Chhaava OTT Release Date: कन्फर्म! 'छावा'ची ओटीटी रिलीज डेट जाहीर; कधी आणि कुठे पाहायला मिळणार?
Chhaava OTT Release Date: 'छावा'ला प्रेक्षकांनी डोक्यावर घेतलं. आपल्या बजेटच्या चार पट कमाई 'छावा'नं करत अनेक विक्रम रचले. अशातच आता 'छावा' लवकरच ओटीटीवर रिलीज होणार आहे.
Chhaava OTT Release Date: विक्की कौशल (Vicky Kaushal), रश्मिका मंदाना (Rashmika Mandanna), अक्षय खन्ना (Akshay Khanna) स्टारर 'छावा'नं (Chhaava Movie) बॉक्स ऑफिसवर (Box Office Collection) धुमाकूळ घातला आहे. तब्बल 2 महिने बॉक्स ऑफिस (Box Office) गाजवणारा 'छावा' ओटीटीवर (Chhaava OTT Released) कधी रिलीज होणार? याची वाट प्रत्येकजण पाहत होता. हिस्टॉरिकल ड्रामा असलेला 'छावा' छत्रपती शिवाजी महाराजांचे (Chhatrapati Shivaji Maharaj) पुत्र छत्रपती संभाजी महाराजांच्या (Chhatrapati Sambhaji Maharaj) शौर्यगाथेवर आधारित आहे. 'छावा'ला प्रेक्षकांनी डोक्यावर घेतलं. आपल्या बजेटच्या चार पट कमाई 'छावा'नं करत अनेक विक्रम रचले. अशातच आता 'छावा' लवकरच ओटीटीवर रिलीज होणार आहे. 11 एप्रिलला 'छावा' ओटीटीवर पाहता येणार आहे.
कोणत्या ओटीटी प्लॅटफॉर्मवर स्ट्रीम होणार 'छावा'?
गुरुवारी, जगभरात गाजलेला ओटीटी प्लॅटफॉर्म नेटफ्लिक्स आपल्या अधिकृत इन्स्टाग्राम अकाउंटवर 'छावा' रिलीज केला जाणार आहे. 'छावा'च्या ओटीटी रिलीजची डेट कन्फर्म करण्यात आली आहे. त्यानुसार, 'छावा' चित्रपट 11 एप्रिल रोजी ओटीटीवर रिलीज केला जाईल. चित्रपटाचं पोस्टर शेअर करताना, स्ट्रीमिंग जायंट प्लॅटफॉर्म नेटफ्लिक्सनं लिहिलंय की, "आले राजे आले, काळाच्या ओघात कोरलेल्या धैर्य आणि अभिमानाच्या कथेचे साक्षीदार व्हा. 11 एप्रिल रोजी नेटफ्लिक्सवर 'छावा' पाहा."
Aale Raje aale 👑 Witness a tale of courage and glory etched in time 🔥⚔️
— Netflix India (@NetflixIndia) April 10, 2025
Watch Chhaava, out 11 April on Netflix. #ChhaavaOnNetflix pic.twitter.com/6BJIomdfzd
लक्ष्मण उतेकर दिग्दर्शित ऐतिहासिक अॅक्शन फिल्म असलेला 'छावा' मराठा साम्राज्याचे दुसरे छत्रपती संभाजी महाराजांच्या आयुष्यावर आधारित आहे. फिल्ममध्ये छत्रपती संभाजी महाराजांची भूमिका विक्की कौशलनं साकारली आहे. अशातच फिल्ममध्ये अक्षय खन्नानं मुघल सम्राट औरंगजेबाची भूमिका साकारली आहे.
2025 मधली सर्वाधिक कमाई करणारा चित्रपट 'छावा'
'छावा'नं जगभरात 790.14 कोटी रुपयांची (92 मिलियन अमेरिकी डॉलर्स) जबरदस्त कमाई केली आहे. तसेच, घरगुती बाजारात याचं कलेक्शन 600 कोटींहून जास्त आहे. यासोबतच 2025 ची सर्वाधिक कमाई करणारा भारतीय चित्रपट बनला आहे. याव्यतिरिक्त 'छावा' जबरदस्त बॉक्स ऑफिस कलेक्शनमुळे भारतातील सर्वाधिक कमाई करणाऱ्या फिल्म्सच्या लिस्टमध्ये आठव्या क्रमांकावर आहे. तसेच, ओव्हरऑल हायएस्ट ग्रॉसिंग भारतीय फिल्म्समध्ये तेराव्या क्रमांकावर आहे.
महत्त्वाच्या इतर बातम्या :
महत्त्वाच्या बातम्या
