Disha Salian Death Case High Court Result: 6 वर्षांपूर्वी घडलेली घटना दिवंगत सेलिब्रिटी मॅनेजर दिशा सालियन (Disha Salian) मृत्यू प्रकरण पुन्हा एकदा चर्चेत आलं आहे. दिशा सालियनच्या मृत्यू प्रकरणात आज मुंबई उच्च न्यायालयाने (Bombay High Court) महत्त्वाचा आणि मोठा आदेश दिला आहे. आदेश देताच दिशा सालियनच्या वडिलांनी भावूक होत मुंबई उच्च न्यायालयाचे आभार मानले आहेत. आता दिशा सालियन मृत्यू प्रकरणाचा तपास सीबीआयकडे (CBI) सोपवण्याचे आदेश कोर्टाने दिले आहेत. तसेच कोर्टाने याचिकाकर्ता आणि दिशा सालियानचे वडील सतीश सालियन यांचे जबाब नोंदवून पुन्हा नव्याने एफआयआर (FIR) नोंदवण्याचे आदेश दिले आहेत. उच्च न्यायालयाच्या या आदेशानंतर दिशा सालियान प्रकरणात पुन्हा एकदा मोठा ट्विस्ट आला आहे.
खरंतर, दिवंगत अभिनेता सुशांत सिंह राजपूतच्या (Sushant Singh Rajput) मृत्यूच्या काही दिवसांपूर्वी दिशा सालियनचा संशयास्पद मृत्यू झाला होता. दरम्यान, सुशांत सिंह राजपूतच्या मृत्यूनंतर दिशा सालियन मृ्त्यू प्रकरणाची प्रचंड चर्चा होऊ लागली. दरम्यान, दिशा सालियन नेमकी कोण होती? सुशांत सिंह राजपूतसोबत तिचं काय कनेक्शन होतं? या दोन्ही प्रकरणाने नेमकी कोणकोणती वळणं घेतली? जाणून घेऊयात.
दिशा सालियन कोण होती? सुशांत सिंह राजपूतशी कनेक्शन काय? (Disha Salian and Sushant Singh Rajput Death case Connection)
मिळालेल्या माहितीनुसार, दिशा सालियन ही मुंबईतील एक प्रसिद्ध सेलिब्रिटी मॅनेजर होती. तिने आपल्या कारकि‍र्दीत बऱ्याच बॉलिवूड कलाकारांसोबत काम केलं होतं. मृत्यूपूर्वी दिशा सालियन सुशांत सिंह राजपूतचे काम आणि पीआर मॅनेजमेंट सांभाळत होती. दरम्यान, 8 जून 2020 रोजी मुंबईतील मालाड स्थित एका हाईराइजिंग बिल्डिंगच्या 14 व्या मजल्यावरुन पडून, दिशा सालियनचा मृत्यू झाला, अशी माहिती आहे.
दिशा सालियच्या मृत्यूनंतर बरोबर सहा दिवसांनी म्हणजेच 14 जून 2020 रोजी सुशांत सिंह राजपूत याचा मृतदेह मुंबईतील वांद्रे येथील त्याच्या फ्लॅटमध्ये आढळला. एकाच आठवड्यात दोघांचा मृत्यू झाल्यामुळे सिनेसृष्टीसह राज्यात खळबळ उडाली. सुशांत सिंह राजपूतच्या चाहत्यांना या बातमीवर विश्वासच बसत नव्हता. दरम्यान, प्राथमिक तपासात मुंबई पोलिसांनी सुरुवातीला असा दावा केला होता की, दिशा सालियन आणि सुशांत सिंह राजपूत या दोन्ही प्रकरणांमध्ये कोणताही थेट संबंध नसल्याचं त्यांनी सांगितलं.
महत्त्वाच्या इतर बातम्या: