच प्रेक्षकांच्या भेटीला येणार आहे. 'शिवप्रताप गरुडझेप' हा सिनेमा करताना उभ्या देशाचं लक्ष सिनेमाकडे वेधलं गेलं पाहिजे या जबाबदारीची जाणीव होती, असं 'शिवप्रताप गरुडझेप'च्या आठवणींना उजाळा देताना एबीपी माझाला दिलेल्या मुलाखतीत डॉ. अमोल कोल्हे म्हणाले. 

26/09/2022 16:56:54

Khatron Ke Khiladi : तुषार कालिया ठरला ‘खतरों के खिलाडी 12’चा विजेता

Khatron Ke Khiladi : जवळपास ३ महिने चाललेल्या ‘खतरों के खिलाडी १२’ या शोने प्रेक्षकांचे खूप मनोरंजन केले. नुकतीच या शोच्या १२ व्या सीझनच्या विजेत्याची घोषणा करण्यात आली. तुषार कालियाने फैजल शेख आणि मोहित मलिक यांना मात देत ‘खतरों के खिलाडी 12’च्या विजेतेपदावर आपलं नाव कोरलं.

26/09/2022 15:59:20

36 Gunn : भारतीय लग्नसंस्थेवर भाष्य करणाऱ्या '36 गुण'चे पोस्टर आऊट; संतोष जुवेकर मुख्य भूमिकेत

36 Gunn Marathi Movie : मराठमोळा अभिनेता संतोष जुवेकर (Santosh Juvekar) सध्या चर्चेत आहे. संतोषचा आगामी '36 गुण' (36 Gunn) हा सिनेमा लवकरच प्रेक्षकांच्या भेटीला येणार आहे. नुकतेच या सिनेमाचे पोस्टर आऊट झाले आहे. '36 गुण'च्या रोमॅंटिक पोस्टरने चाहत्यांचे लक्ष वेधून घेतले आहे. 

26/09/2022 15:44:30

‘सूर नवा ध्यास नवा’चा उत्कर्ष वानखेडे ठरला राजगायक

‘सूर नवा ध्यास नवा’या कार्यक्रमात सहभागी झालेल्या गायकांनी आपल्या सुंदर गायकीने अवघ्या महाराष्ट्राची मने जिंकली. या स्पर्धकांच्या निखळ, सुरेल स्वरांनी संपूर्ण महाराष्ट्राला एकत्र बांधून ठेवले. या कार्यक्रमामधील गायकांनी विविध शैलींमधील गाणी उत्तम पद्धतीने सादर करत प्रेक्षकांचे भरभरून प्रेम मिळवले. नुकतंच या कार्यक्रमाचा महाअंतिम सोहळा पार पडला. या कार्यक्रमात राजगायक होण्याचा मान उत्कर्ष वानखेडे याने पटकावला. 

26/09/2022 14:58:53

Sahela Re: काही नात्यांना नाव नसतं; 1 ऑक्टोबरला 'सहेला रे' ओटीटीवर होणार रिलीज

Sahela Re: 'प्लॅनेट मराठी' ओटीटी, अ व्हिस्टास कॅपिटल कंपनीने प्रेक्षकांना विविध विषयांवरील अनेक उत्कृष्ट चित्रपट दिले. आता असाच एक दर्जेदार वेबचित्रपट प्लॅनेट मराठी ओटीटीवर प्रदर्शित होण्यासाठी सज्ज झाला आहे. मृणाल कुलकर्णी दिग्दर्शित 'सहेला रे' (Sahela Re) हा चित्रपट येत्या 1 ऑक्टोबर रोजी प्लॅनेट मराठी ओटीटीवर प्रेक्षकांच्या भेटीला येणार आहे. या वेब चित्रपटात मृणाल कुलकर्णी (Mrinal Kulkarni), सुबोध भावे (Subodh Bhave) आणि सुमीत राघवन (Sumeet Raghavan) यांच्या प्रमुख भूमिका आहेत. नुकतेच सोशल मीडियावर ' सहेला रे'चे  पोस्टर झळकले असून ही एक नातेसंबंधावर भाष्य करणारी कथा असल्याचे कळतेय. 'काही नात्यांना नाव नसतं', अशी टॅगलाईन असलेल्या या वेबचित्रपटात मैत्रीच्या पलीकडचे एक संवेदनशील नाते पाहायला मिळणार आहे. 

