Deool Band 2 Trailer Snehal Tarde, Mohan Joshi: सुमारे दहा वर्षांपूर्वी प्रदर्शित झालेल्या 'देऊळ बंद' सिनेमानं प्रेक्षकांची मनं जिंकत बॉक्स ऑफिसवर (Deool Band 2 Box Office Collection) मोठं यश मिळवलेलं. अशातच आता या सिनेमाचा पुढचा भाग 'देऊळ बंद 2' (Deool Band 2 Trailer) येत आहे. 21 मे 2026 सिनेमा महाराष्ट्रभरात रिलीज करण्यात येणार आहे. त्यामुळे स्वामीभक्त आणि प्रेक्षकांमध्ये प्रचंड आनंदाचं वातावरण निर्माण झालं. आनंदाबरोबरच उत्सुकता वाढली असतानाच नुकताच 'देऊळ बंद 2' सिनेमाचा ट्रेलर रिलीज करण्यात आला आणि स्वामी भक्तांच्या आनंदात आणखीनच भर पडली.
सुमारे दहा वर्षांपूर्वी प्रदर्शित झालेल्या 'देऊळ बंद' (Deool Band) या चित्रपटाने प्रेक्षकांची मनं जिंकत बॉक्स ऑफिसवर मोठं यश मिळवलं होतं. आता या गाजलेल्या चित्रपटाचा दुसरा भाग म्हणजेच 'देऊळ बंद 2' येत्या 21 मे रोजी प्रेक्षकांच्या भेटीला येणार असून, नुकताच या चित्रपटाचा दमदार ट्रेलर प्रदर्शित करण्यात आला आहे.
दिग्दर्शक प्रवीण तरडे (Director Pravin Tarde) यांच्या या चित्रपटात यावेळी एका शेतकरी महिलेची संघर्षमय कथा पाहायला मिळणार आहे. दुष्काळ, शेतकरी आत्महत्या आणि शेतकऱ्यांच्या प्रश्नांवर थेट देवाला जाब विचारणारी ही महिला कथानकाच्या केंद्रस्थानी आहे. अभिनेत्री स्नेहल तरडे ही भूमिका साकारत असून, मोहन जोशी श्री स्वामी समर्थांच्या भूमिकेत झळकणार आहेत.
'देऊळ बंद' (Deool Band) मध्ये ज्येष्ठ अभिनेते मोहन जोशी (Actor Mohan Joshi) यांनी आपल्या सशक्त अभिनयानं आणि आवाजानं स्वामी समर्थ (Swami Samartha) अक्षरशः प्रत्यक्षात आपल्या समोर उभं राहून आपल्याशी संवाद साधत आहेत, असं प्रेक्षकांना वाटत होतं. तेच सर्वांना 'देऊळ बंद 2'मध्ये अनुभवायला मिळणार आहे. 80 वर्षांच्या मोहन जोशींचा अभिनय पाहून सर्वांना खरोखरंच स्वामीच समोर उभे असल्याचा भास होत असल्याचं नेटकऱ्यांचं म्हणणं आहे.
'देऊळ बंद 2' ट्रेलरमध्ये नेमकं काय दाखवलंय?
मराठी सिनेसृष्टीतील बहुचर्चित 'देऊळ बंद 2' सिनेमाचा दमदार ट्रेलर अखेर प्रेक्षकांच्या भेटीला आला आहे. काही दिवसांपासून या सिनेमाची जोरदार चर्चा सुरू होती. आता ट्रेलर प्रदर्शित झाल्यानंतर प्रेक्षकांची उत्सुकता आणखी वाढली आहे. दिग्दर्शक प्रवीण तरडे यांच्या या चित्रपटात यावेळी श्रद्धा, शेतकरी आणि वास्तववादी प्रश्नांची वेगळी मांडणी पाहायला मिळणार आहे.
सुमारे दहा वर्षांपूर्वी प्रदर्शित झालेल्या देऊळ बंद सिनेमाला प्रेक्षकांनी भरभरून प्रतिसाद दिला होता. आता त्याचा दुसरा भाग नव्या कथानकासह प्रेक्षकांसमोर येत आहे. ट्रेलरमध्ये एका शेतकरी महिलेचा संघर्ष दाखवण्यात आला आहे. दुष्काळ, शेतकरी आत्महत्या, कर्जबाजारीपणा आणि ग्रामीण भागातील गंभीर वास्तव यावर थेट भाष्य करण्यात आलं आहे. विशेष म्हणजे, या वेळी देवाकडे प्रश्न विचारणारी आणि व्यवस्थेला जाब विचारणारी एक महिला कथानकाच्या केंद्रस्थानी असल्याचं दिसून येत आहे.
"मी तुमचं अस्तित्व मान्य करेन पण, तुम्ही आधी परीक्षा द्या...", असं आवाहन ही हतबल झालेली महिला थेट देवाला करते, आणि इथून सुरू होतो देवाच्या परीक्षेचा प्रवास. शेतात, दऱ्याखोऱ्यांमध्ये, एसटीने, माणसांनी खचाखच भरलेल्या गाडीतून या महिलेचा अन् देवाचा प्रवास सुरू होतो. आता या प्रवासात शेतकऱ्यांच्या कोणत्या समस्या अधोरेखित होणार, यावर स्वामी या शेतकरी महिलेला काय मार्ग दाखवणार? हे पाहणं औत्सुक्याचं ठरणार आहे.
'देऊळ बंद 2' हा चित्रपट येत्या 21 मे रोजी प्रदर्शित होणार असून, ट्रेलरनंतर प्रेक्षकांमध्ये सिनेमाबद्दलची उत्सुकता अधिकच वाढली आहे.
महत्त्वाच्या इतर बातम्या :