TV Actress Charu Asopa: प्रेग्नन्सीदरम्यान पतीनं फसवलं; बॅगेत सापडलेल्या ‘त्या’ वस्तूमुळे अभिनेत्रीला आलेला संशय अन् मोडलेला संसार
मुलीला तिच्या आजी आजोबांपासून आणि कुटुंबातील इतर सदस्यांपासून जाणीवपूर्वक दूर ठेवण्याच्या टीकेला ही तिने उत्तर दिलं.
TV Actress Charu Asopa: मनोरंजनसृष्टीत अनेक चेहरे हे त्यांच्या वैयक्तिक आयुष्यामुळे अधिक चर्चेत राहतात. सुष्मिता सेनचा भाऊ राजीव सेनसोबत लग्न केलेली अभिनेत्री आता मुली सोबत आनंदाने आयुष्य घालवत आहे. टीव्ही अभिनेत्री चारु असोपाने (Charu Asopa) 2019 मध्ये अभिनेत्री सुष्मिता सेनचा भाऊ राजीव सेनसोबत (Rajiv Sen) लग्न केलं होतं. 2021 मध्ये त्यांना मुलगी झाली. मात्र, मुलीच्या जन्मानंतर त्यांच्यात वैवाहिक आयुष्यात अडचणी सुरू झाल्या. अखेर 2023 मध्ये दोघेही एकमेकांपासून विभक्त झाले.
अलीकडेच दिलेल्या एका व्लॉगमध्ये तिने मुंबईहून बिकानेरला स्थलांतरित झाल्याचा सांगितलं. मुंबईत एका विशिष्ट प्रकारची जीवनशैली टिकवून ठेवण्याचा आर्थिक दबाव वाढत असल्यामुळे मुंबईच्या बाहेर निघून जाण्याचा निर्णय तिने घेतल्याच सांगितलं.
2019 मध्ये झालेलं लग्न
चारु असोपा आणि राजीव सेन यांनी 2019 मध्ये लग्न केलं. मात्र, त्यांच्या नात्यात सुरुवातीपासूनच अनेक चढ-उतार आले. चारुने एका मुलाखतीत त्यांच्या वैवाहिक आयुष्याबाबत अनेक धक्कादायक दावे केले होते. चारुच्या म्हणण्यानुसार, तिला राजीवच्या बॅगेत काही प्रायवेट वस्तू सापडल्या होत्या. त्यानंतर तिला राजीव यांच्यावर संशय येऊ लागला.
प्रेग्नन्सीदरम्यान पतीने धोका दिल्याचा आरोप
चारु असोपाने आरोप केलेला की, त्या प्रेग्नंट असताना राजीवने तिला फसवलेलं. राजीव अनेकदा बराच वेळ घराबाहेर राहत होते आणि रात्री उशिरा घरी परतत होता, असं चारुने सांगितलं. ‘पिंकविला’ला दिलेल्या मुलाखतीत चारुने सांगितलेलं की, राजीव अनेकदा वेगवेगळी कारणं सांगायचा. कधी ट्रॅफिक कमी होण्याची वाट पाहण्यासाठी वांद्रे येथील कॅफेमध्ये बसल्याचं तो सांगायचा, तर कधी आपल्या कारमध्येच रात्र काढल्याचा म्हणायचा.
फिजिकल व्हायलन्सचाही आरोप
चारुने राजीववर शारीरिक हिंसाचार केल्याचाही आरोप केला होता. त्यानंतर तिने पोलिसांत तक्रार दाखल केल्याचंही सांगितलं. मात्र, राजीवने माफी मागितल्यानंतर ती अनेकदा त्याला माफ करत असल्याचं चारुने म्हटलं.एका टप्प्यावर चारुने घटस्फोटाचा निर्णय मागे घेतला होता. राजीवने स्वतःमध्ये सुधारणा करण्याचं आश्वासन दिल्यामुळे तिने पुन्हा नात्याला संधी दिली. विशेष म्हणजे, मुलीसाठी तिने हा निर्णय घेतला होता. मात्र, परिस्थितीत अपेक्षित बदल झाला नाही आणि अखेर दोघेही वेगळे झाले. दरम्यान, राजीव सेन यांनी चारुने केलेले सर्व आरोप फेटाळून लावले होते. उलट त्याने चारुवरच अभिनेता करण मेहरासोबत अफेअर असल्याचा आरोप केला होता. मात्र, चारुने हा दावा खोटा असल्याचं स्पष्ट केलेलं. मुलीला तिच्या आजी आजोबांपासून आणि कुटुंबातील इतर सदस्यांपासून जाणीवपूर्वक दूर ठेवण्याच्या टीकेला ही तिने उत्तर दिलं. तिच्या मुलीला दोन्ही कुटुंबातील सदस्यांना किंवा तिच्या वडिलांना भेटण्यापासून कधीही रोखलं नसल्याचं ती म्हणाली. दरम्यान राजीव सेन त्याच्या मुलीसोबत अनेकदा वेळ घालवताना दिसतो.
View this post on Instagram
मुलीसाठी नॉर्मल नातं ठेवण्याची इच्छा
चारुने सांगितलेलं की, तिला मुलीसाठी राजीवसोबत एक Normal नातं कायम ठेवायचं आहे. मुलीला तिच्या वडिलांसोबत वेळ घालवण्याचा पूर्ण अधिकार आहे, असं तिचं म्हणणं आहे. आपल्या आई-वडिलांना एका खराब नात्यात पाहण्याची वेळ मुलीवर येऊ नये, अशीही तिची इच्छा आहे. चारु असोपा ही टीव्ही इंडस्ट्रीतील प्रसिद्ध अभिनेत्री आहे. तिने ‘मेरे अंगने में’, ‘देवों के देव...महादेव’, ‘जीजी मां’, ‘बालवीर’ आणि ‘लाडो 2’ यांसारख्या लोकप्रिय मालिकांमध्ये काम केलं आहे.
महत्त्वाच्या बातम्या
