Urvashi Rautela: अभिनेत्री उर्वशी रौतेलानं (Urvashi Rautela) नुकताच एक खास फोटो सोशल मीडियावर शेअर केला आहे.या फोटोमध्ये उर्वशी ही विश्वचषकाच्या ट्रॉफी शेजारी उभी राहिलेली दिसत आहे. उर्वशीच्या या फोटोनं अनेकांचे लक्ष वेधले आहे. उर्वशीनं शेअर केलेल्या या फोटोला कमेंट करुन अनेक नेटकऱ्यांनी तिला ट्रोल केलं आहे.
उर्वशीनं नुकताच सोशल मीडियावर खास फोटो शेअर केला आहे. या फोटोमध्ये उर्वशी ही वर्ल्ड कप ट्रॉफीच्या जवळ उभी राहिलेली दिसत आहे. उर्वशीनं या फोटोला कॅप्शन दिलं, 'पॅरिस फ्रान्समधील आयफेल टॉवर येथे "क्रिकेट वर्ल्ड कप 2023 ट्रॉफी" अधिकृतपणे लाँच करणारी पहिली कलाकार, धन्यवाद icc'
उर्वशीनं शेअर केलेल्या फोटोमध्ये ती गोल्डन आऊटफिटमध्ये दिसत आहे. तर तिच्या मागे आयफेल टॉवर दिसत असून तिच्या शेजारी वर्ल्ड कपची ट्रॉफी दिसत आहे.
नेटकऱ्यांनी उर्वशीला केलं ट्रोल
उर्वशीनं शेअर केलेल्या फोटोला कमेंट करुन अनेक नेटकऱ्यांनी तिला ट्रोल केलं आहे. एका नेटकऱ्यानं उर्वशीच्या फोटोला कमेंट केली, 'जल्दी वहां से हटो' तर दुसऱ्या युझरनं कमेंट केली, 'शाहरुखनं पहिल्यांदा ट्रॉफीचं अनावरण केलं आहे, माहित नसेल तर जाऊ प्रोमो बघ'
उर्वशीचे चित्रपट
उर्वशीने 2013 मध्ये आलेल्या 'सिंग साब द ग्रेट' चित्रपटातून बॉलिवूडमध्ये पदार्पण केले. त्यानंतर तिनं ''सनम रे', 'ग्रेट गँड मस्ती', 'हेट स्टेरी 4' आणि 'पागलपंती' अशा अनेक चित्रपटांमध्ये काम केलं. उर्वशीच्या आगामी चित्रपटांची प्रेक्षक उत्सुकतेने वाट बघत असतात. उर्वशी ही सोशल मीडियावर अॅक्टिव असते. तिच्या आगामी चित्रपटांची माहिती ती सोशल मीडियावर माध्यमातून देते. तिला इन्स्टाग्रामवर 67.1 मिलियन फॉलोवर्स आहेत. वॉलटेर वीरय्या या चित्रपटातील बॉस पार्टी या आयटम साँगमधील उर्वशीच्या डान्सला प्रेक्षकांची पसंती मिळाली होती.
इतर महत्वाच्या बातम्या :
Urvashi Rautela Surya Kumar Yadav : उर्वशी -सुर्यकुमार एकत्र; नव्या व्हिडीओनं उडालीये खळबळ