26/09/2022 14:20:47

दीपा आणि आयेशाच्या येण्याने इनामदारांच्या घरात सुरु होणार नवा वाद, ‘रंग माझा वेगळा’च्या कथेत ट्विस्ट!

दीपा इनामदारांच्या घरात राहायला आल्यावर आयेशा देखील घरात राहायला येणार आहे. यावरून पुन्हा एकदा इनामदारांच्या घरात वादाला तोंड फुटणार आहे. दीपा या घरात राहून शकते तर, आयेशा का नाही, असा सवाल कार्तिक करणार आहे. तर, मी कार्तिकची बायको म्हणून या घरात आलेले नाही तर, दीपिका आणि कार्तिकीची आई म्हणून घरात राहणार असल्याचे दीपा म्हणणार आहे.

 

26/09/2022 13:50:49

Ram Setu Teaser: 'राम सेतू को बचाने के लिए हमार पास सिर्फ तीन दिन है'; 'खिलाडी' अक्षय कुमारच्या राम सेतूचा जबरदस्त टीझर रिलीज

Ram Setu Teaser: बॉलिवूडमधील प्रसिद्ध अभिनेता अक्षय कुमार (Akshay Kumar) हा त्याच्या राम सेतू (Ram Setu) या आगामी चित्रपटामुळे चर्चेत आहे या चित्रपटाचा टीझर नुकताच रिलीज झाला आहे. 'राम सेतू को बचाने के लिए हमार पास सिर्फ तीन दिन है' या टीझरमधील अक्षयच्या डायलॉगनं अनेकांचे लक्ष वेधले आहे. या चित्रपटामध्ये अक्षयसोबतच नुसरत भरुचा (Nushratt Bharuccha), जॅकलिन फर्नांडिस (Jacqueline Fernandez) आणि  सत्यदेव कंचरण  या कलाकारांनी देखील प्रमुख भूमिका साकारली आहे.  

26/09/2022 13:26:11

अस्सल मातीतला कलाकार, ‘चंद्रा’ गाण्यामुळे चर्चेत आलेल्या जयेशला मिळाली अजय-अतुलसोबत गाण्याची संधी!

हिंदी आणि मराठी चित्रपसृष्टीतील प्रसिद्ध संगीतकार अजय-अतुल यांनी, युट्यूबवरून चंद्रा गाणे गाऊन नेवाशाजवळच्या एका छोट्या गावातील जयेश खरेला त्यांच्या आगामी 'महाराष्ट्र शाहीर' या चित्रपटात गायची संधी दिली आहे. त्यामुळे सहावीतील जयेश एका रात्रीत हिरो झाला आहे.

 

26/09/2022 12:40:07

Rasika Sunil: नवरात्रीनिमित्त अभिनेत्री रसिका सुनीलचा डोळस उपक्रम; 250 नेत्रहीन मुलींसोबत घेतला गरब्याचा आनंद!

Rasika Sunil: आजपासून (26 सप्टेंबर) नवरात्रोत्सवाला (Navratri 2022) सुरुवात झाली आहे. त्यामुळे सध्या देशभरात भक्तीमय वातावरण निर्माण झाले आहे. कोरोना विषाणूचा प्रादुर्भाव अन् लॉकडाऊननंतर तब्बल दोन वर्षांनी पुन्हा एकदा जल्लोषात नऊ दिवस देवीची आराधना केली जाणार आहे. गरबा आणि दांडिया खेळून नवरात्रोत्सव साडरा केला जातो. वेगवेगळ्या देवीच्या गाण्यांवर लोक ताल धरतात. मराठी मलिका आणि चित्रपटातील प्रसिद्ध अभिनेत्री रसिका सुनीलनं देखील नुकताच गरब्याचा आनंद लुटला.  250 नेत्रहीन मुलींसोबत  रसिकानं गरब्याचा आनंद लुटला आहे. 

