Hollywood Actor Brad Pitt Going To Marry GF Ramon Ines: हॉलिवूड (Hollywood News) सुपरस्टार 'ब्रॅड पिट' (Brad Pitt) पुन्हा एकदा त्यांच्या वैयक्तिक आयुष्यामुळे चर्चेत आला आहे. सोशल मीडियावर अँजेलिना जोलीसोबत (Angelina Jolie) घटस्फोट घेतल्यानंतर ते पुन्हा विवाहबंधनात अडकणार असल्याच्या चर्चा वेगानं पसरत आहेत. सध्या ब्रॅड पिट हा स्वतःपेक्षा 29 वर्षांनी लहान असलेल्या 'इनेस डी रेमोन' हिला डेट करत आहेत. गेल्या सुमारे चार वर्षांपासून हे दोघे एकमेकांसोबत आहेत.
नुकत्याच समोर आलेल्या एका अहवालानुसार, त्यांच्या लग्नाच्या चर्चांना कोणताही आधार नसल्याचं सांगण्यात आलं आहे. या वृत्तात या जोडप्याचा सध्या लग्न करण्याचा कोणताही विचार नसल्याचा दावा करण्यात आला आहे. तरीही ब्रॅड पिट यांच्या चाहत्यांमध्ये आणि मनोरंजनविश्वात इनेस डी रेमोन यांच्याबाबतची उत्सुकता वाढली आहे. विशेष म्हणजे, ब्रॅड पिट यांच्याप्रमाणेच इनेस डी रेमोन यांचाही यापूर्वी घटस्फोट झाला आहे.
सध्या 62 वर्षीय ब्रॅड पिट आणि व्यवसायानं ज्वेलरी डिझायनर असलेल्या 33 वर्षीय इनेस डी रेमोन यांचं नातं अधिक दृढ होत असल्याचं म्हटलं जातं. 'डेली मेल'च्या वृत्तानुसार, हे नातं मजबूत असलं तरी ब्रॅड पिट सध्या पुन्हा लग्न करण्याचा किंवा कुटुंब वाढवण्याचा विचार करत नाहीत. एका सूत्राच्या हवाल्यानं अहवालात म्हटलंय की, "ब्रॅडकडे एक उत्तम जोडीदार आहे, ज्याची ते मनापासून कदर करतात. मात्र, नात्याला पुढच्या टप्प्यावर नेण्याची त्यांना कोणतीही घाई नाही..."
घटस्फोटानंतरच्या अनुभवांमुळे ब्रॅड पिट लग्नाबाबत सावध?
अहवालातील एका जवळच्या सूत्राने सांगितले की, ब्रॅड पिट आणि इनेस डी रेमोन यांची जोडी सध्या खूप आनंदी आहे. ऑस्कर विजेते अभिनेते ब्रॅड पिट यांना त्यांच्या शांत स्वभावाच्या गर्लफ्रेंडकडून मिळणारा आधार आणि मानसिक शांतता खूप महत्त्वाची वाटते. मात्र, सध्या तरी ते लग्न करण्याच्या विचारात नाहीत. यामागे अँजेलिना जोली यांच्यापासून विभक्त झाल्यानंतरचे अनुभव आणि त्यानंतर निर्माण झालेली परिस्थिती हे एक महत्त्वाचे कारण असल्याचे सांगितले जात आहे.
कोण आहेत इनेस डी रेमोन?
इनेस डी रेमोन यांचा जन्म 19 डिसेंबर 1992 रोजी न्यू जर्सी येथे झाला. मात्र, त्यांचं संगोपन जिनिव्हा, स्वित्झर्लंडमध्ये झाले. त्यांचे कुटुंब मूळचे माद्रिद, स्पेन इथलं आहे. इनेस या बहुभाषिक असून त्या पाच भाषा बोलू शकतात.
व्यवसायानं त्या ज्वेलरी क्षेत्रातील वरिष्ठ अधिकारी (ज्वेलरी एक्झिक्युटिव्ह) आणि प्रमाणित इंटिग्रेटिव्ह न्यूट्रिशन हेल्थ कोच आहेत. Anita Ko Jewelry या लॉस एंजेलिसस्थित लक्झरी ज्वेलरी ब्रँडमध्ये त्या उपाध्यक्ष (व्हाइस प्रेसिडेंट) म्हणून कार्यरत असल्यामुळे त्यांची विशेष ओळख आहे. त्यांनी 2013 मध्ये University of Geneva मधून बिझनेस अॅडमिनिस्ट्रेशन विषयात पदवी मिळवलीय. त्यांच्या व्यावसायिक यशामुळे आणि ब्रॅड पिट यांच्यासोबतच्या नात्यामुळे त्या सध्या आंतरराष्ट्रीय माध्यमांच्या चर्चेचा विषय ठरत आहेत.
महत्त्वाच्या इतर बातम्या :
ABP माझाच्या बातम्या LIVE...