Crime Thriller On OTT: ओटीटी प्लॅटफॉर्मवर क्राइम ड्रामा हा प्रेक्षकांचा सगळ्यात आवडता जॉनर आहे. सस्पेन्स, थरार आणि रिअल लाईफ इन्स्पिरेशन यामुळे अशा सीरिजला कायम चांगला प्रतिसाद मिळताना दिसतो. सध्या अशीच एक जबरदस्त क्राइम ड्रामा सीरिज ओटीटीवर धुमाकूळ घालतेय. रिलीज होताच प्रचंड चर्चेत आली आहे. 8 एपिसोड्सची ही सीरिज 17 एप्रिल 2026 रोजी Prime Video वर रिलीज झाली आणि येताच ट्रेंडिंग लिस्टमध्ये नंबर 1 वर पोहोचली आहे. प्रेक्षकांकडून या सीरिजला तुफान प्रतिसाद मिळताना दिसतोय.
काय आहे सीरिजची कथा?
आपण बोलतोय नागराज मंजुळे यांच्या 'मटका किंग' या सिरीज बद्दल. 1964 ते 1975 या काळात फिरणारी 'मटका किंग' ही सिरीज ब्रिज भट्टी नावाच्या एका मेहनती कापूस व्यापाऱ्याभोवती फिरते. अधिक पैसे कमावण्यासाठी जुगाराच्या दुनियेत पाऊल ठेवतो. सुरुवातीला त्याचा हा व्यवसाय फारसा चालत नाही, पण त्यानंतर त्याच्या डोक्यात एक भन्नाट आयडिया येते. ही आयडिया पूर्ण गेमच बदलून टाकते. ती इतकी यशस्वी ठरते की सामान्य लोकांपासून ते सेलिब्रिटी आणि राजकारणीही त्याच्या जुगाराच्या दुनियेत ओढले जातात. मात्र, यशाबरोबरच त्याचे शत्रूही वाढत जातात. परिस्थिती अशी येते की त्याच्यावर खुलेआम हल्ले होतात आणि शेवटी त्याला जेलमध्ये जावं लागतं. जरी ही मालिका त्याच्या तुरुंगात जाण्यापूर्वीच संपत असली तरी, निर्मात्यांनी दुसऱ्या सीझनचे संकेत दिले आहेत.
आता तो या सगळ्यातून बाहेर पडेल का? की सगळं गमावेल? याचं उत्तर जाणून घेण्यासाठी ही सीरिज पाहावी लागेल. या सीरिजची कथा भारतातील प्रसिद्ध जुगार किंग रतन खत्री यांच्यापासून प्रेरित असल्याचं सांगितलं जात आहे. 'मटका किंग' 17 एप्रिलपासून प्राईम व्हिडिओवर स्ट्रीम होतेय.
स्टारकास्ट आणि रिलीज
मटका किंग मध्ये विजय वर्मा यांनी ब्रिज भट्टीची मुख्य भूमिका साकारली आहे. त्यांच्यासोबत कृतिका कामरा, सई ताम्हणकर,सिद्धार्थ जाधव आणि गुलशन कुमार यांसारखे दमदार कलाकार दिसत आहेत.थरार, ड्रामा आणि रिअल इन्स्पिरेशन यांचा जबरदस्त संगम असलेली ही सीरिज सध्या ओटीटीवर धुमाकूळ घालत असून, वीकेंड बिंज-वॉचसाठी परफेक्ट ऑप्शन ठरत आहे.