26/09/2022 12:21:33

आमच्या फॅमिलीच्या पिक्चरचा ट्रेलर आलाय..’, श्रेयस तळपदेच्या ‘आपडी थापडी’चा ट्रेलर प्रेक्षकांच्या भेटीला!

बऱ्याच दिवसांपासून अभिनेता श्रेयस तळपदेच्या ‘आपडी थापडी’ या चित्रपटाची भरपूर चर्चा सुरु आहे. आता या चित्रपटाचा ट्रेलर रिलीज झाला आहे. ट्रेलरमधूनच चित्रपट मनोरंजक असल्याचं कळत असल्यानं 5 ऑक्टोबरला दसऱ्याच्या मुहूर्तावर या चित्रपटाचा सहकुटुंब चित्रपटगृहात आनंद घेता येणार आहे.

 

26/09/2022 11:27:53

Shivpratap Garudjhep: 'जय भवानी, जय शिवराय'; शिवप्रताप गरुडझेपचा उत्कंठावर्धक ट्रेलर रिलीज!

Shivpratap Garudjhep :  छत्रपती शिवाजी महाराजांच्या आग्र्याहून सुटकेचा प्रसंग जिवंत करणारा डॉ. अमोल कोल्हे यांच्या (Amol Kolhe ) 'शिवप्रताप गरुडझेप' (Shivpratap Garudjhep)  या चित्रपटाचा ट्रेलर नुकताच रिलीज झाला आहे. या ट्रेलरमधील अमोल कोल्हेंच्या डायलॉग्सनं अनेकांचे लक्ष वेधले आहे. शिवप्रताप गरुझेप या चित्रपटाच्या ट्रेलरला नेटकऱ्यांची पसंती मिळत आहे. हा ट्रेलर अमोल कोल्हे यांनी त्यांच्या युट्युब चॅनलवर शेअर केला आहे. कमेंट करुन अनेक नेटकऱ्यांनी ट्रेलरचं कौतुक केलं आहे. 

पाहा ट्रेलर

26/09/2022 10:50:58

200 कोटींच्या मनी लाँड्रिंग प्रकरणात जॅकलिन फर्नांडिसला कोर्टाकडून दिलासा!

200 कोटींच्या मनी लाँड्रिंग प्रकरणात बॉलिवूड अभिनेत्री जॅकलिन फर्नांडिसला (Jacqueline Fernandez) मोठा दिलासा मिळाला आहे. पटियाला हाऊस कोर्टातून 50 हजारांच्या वैयक्तिक जातमुचलक्यावर जॅकलिनचा जामीन मंजूर करण्यात आला आहे. काही दिवसांपूर्वीच दिल्ली पोलिसांच्या आर्थिक गुन्हे शाखेने तब्बल 15 तास जॅकलिनची चौकशी केली. ईडीच्या चौकशीनंतर सुकेश आणि जॅकलिनमध्ये मैत्रीचे असल्याचे समोर आले. 

वाचा संपूर्ण बातमी

26/09/2022 09:58:34

Urfi Javed : ...असा तयार झाला उर्फीचा सिकार्डपासून तयार केलेला ड्रेस; शेअर केला खास व्हिडीओ

Urfi Javed :  उर्फी जावेद ही तिच्या अतरंगी ड्रेसमुळे चर्चेत असते. उर्फीच्या ड्रेसची चर्चा सोशल मीडियावर होत असते. नुकताच उर्फीच्या ड्रेस डिझायनरनं सिमकार्डपासून तयार केलेला ड्रेस डिझाइन केला. हा ड्रेस डिझाइन करतानाचा एक व्हिडीओ उर्फीच्या ड्रेस डिझायनरनं शेअर केला आहे. 

26/09/2022 09:25:30

PHOTO: डेनिम लूकमध्ये रश्मिका मंदनाचा जलवा, बोल्ड फोटोंची सोशल मीडियावर चर्चा!

