Vicky Kaushal Chhaava Movie Online Leaked: विक्की कौशलच्या 'छावा'ला मोठा फटका; 2 तास 35 मिनिटांचा सिनेमा ऑनलाईन लीक, 'छावा'च्या बॉक्स ऑफिसवरील घौडदौडीला ब्रेक लागणार?
Vicky Kaushal Chhaava Movie Online Leaked: जगभरात सिंहगर्जना करणारा 'छावा' आता मात्र अडचणीत सापडला आहे. पायरसीमुळे 'छावा'च्या अडचणींत मोठी वाढ झाली आहे.
Vicky Kaushal Chhaava Movie Online Leaked: 'छावा'नं (Chhaava Movie) जगभरात धुमाकूळ घातला आहे. चित्रपटानं रिलीज होताच बॉक्स ऑफिसवर (Box Office) ताबा मिळवला. लक्ष्मण उतेकर (Laxman Utekar) दिग्दर्शित 'छावा' (Chhaava) चित्रपटात छत्रपती संभाजी महाराजांची (Chhatrapati Sambhaji Maharaj) शौर्यगाथा मांडण्यात आली आहे. 14 फेब्रुवारी रोजी रिलीज झालेल्या 'छावा' चित्रपटानं फक्त आणि फक्त चारच दिवसांत आपलं भांडवल वसूल केलं. 'छावा'मध्ये विक्की कौशल (Vicky Kaushal), रश्मिका मंदाना (Rashmika Mandanna) आणि अक्षय खन्ना (Akshaye Khanna) महत्त्वाच्या भूमिकांमध्ये दिसून आले आहेत. पण, जगभरात सिंहगर्जना करणारा 'छावा' आता मात्र अडचणीत सापडला आहे. पायरसीमुळे 'छावा'च्या अडचणींत मोठी वाढ झाली आहे. सगळीकडे शेअर होत असलेल्या पायरसी कॉपीमुळे (Piracy Copy) 'छावा'ला मोठा फटका बसणार असल्याचं बोललं जात आहे.
मीडिया रिपोर्ट्सनुसार, बेकायदेशीर उपलब्ध असलेल्या पायरसी कॉपीमुळे विक्की कौशलच्या 'छावा'चा मोठा फटका बसणार आहे. 2 तास 35 मिनिटांचा संपूर्ण चित्रपट पायरसी कंटेट देणाऱ्या वेबसाईटवर उपलब्ध करण्यात आला आहे. त्यामुळे आता 'छावा'ची बॉक्स ऑफिसवरची हवा मंदावू शकते, असं बोललं जात आहे.
'छावा'च्या कमाईबाबत थोडंस...
'छावा'च्या कमाईबाबत बोलायचं झालं तर, छत्रपती शंभू राजांची शौर्यगाथा रुपेरी पडद्यावर मांडणाऱ्या या चित्रपटानं रिलीज होताच अनेक विक्रम आपल्या नावे केले आहे. 'छावा' 2025 मधील सर्वात मोठा ओपनर ठरलेला पहिला बॉलिवूडपट आहे. 2024 बॉलिवूडसाठी फारसं चांगलं ठरलं नाही. त्यामुळे 2025 मध्ये तरी बॉलिवूड स्वतःला सावरणार का? असा प्रश्न होता. पण, 'छावा' रिलीज झाला आणि बॉलिवूडनं सुटकेचा निश्वास टाकला. कित्येक दिवसांनी एखाद्या बॉलिवूड सिनेमानं बॉक्स ऑफिसवर ताबा मिळवल्याचं पाहायला मिळालं.
'छावा'नं पहिल्या दिवशी 31 कोटींची कमाई केली. दुसऱ्या दिवशी या चित्रपटानं 37 कोटी, तिसऱ्या दिवशी 48.5 कोटी, चौथ्या दिवशी 24 कोटी रुपये कमावले. तर, पाचव्या दिवशी 'छावा'नं 24.50 कोटींची कमाई केली. यासह, 'छावा'ची पाच दिवसांत एकूण कमाई आता 165 कोटी रुपये झाली आहे.
दरम्यान, लक्ष्मण उतेकर दिग्दर्शित 'छावा'मध्ये छत्रपती संभाजी महाराजांच्या भूमिकेत विक्की कौशल, महाराणी येसूबाईंच्या भूमिकेत रश्मिका मंदाना, तर औरंगजेबाच्या भूमिकेत अक्षय खन्ना दिसत आहे.
महत्त्वाच्या इतर बातम्या :
महत्त्वाच्या बातम्या