‘नॅशनल क्रश’ म्हणून प्रसिद्ध असणारी अभिनेत्री रश्मिका मंदना लवकरच हिंदी चित्रपटांमध्ये पदार्पण करणार आहे. रश्मिका सुपरस्टार अमिताभ बच्चन यांच्यासोबत 'गुड बाय' या चित्रपटातून बॉलिवूड डेब्यू करताना दिसणार आहे. नुकताच या चित्रपटाचा ट्रेलर प्रदर्शित झाला, ज्याला प्रेक्षकांचा चांगला प्रतिसाद मिळाला. दरम्यान, अभिनेत्रीने नुकतेच तिचे काही फोटो सोशल मीडियावर पोस्ट केले आहेत.

 

26/09/2022 09:09:47

Dance India Dance Super Moms: रोजंदारीवर काम करणारी वर्षा ठरली ‘डान्स इंडिया डान्स सुपर मॉम्स’ ची विजेती; लाखोंचे बक्षीस मिळाल्यानंतर म्हणते, 'हे खरं वाटत नाहीये'

Dance India Dance Super Moms: छोट्या पडद्यावरील ‘डान्स इंडिया डान्स सुपर मॉम्स’ (Dance India Dance Super Moms) या प्रसिद्ध कार्यक्रमाच्या तिसऱ्या सिझनचा ग्रँड फिनाले काल (25 सप्टेंबर) पार पडला. हरियाणाची वर्षा बुमरा (Varsha Bumra) ही  डान्स इंडिया डान्स सुपर मॉम्सच्या तिसऱ्या सिझनची विजेती ठरली.  वर्षाच्या फॉर्मन्सनं अनेकांची मनं जिंकली. 

26/09/2022 09:01:58

PHOTO: स्वरा भास्करची स्टाईलच न्यारी, सुंदर साडीत दिसतेय भारी!

बॉलिवूड अभिनेत्री स्वरा भास्कर सोशल मीडियावर प्रचंड सक्रिय असते. अभिनेत्री स्वतःचे हटके आणि सुंदर फोटो नेहमीच सोशल मीडियावर शेअर करत असते. स्वरा भास्कर आघाडीची बॉलिवूड अभिनेत्री आहे. आपल्या बोल्ड आणि ब्युटीफूल अंदाजासाठी ती प्रसिद्ध आहे. बोल्ड फोटोंसाठी नाही, तर स्वरा तिच्या सुंदर साड्यांच्या कलेक्शनमुळे चर्चेत असते.

 

26/09/2022 08:22:15

नवरात्री अन् बॉलिवूडचं खास कनेक्शन; ‘या’ चित्रपटांमध्येही दिसलीय उत्सवाची जादू!

नवरात्री म्हटलं की, केवळ भक्तच नाही तर, त्यांच्याबरोबर बॉलिवूड इंडस्ट्रीही भक्तीमध्ये तल्लीन झालेली दिसते.  मनोरंजन विश्वातही नवरात्रीची विशेष धूम पाहायला मिळते. अर्थात बॉलिवूडचे असे अनेक चित्रपट आहेत, ज्यात नवरात्रोत्सवाचा जल्लोष दाखवण्यात आला आहे.

वाचा संपूर्ण बातमी

 

26/09/2022 07:14:20

आलिया भट्टची गगनभरारी! नेटफ्लिक्सच्या 'Heart Of Stone' सीरिजमधून हॉलिवूडमध्ये पदार्पण

बॉलिवूड सिनेसृष्टीवर आपलं स्थान निर्माण केल्यानंतर आता आलिया हॉलिवूडमध्ये पदार्पण करण्यासाठी सज्ज झाली आहे. नेटफ्लिक्सच्या हार्ट ऑफ स्टोन (Heart Of Stone) या वेबसीरिजच्या माध्यमातून आलिया हॉलिवूडमध्ये दिसणार आहे. या सीरिजचा ट्रेलर नुकताच लॉन्च झाला आहे.